حـــــــــــــــــلم ريـــــــــــرى: أكتوبر 2011

الثلاثاء، 11 أكتوبر 2011

علـــــى الــــويتنج

2011
هتخلصى امتى ابوس ايدك بقى
على ماافتكر فى تواريخى كلها
انك افظع سنه عددت عليا
بجد انا قرفت منك
ونفسى اكرشك بقى
بحلم باليوم اللى يجى فيه تبقى 2012
ارحمينى بقى ياشيخه
حتى احلى حاجه حصلتلى فيكى كان معها مرار
ده انتى سنه كأيبه
لو عندك دم تخلصى بقى
ياساتر ياساتر

________

النهارده وانا فى طريقى للكورس
شوفت بنتين توؤام ومامتهم ماشيه معهم سنهم تقريبا بش يزيد عن 3 سنين
وملابسهم حجاب بغض النظر على النص كوم بس ماشاء الله عليهم زى القمر
انا ماشيه ومستمتعه بطريقتهم فى المشى والكلام
مامتهم : يامريم
تقوم لفه مريم بدلع
مريم: انا بش مريم انا اسمى مزه
مامتهم : طيب يامزه ياقمر
مريم : (بنفس الدلع ) انتى اللى عسل يامزه
وانا ميته من الضحك

_________

البس النظاره الشمس ولا اقلعها
حتى الشمس بش مستقره على حاجه

________

حاله من الاستغراب

________

هو انا فى بالكم ولا لاء

__________

انا اديت الناس اكبر من حجمهم

_______

لو كنت بحط لسانى جوه بوقى واسكت
بس لو من عمل الشيطان

_________

اعوذ بالله من الشيطان الرجيم

________

نفسى فى واقفه على النيل وابقى لوحدى
ومحدش شايفنى

_______

هو انا عشان قولت انا خايفه
هتمسكوها ذله عليا
وتحسسنى بالنقص

_________

مبحبش نظره الشفقه من حد
اى كان الحد ده
حتى لو بهزار

___________

انا بش بكره ولا بشيل من حد
انا بس بش بنسى

_______

قلبى بش ملكى
ويوم ماقلبى يطرد حد من جواه بش هعرف ارجعوا تانى
دى بش قسوه

__________

لو كنت عايزه ابقى مدام وعندى عيال
كان زمانى بقيت
بس انا بش بعترف بالبطيخه
يتطلع قرعه يتطلع حمره
انا مستنيه الحمره

________

ببص بعنيا وساكته
بس فاهمه كل اللى حواليا ومعنديش اى استعداد
اعاتب اى حد
ولا اجادل

________

اه لو الدنيا تدينى اختيار زى الكمبيوتر
واعمل ريستات

______

انا على الويتنج
.........
منتظره حاجات كتيرررررررررررررررررررر
باذن الله
لوانى معرفش ايه هيا الحاجات ولا ايه هيا الكتيررررررررررر دول

فتكم بعافيه

الاثنين، 10 أكتوبر 2011

هـــ(ــنــ)ـــسقط

انا هسقط باءذن الله ومن غير مقاطعه
والنون دى ان كل اللى فى الكورس هيسقطوا معايا
هيا دى الديمقراطيه
هيا دى الجبروت
هو ده التفاؤل
انا هسقط علشان انا حاسه ان انا هسقط
وهيطلع النتيجه على الكمبيوتر كده
فاشله فاشله :D
لاء وهسقط وفرحانه
الدم انعدم ياعيال
اه ونعمه
ادعولى
لحسن هتبقى فى فضيحتى فى اليونسكو كبيره اوووى
ريرى هتتفضح فى اليونسكو
انها سقطت
يلهوووووووووى طيب هنا احنا ولاد بلد واحده
لكن اليونسكو برستيجى هيضيع كده

____________

العائله الكريمه
اللى هيا عائلتى
فى انتظار نونو جديد باذن الله فى الشهر ده
عشان انا هبقى خالتو تانى
وهيجى لوزه اخ نونو العب بيه بقى

