الجمعة، 30 سبتمبر 2011

^,_,^


بقت زى الأرض البـــور .... !!

الثلاثاء، 20 سبتمبر 2011

فيش وتشبيه ..!!




بقالى يومين بروح واجى
يمكن فى فايده واحده طلعت بيها
ان قدمت فى كورس جديد
بس ياااااااااااااااااااااااااااااااااااااااااااااااارب يكمل على خير
لحسن انا بدءت اشك فى نفسى

ام على عدم الافاده بقى من النزول
فانا هحكلكم
وزراه العدل
كانت طالبه ناس سمعت الخبر زى اى حد
طيب ها ياعيال هنروح نقدم
طيب ايه المطلوب
صوره شهاده الميلاد -البطاقه- شهاده التخرج
والفيش والتشبيه
يلهوى فيش وتشبيه كمان انا معرفش اصلا اى حاجه عنوا ولا اعرف ده بيتعمل ازاى
طيب نروح نعملوا فين عشان يطلع فى نفس اليوم ان مفيش وقت خلاص
روحى ياستى عند الدراسه فى الادله الجنائيه ومعرفش ايه كده
بعيدا عن اسمها اخدنا بعضيتنا وروحنا
طااااااااااااااااااابور واقف عشان يعمل فيش وتشبيه
ليه ياباشا ليه ياعسليه
عشان وزراه العدل
جالى حاله ازبهلال كللللللللللللل دول هيقدموا
يبقى انا يافقر هتقبل
يالا نجرب
ودخلت الاوضه بتاع الفيش وفاكره بقى انهم هيحطوا صوابعى فى الختمه كده زى الحراميه
زى مابيجى فى التى فى
اتاريهم كانوا بيضحكوا علينا فى التى فى
دى جهاز بحط صوابعى عليه بس وهو بياخد البصمات لوحدوا
المهم وانا هناك بقى
كان فى واحد هيعمل هو كمان فيش
بقى كل شويه يسال الراجل هو انا عليا حاجه
طيب فى حاجه يعنى
خلنى اقعد فى الكراسى كاشت منوا وخوفت
يلهوى بالى ده مالوا ده اكيد بدام خايف يبقى عليه حاجه
جيت انا وراه بقيت ماسكه المنديل وبمسح فى الجهاز شويه شويه هجيب صابونه ولفيه
يعنى افرضوا الراجل عليه حاجه والبصمات دخلت على بعضها وادبستى انتى ياريرى يعنى
المهم عدى اليوم والحمد لله
وطلعت فى السليم ياباشا
اللى فرسنى فى الموضوع بقى
ان بعد المشواير دى كلها ووزراه العدل وكده
والشمس اللى كانت لزقه فى قفايا
اكتشفنا ان هما طلبين
20 مؤهلات عليا
15 مؤهلات متوسطه
وطبعا بما ان انا مؤهلات عليا
فاااااااااااااااااااااااااااااااااااااااكيد
بش هبقى من 20 دول
:D
اقول عليهم ايه
يالا اهو الواحد جرب حاجه مكنش يعرفها
الفيش والتشبيه

وسبحان الله بجد تبص فى ورقه الفيش تلاقى كل بصمه مختلفه عن التانيه
وبص على الصوره بقى
خلف الاسوار ياخواتى
يعقدوا الواحد فى شكلوا بش كفايه البطاقه

____________

شمس الصيف دى افظع حاجه تحنق الواحد
يعنى لو عايز تخنق نفسك ووتضيقها انزل امشى فى الشمس بتاعت الصيف

________




البت العسليه دى فيها شبه منى وانا قاعده القاعده دى
لحد ماللاب يشتكى منى

________

امبارح فضلت سهرانه ااقرا قصه على النت
وفضلت مندمجه فيها جدااا لدرجه ان انا محستش بالوقت غير لما لاقيت الفجر بيقول الله أكبر
اندمجت بطريقه غريبه اووى ولاقتنى لوحدى من تاثير القصه عليا
الدموع نازله من عينى
والاغراب انها خلتنى ابص لنفسى واعتبها اووى
معرفش ليه
وايه علاقه نفسى بالقصه دى

______

اول مره اعرف ان فى حمام
اسموا حمام حرامى
بيسرق يعنى الحمام من اماكن تانيه
حتى الحمام بقى حرامى وبيسرق

______

الناس كلها بقت بتكلم فى الساسيه
بطريقه تخليك تتنح
بيقولوا الشعب مكنش عندوا وعى
مين ده ياعم الحج
ده احنا كانا واعييين واوووى كمان
بس كنا مكسلين