_____________

الناس دماغها كلتها اه والله
الناس بقت ماشيه بتكلم نفسها
والله انا شوفت بعينى
الناس عاقلها فوت
خلاص

__________

من كام يوم كنت راكبه المترو
وواقفه لاقيت طفل صغنون بينغشنى وعمال يشد فى الساعه بتاعتى
فضلت اهزر معه محستش بالمحطات
وبقى عايز يسيب مامتوا وينزل معايا
بقى بوقى من اول هنا لحد هنا
من الضحك
انا بمووووووت فيهم كده

_________

الدكتور اللى برحلوا حد عجيب
طول ماهو قاعد مشغل اغانى من ايام النكسه
نفسى اقولوا العالم بره بيتغير واسالوا جايب الاغانى دى منين
ويجى يتكلم معايا ولا اكنى شريط كاست متسجل
بس الحمد لله المره دى راجعه مبسوطه من عندوا
اهو نوعا ما
يارب الحال يستمر على كده

_____________

ماسبيرو واللى حصل
انا كل اللى حرق دمى حاجه واحده بس
انا بش بدافع عن حد ولا ليا علاقه بحد
اولا فى ناس تقولك ده الجيش هو اللى مسلط ناس تعمل كده
الجيش هيسلط ناس تضرب الجيش وتحرق مدرعات
فى ناس من الجيش ماتوا زنبهم ايه ونبى دول
ثانيا الاقباط ماتعملوا اللى هما عايزينوا بسيطه يعنى هما بيطلبوا انهم يبنوا كنايس
لاحولا ولا قوه اللى بالله ماتسبهم يبنوا ايه اللى هيضيقكم فى كده
نفسى اعرف ايه اللى يضيق فى كده
وكمان طلما شايفين الدنيا بتولع وفى ضرب الناس اللى كانت واقفه فى الشوارع فى التحرير واقفين لييييييييييييييييييييييه
ماتروحوا!!!!!!
يمكن كلامى على قدى بس ده تفكيرى

___________

تغير الارقام معرفش بجد مين ابن الحلال اللى قال الموضوع ده
انا فى نمر من كتر مازهقت وانا عامله اغير واشوف دى اتصالات ولا فودافون ولا موبنيل
بقيت بمسح
وبعدين هنعمل زى العربيات
بالحروف

____________

اى تحديث بينزل لاى برنامج واقل عقلى واقول ومالوا احدث
يطلع عينى
واقربها الياهو

___________

فضحتينى !!!!!!

(( نظره كلها اشمئزاز ))

____________

ياترى هو انا لما انشغل بحاجه
هنسى الناس ؟؟؟
اومال انا بش بنساهم ليه !!
اكيد العيب منى
ماهو انك تفتكر الناس وتسال عليهم
بقى عيب فى الزمن ده

_______

عندى حاجه غريبه كده معرفش دى ميزه ولا عيب
لما بعمل حاجه وابقى بش راضيه عنها
بعمل فيها مستهبله وانها بش حصلت
اوعوا يكون ده مرض :D

________

انا حد مصرف جداااااااااااااااااااااااااااااااااااااااااااااااااا
يعنى اى فلوس انزل بيها لازم ارجع من غيرها
بقت مشكله بنسبالى اوووى
بس انا طول عمرى كده مبحبش احوش زى الناس
ولما كنت بعمل جمعيه انا واختى واحنا صغيرين عشان اجبر نفسى على التحويش
كنت بفكها وبش بقدر استحمل اسبوع على بعضوا
كان عندى حصاله زمان فيها بوبى احط الفلوس يطلع ياخدها ويجرى يدخل تانى
بس كنت عارفه ان الوبى ده لعبه بلاستك كبيروا هكسروا وهاخد الفلوس تانى
ياسلام لو كان حقيقى كان زمانى معايا ملاييييين ولحد الان خايفه ااقرب جامبهم
هههههههههههههههه

______________

انا عندى فوبيا دكاتره الاسنان
!!!