والناس برضو بقت غريبه اوووى بقى اللى شغال بيتنمرد على شغله
يااما عايز شغل تانى جامبوا يااما يزيد المرتب
ممكن يكون معهم حق فكده
بس فى ناس عاطله
خاااااااااااااااااالص
زى انا كده :(
اروح انا بقى اعمل مظاهرات فين
العاطلين ساكتين غلب اه والله
__________

مره واحده قررت
ان اعيش لنفسى
وبش ادور على الحاجه
كل شىء بمعاد

________

نصحيه هبه لريرى
بعد كام يوم جواز
اوعى يابت ياريرى حد يعقدك فى الجواز
زى ماكنا بنسمع انا وانتى
اوحش حاجه اوحش حاجه فى الجواز يعنى هقولك عليها وبصراحه
المواعيين
هههههههههههههههههههههههههههههههههههههههههههههههههههههههههه
خلتنى بقيت هموت من كتر الضحك فى الموبيل

______________

وزه حبيب قلب خالتو ياناس دخل الحضانه
بقولوا ياوزه فى التليفون انا جبتلك حيوانات كبيره
وزه بدلع كده شكرا ياحبيبتى
يللللللللللللللللللللهوى عسل عسل

_________

عارفين كان فى اغنيه زمان بنقولها
بتاعت تعاليلى يابطه
تعاليلى يابطه وانا مالى اهو
وشاليلى الشنطه وانا مالى اهو

_________

أنـــــــــــــــــــــــــــا أعتزلـــت الغرامــــــــــــــــــ

_______

بحب الرغى زى عنيا وبالذات لو حد من اصحابى او تبع اصحابى
تلاقينى شريط كاست شغال
وبش بيفصل
وبضيق اوووى لما الاقى اللى قدامى ساكت
بفضل انكش انكش فيه لحد مايرغى
وساعات بعد محاولات كتير منى بفشل
ان اخلى اللى قدامى يرغى زى ماانا برغى
بس الواحد بيقلق من الناس السهونه الساكته دى
مع انى وانا طفله كنت من الناس دول
بس معرفش ايه اللى حصلى
بس كده احلى بجد
لما ترغى بيبان اد ايه انك شخص على نيتك بش خبيث وسهونه كده
هو بش كل الساكتين كده
بس اكترهم بيبقى صعب فهمه
وانا مبحبش كده
بحب افهم كل اللى قدامى
اصلى ايه اللى هيتخبى يعنى !!!

__________

من صغرى وانا بمشى فى الشوارع بحس ان كل اللى مشى انا اعرفهم معرفه شخصيه
وبينى بنهم عاشره وسنين طويله
مع انى معرفهمش
بس طول عمرى بحس ان فى صله قرب بنا

____

يالا فتكم بالعافيه






الخميس، 15 سبتمبر 2011

أنــــى راحـــــله ..


هبه ماشيه :(
وانا ودعتها النهارده
كان نفسى افضل حضنها اوووى
هتوحشنى اوووووى اووووى
بش عارفه اتصور ان انا لما اكون مخنوقه ومضيقه وراجعه والدموع فى عنيا
بش هلاقيكى هنا
بش عارفه اتخيل ان لما اكون فرحانه والدنيا كلها سعيده معايا بش هلاقيكى اجرى عليكى
انا كنت مخنوقه اوووى وانا ماشيه وسايبكى كان نفسى افضل ماسكه فيكى
واقولك عشان خاطرى خليكى معايا
انا اكتشفت النهارده ان مليش اصحاب غيرك
من النهارده بقيت ريرى من غير انتيم
عارفه انك هتفضلى موجوده وربنا بش يحرمنى منك
بس بش زى الاول
يارب يسعدك وتحلى الدنيا كلها من حواليكى




انا همشى عشان اكتشفت بجد ان انا مليش حد
عارفين وقت مالدنيا كلها تبقى مقفله فى وشك ونفسك بس تقول انا هنا وبش تلاقى حد بيرد عليك

_______

نفسى يبقى بايدى اعرف كل انسان جواه ايه
عشان بش اتعلق بحد عشان هعرف ساعتها ان مفيش حد بيتعلق بحد زى كده

________

عايزه ابقى لوحدى
بش عايزه اعرف حد
كلوا طلع وحش واوووى كمان

_____

اللى كانت بتخلينى اقول ان الدنيا لسه فيها ناس يستهلوا الحب
مشيت خلاص

_____

الكل عارفك عشان حاجه لى وبس
واول ماتخلص يركنك على الرف

______

انا بقيت على الرف
من كل اصحابى
ممكن ميكونش كده
بس انا حاسه بكده

_______

انا تعبت من حبكم وتعبت من الجرى معكم عشان ليكم
وتعبت ان اجى عليا عشانكم
وتعبت
وملقتش اى حاجه منكم
غير انكم بدوسوا عليا اوووى

______

نفسى تحسوا بقى يبقى عندكم احساس
ولا الاحساس مطلوب منى انا بس

__________

ربنا يسامحكم كلكم

______________

تعبت من الاستغباء والتبرير اللى انا فيه ده

____________

كلكم هحطكم على الرف
واللى هيقدر انا بكلى كده
هيبقى جوه حياتى
غير كده
انا بش هسمح لحد اخليه جوه حياتى وهو يحطنى على الرف

____________

ربنا يسامحكم وانا بش هرفع الموبيل
واكلم اى حد فيكم حتى لو بموت

____________

من النهارده بقيت لوحدى
:(

_________________________________

معرفش انا كنت بكتب ايه ولا رجعت كلامى هو زى ماطلع اتقال
نفسى ترجعى ياهبه تانى ونعيد السنين من تانى
وحشتينى

الاثنين، 5 سبتمبر 2011

حبه رغى ....!!


رمضان خلص ومشى والله اعلم هيجى تانى علينا او عليا ولا لاء
باذن الله

______

العيد جاه وخلص هو كمان
كل حاجه بتيجى وتخلص
بقينا زى اللى بنسلم حاجه لحاجه
والايام بتجرى

______

يوم الواقفه بتاعت العيد قضتها فى عزا
شوفتوا ونبى
انا بش اى حد بتاثر بيه
وبعرف اذا كان الشخص اللى مات غالى عليا ولا لاء
لو لاقتنى عيط بعرف انوا غالى
لو لاقتنى عادى بعرف انوا شخص عادى بنسبالى
عشان الحاجه الوحيده اللى مينفعش تتحكم فيها
هيا دموعك
_____

هبه اتكتب كتبها
وكانت احلى عروسه
اتكتب وهيا فى الكوافير
بقت كل شويه تتصل بيا
ها ياريرى كتبوا الكتاب
كنت فرحانه على فرحها
وسمعتها كل الكتب الكتاب على الموبيل
واول ماخلصوا
بقينا انا وهيا بنضحك فى الموبيل زى المجانين
يااااااااااااااااااااااا كان فين ايام لما كنا بنقعد نرغى وتقولى خايفه لبابا بش يوافق
بقيتى ياهبه عروسه
الف الف مبروك يابنت قلبى
وكلها كام يوم وهتمشى بقيت كل يوم بليل اشوف فاضل كام يوم
واقول اسبوع اتنين وخلاص
عارفه
هتوحشينى اوووووووووى
عشان انا بحبك

___________

فضلت اجمع فى كل اصحابى عشان نخرج
وبعد مابقينا كتير
الموبيل بش سكت رن
كل حد يتصل يقولى حجه
فى اليوم ده
حلفت ان انا بش هرتب خروجات ولا هقول انا خارجه
ولما اجى اخرج هخرج فى وقتها
وحسيت ان الفقر معايا فى كل حاجه
بس خرجت برضو عند فى كل اللى بش خرج وقال ان كل خروجتى فقر :P
__________

حاسه ان انا داخله على تعب جديد
والله اعلم
اصلى انا من الناس
تخلص من حاجه تتدخل فى حاجه تانيه
والعيا شىء ملزمنى
من ساعت مااتولد
من وانا كنت نونو صغنون لسه
بس فى كل الحالات
الحمد لله
انا احسن من غيرى بكتير رررر

____

فى قرارات عامله افكر فيها من بعد ماهبه تمشى
ان انا اعملها
باذن الله
معرفش هنجح فان انا احققها ولا زى كل مره
ترجع ريما لعادتها القديمه
وخصوصا
انا اكتر حد بيسال عليا حتى لو انا غابت من نفسى كده من غير مااقول
بتبقى مهتميه تعرف انا مالى وراحت فين
وبش بتعاتبنى على غيابى عنها
هتمشى

_______

الكل عارف ان بعد هبه عنى ماثر عليا جامد
حتى محمود نفسوا
وبيحاول يقنعنى ان عمروا ماهيبعد هبه عنى
واخووات هبه وعمو وطنط
الكل عمال يراضينى
ولا اكنى طفله صغيره هتبعد عنها مامتها
عشان الكل عارف هبه بنسبالى ايه

______

الواد وزه اللى مكلمش 3 سنين
بقى يعاكس بنات
:D

________

فتكم بعافيه