______________

كفايه رغى بقى
فتكم بعافيه
اوعوا تنسوا تتدعولى انجح

ازيكـــــــــــــــم بجـــــــــــا

هونا كل الكلام وباحلامى طالعه من قلبى ممكن بش تفهمنى ايه المقصود منها وتقرا وتقول ايه البت دى ولا بتعرف تكتب وانا بش قاصده هنا ان انا اكتب كلام كبير عن اللى فى قلبى هونا مجرد ورقه وقلم بطلع فيهم كل اللى جوايا فى وسط زحمه من الناس ولا هما يعرفونى ولا انا اعرفهم المهم ان انا وقت مااحب اتكلم بلاقى مكان ارغى فيه من غير ماحد يقولى بس انتى رغايه اوى ^_^

صاحبه الحلـــــــــــم

إمرأة بقلب منحوت لم أنسى ولم اتناسى فكل من مرووا على هذا القلب ... فنان في النحت خناجر ليست مرصعه بالاحجار ليست قاطعه حاده ليست مرئيه بل خناجر بارده ملتويه طاعنه بالاظهر صائبه للقلب نازفة للدمع الدموي فلكل منهم خنجره الخداع الكذب الخيانه الانانيه الطمع فلكل منهم فنه في دفن معاني الحب والعاطفه وليتنافسوا على اخفاء ملامح ومعالم هذا القلب وبالفعل نجحوا الجميع واصبح قلبي مشوه غير مقبول في مدرسه الحب فهو بلا منهج او معلم ولا يملك سوا تخاريف وأدخنه واحرف لاتعرف سوا الوهم منقوطه بالدماء فهذا القلب اشبه بيت في غابه وحيد يمر عليه كل من ضلوا الطريق ولا يحتاجوا لمفتاحه بل يطرقوا الباب فقط فيجدوا السذاجه والطيبه والبراءه في انتظارهم بالترحاب والان اصبح هذا البيت اقصد القلب منحوت ولا يعلم كم هو الان عمره

يــــــــــــــــا اللـــــــــــه

ربــــي وحبيبي انت ألهي وانت سندي ... جلست يا ربى ليلاً واردت الحديث معك ولكنى لا اعرف من اي ذنب ابدأ ولا منذ متى فوجدت روحى تشكى اليك ولا تريد لغيرك بسرها ان تبوح يا رؤوف يا رحيم طَيب ما بى من جروح استسلم فؤادى اليك واشتقت لسجده بين يديك سبحانك ربى يا من سقطت دموعى امامه وآبت ان تنزل امام البشر وسالت امامك يا رب البشر تثاقل الحمل واردت ان اضعه لمن هو حولى فى كل وقت اخذتنى ذنوبى منك فابتعدت وعدت خائفه ان يكون فات الوقت فوجدت بابك مفتوح اِلى ياربى فسقطت امامه اعلن توبتى وظنى الخير فى عفوك فاقبل يارب من اقبل اليك فى هذ الوقت طيب جراحه وامحى همه وحزنه وجمله بدموع على وجنتيه تطهر بها قلبه ونفسه استغفرك ربي استغفرك ربي استغفرك ربي لا اله الا انت سبحانك اني كنت من الظالمين يا حى يا قيوم برحمتك استغيث اصلح لى شانى كله و لا تكلنى الى نفسى طرفه عين! ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا )ا .

يـــا ربـــ

علمتنــي الحيــاة، ان أقول دائمــا يا رب ، لا انتظر شيئ من "أحــد" ، لا أرجو أحــد" ، لا أبكي على الذي فــات ، لا أندم على ما فــات ، ولا الوم الزمــان على شيئ ، فأنــا لــي ✿رب كبير ، يعطيني دون حسـاب ، اذا بكيــت يرضينــي ، اذا فقدت شيئ يعوضنــي ، يــا ✿رب ما لــي سواك ، يــارب

دعاء العبد الخطاء - لـــ: د.مصطفى محمود

إلهي .. إنك ترى نفسي و لا يراها سواك . تراها كالبيت الكبير الذي تصدعت منه الجدران و تهاوت السقوف و انكفأت الموائد . بيتاً مهجوراً يتعاوى فيه الذئاب و يلهو فيه القردة و تغرد العصافير . ساعةً تتلألأ فيه الأنوار و تموج فيه أشعة القمر . و ساعةً أخرى مظلماً مطموساً محطم المصابيح تسرح فيه العناكب . مرةً تحنو عليه يد الربيع فتتفتح الزهور على نوافذه و تصدح البلابل و تغزل الديدان الحرير و تفرز النحلات الطنانة العسل. و مرةً أخرى يأتي عليه الزلزال فلا يكاد يخلف جداراً قائماً لولا ذلك الحبل الممدود الذي ينزل بالنجدة من سماوات رحمتك . حبل لا إله إلا أنت سبحانك . أنت الفاعل سبحانك و أنت مجري الأقدار و الأحكام .. و أنت الذي امتحنت و قويت و أضعفت و سترت و كشفت .. و ما أنا إلا السلب و العدم .. و كل توفيق لي كان منك و كل هداية لي كانت بفضلك و كل نور كان من نورك .. ما أنا إلا العين و المحل و كل ما جرى علي من استحقاقي و كل ما أظهرت فيّ كان بعدلك و رحمتك .. ما كان لي من الأمر شيء . و هل لنا من الأمر شيء !؟ مولاي .. يقولون إن أكبر الخطايا هي خطايا العارفين .. و لكني أسألك يارب أين العارف أو الجاهل الذي استطاع أن يسلم من الفتنة دون رحمة منك .. و أنت الذي سويت نفوسنا و خلقتها و وصفتها بأنها ( لأمارة بالسوء إلا ما رحم ربي ) . و أين من له الحول و القوة بدونك .. و هذا جبريل يقول لنبيك لا حول من معصية إلا بعصمة الله و لا قوة على طاعة الله إلا بتمكين الله . و هل استعصم الذين استعصموا إلا بعصمتك و هل تاب الذين تابوا إلا بتوبتك .. و هل استغفروا إلا بمغفرتك . إلهي .. لقد تنفست أول ما تنفست بك و نطقت بك و سمعت بك و أبصرت بك و مشيت بك و اهتديت بك .. و ضللت عندما خرجت عن أمرك . سألتك يارب بعبوديتي أن ترفع عني غضبك .. فها أنا ذا و قد خلعت عن نفسي كل الدعاوي و تبرأت من كل حوْل و طوْل و لبست الذل في رحاب قدرتك . إنك لن تضيعني و أنا عبدك . لن تضيع عبداً ذل لربوبيتك و خشع لجلالك . و كيف يضيع عبد عند مولىً رحيم فكيف إذا كان هذا المولى هو أرحم الراحمين . ربّ اجذبني إليك بحبلك الممدود لأخرج من ظلمتي إلى نورك و من عدميتي إلى وجودك و من هواني إلى عزتك .. فأنت العزيز حقاً الذي لن تضرك ذنوبي و لن تنفعك حسناتي . إن كل ذنوبنا يارب لن تنقص من ملكك . و كل حسناتنا لن تزيد من سلطانك . فأنت أنت المتعال على كل ما خلقت المستغني عن كل ما صنعت . و أنت القائل : هؤلاء في الجنة و لا أبالي و هؤلاء في النار و لا أبالي . و أنت القائل على لسان نبيك : ( ما يعبأ بكم ربي لولا دعاؤكم ) فها أنا أدعوك فلا أكف عن الدعاء .. فأنا المحتاج.. أنا المشكلة .. و أنا المسألة . أنا العدم و أنت الوجود فلا تضيعني . عاوني يارب على أن اتخطى نفسي إلى نفسي .. أتخطى نفسي الأمارة الطامعة في حيازة الدنيا إلى نفسي الطامعة فيك في جوارك و رحمتك و نورك و وجهك . لقد جربت حيازة كل شيء فما ازددت إلا فقراً و كلما طاوعت رغائبي ازدادت جوعاً و إلحاحاً و تنوعاً . حينما طاوعت شهوتي إلى المال ازددت بالغنى طمعاً و حرصاً و حينما طاوعت شهوتي إلى النساء ازددت بالإشباع عطشاً و تطلعاً إلى التلوين و التغيير .. و كأنما أشرب من ماء مالح فأزداد على الشرب ظمأً على ظمأ . و ما حسبته حرية كان عبودية و خضوعاً للحيوان المختفي تحت جلدي ثم هبوطاً إلى درك الآلية المادية و إلى سجن الضرورات و ظلمة الحشوة الطينية و غلظتها . كنت أسقط و أنا أحسب أني أحلق و أرفرف . و خدعني شيطاني حينما غلف هذه الرغبات بالشعر و زوقها بالخيال الكاذب و زينها بالعطور و زفها في أبهة الكلمات و بخور العواطف ، و لكن صحوة الندم كانت توقظني المرة بعد المرة على اللاشيء و الخواء . إلهي .. لم تعد الدنيا و لا نفسي الطامعة في الدنيا و لا العلوم التي تسخر لي هذه الدنيا و لا الكلمات التي احتال بها على هذه الدنيا .. مرادي و لا بضاعتي . و إنما أنت وحدك مرادي و مقصودي و مطلوبي فعاوني بك عليك و خلصني بك من سواك و أخرجني بنورك من عبوديتي لغيرك فكل طلب لغيرك خسار . أنت أنت وحدك .. و ما أرتضي مشوار هذه الدنيا إلا لدلالة هذا المشوار عليك و ما يبهرني الجمال إلا لصدوره عنك و ما أقصد الخير و لا العدل و الحرية و لا الحق إلا لأنها تجليات و أحكام أسمائك الحسنى يامن تسميت بأنك الحق . و لكن تلك هجرة لا أقدر عليها بدونك و نظرة لا أقوى عليها بغير معونتك .. فعاوني و اشدد أزري .. فحسبي النية و المبادرة فذلك جهد الفقير .. فليس أفقر مني .. و هل بعد العدم فقر .. و قد جئت إلى الدنيا معدماً و أخرج منها معدماً و أجوزها معدماً .. زادي منك و قوتي منك و رؤيتي منك و نوري منك . و اليوم جاءت الهجرة الكبرى التي أعبر فيها بحار الدنيا دون أن أبتل و أخوض نارها دون أن أحترق .. فكيف السبيل إلى ذلك دون يدك مضمومة إلى يدي . و هل يدي إلا من صنع يدك ؟ .. و هل يدي إلا من يدك ؟! و هل هناك إلا يد واحدة ؟ لا إله إلا أنت سبحانك إني كنت من الظالمين . سبحانك لا أرى لي يداً . سبحانك لا أرى سواك . لا إله إلا الله . لا إله إلا الله حقاً و صدقاً . و ذاتك هي واحدة الحسن . الحسن كله منها . و الحب كله لها . و يدك هي واحدة المشيئة . الفعل كله منها و القوة كلها بها و إن تعددت الأيدي في الظاهر و ظن الظانون تعدد المشيئات .. و إن تعدد المحبون و تعددت المحبوبات .. ما يركع الكل إلا على بابك و ما يلثم الكل إلا أعتابك .. مؤمنون و كفرة .. و إن ظن الكافر أنه يلثم ديناراً أو يقبل خداً فإنما هي أيادي رحمتك أو أيادي لعنتك هي ما يلثم و يقبل دون أن يدري . و إنما هي أسماء و أفعال و أوصاف . و المسمى واحد . و الفاعل واحد . و الموصوف واحد . لا إله إلا هو . لا إله إلا الله . الحمد له في الأول و الآخر . رفعت الأقلام و طويت الصحف و انتهت الكلمات