حـــــــــــــــــلم ريـــــــــــرى: أبريل 2012

الأربعاء، 25 أبريل 2012

العروسه للعريس والجرى للمتعايس

{ الصحه تاج على روؤس الاصحاء لا يراه الا المرضى }

يمكن لما كنت بسمع اى حد يقولك بش مهم اى حاجه المهم الصحه
كنت بضحك من جوايا واقول ده كلام شعارات
الانسان لما بيتعب اول حاجه بيحسها انوا صعبان عليه نفسه ان هو بش قادر يعمل لنفسه حاجه
بش قادر يتنطط ولا يجرى ولا يعمل اى حاجه
بيبقى شبه ميت
.....
انا بقيت الحمد لله كويسه
واتهريت اكل عسل
يعنى بقيت بنقط عسل طبيعى :डी

___________

انا بحب الفاكهه المزازه
اللى تاكلها تعمل كشعريره كده

__________

انا اشتهرت ياجدعان فى الصين
الاكونت بتاعى بتاع الفيس دخل فيه الصين
ونبى كان نفسى اسالهم عن منى الصينيه
دى واحده صينيه كده كنت اعرفها بس معرفش اختفت فين

________

مطلوب دكتور
يبقى درس السبع سنين بتوع طب
واكل شارب نايم بيذاكر
مكنش بيدخل الامتحان وشايل البرشام فى جزمته
دكتور بش دكتور على متفرج
ولا دكتور كشكول
لحسن بالمنظر ده الواحد يعالج نفسه بنفسه
الله يقطعكم هتموتنا
يعنى تبقى تلاقى مكتوب كده
د- اى اسم
اخصائى معرفش فى ايه ودكتوراه فى ايه واستاذ معرفش فين
قلبك يطمن وتقول بس ده شويه شويه هيبقى عالم
ويطلع فى الاخر ......... مفيش
وحيات النبى ملكوش فى الطب فى الاول خلاص بلاش طب
بش عشان خاطر دادى دكتور ولا ماماى عايز تفرح تتدخل طب وبدعوه الوالدين تتطلع دكتور
سورى يعنى محصلتش ربع كوم
دى حيات ناس
انا لو سابونى ادعى عليكم بش هيكفينى عمرى
انا من ساعت من اتولد لحد الان شوفت دكاتره
شوفت منهم العجب
معرفش بجد ادعى عليكم بأيه

{ كلامى ده اكيد بش لكل الدكاتره بس الكلام ده لدكاتره فعلا انا عنيت بسببهم كتيررر}
لو على المثال
انا اقعد اتعالج 16 سنه من عمرى على ان عندى حساسيه واخد ادويه ليها
والنصيبه السوده ان روحت بش لدكتور واحد لا اكتر من دكتور وكلهم من تحت اسمهم مليان شهادات ادددددددددددددددددددددددددد كده
وطلع فى الاخر ان انا بش عندى اى حاجه تخص الحساسيه ولا من بعيد ولا من قريب
ده حاجه كده صغنونه من اللى شوفتها منهم لو اقعد احكى عايزه مجلد

اللهى ربنا يكرمكم اعتزلوا المهنه دى وارحمونا
وارحمنى انا شخصيا

_____________

اهانتى حتى لو على سبيل الهزار
سكوتى بش معناه ان من جوايا مسامح
بس ربنا هيردلى حقى احسن مانا ارد

________

الاختلاف بين يوم ويوم
ان التاريخ بيتغير
بس

___________

اخر حاجه بقى وده انا كتبت العنوان عليه
العروسه للعريس والجرى للمتعايس
وده سياسه
انا محمئه بجد للناس اللى عامله تجرى ورا ده وتجرى ورا ده
بعيدا ان الشخص ده كويس وهيقى رئيس فى يوم من الايام
او عكس كده
الناس اللى تعبه نفسها وعامله تجرى وتقف وتعتصم عشان مرشح
ايه اللى هتاخدوا فى الاخر!!!

من حق اى انسان يدفع عن اى شخص
وانا بش بكلم على كده

انا بكلم على الفكره نفسها
ان الناس بتتهفت انها تجرى ورا مرشح وتسلم وتبوس فى راسه ونشيل على اكتافنا
ونشتم فى بعض عشانه
ليييييييييييييييه
حتى لو كان المرشح ده البراءه هتنط من وشه
بقى رئيس غصب عنه لازم يكرم الشعب اللى هو هيبقه رئيسه

وكلامى بش على حد بعينه
بس انا بتغاظ من الطيبه اللى موجوده فى الناس اللى فى مرشحين كتير بيستغلوها

وارجوكم كفايه استغلال
الناس دى تعبانه وشقيانه
وشافت المر اكتر من اى شخص اتسجن وعمال يحكى قصته ولا اكنها الف ليله وليله عشان يستعطف الشعب

ارجوكم بلاش تجروا الناس
من مشاعرها وايمانها
الدين ده بينى وبين ربنا
بش تسمح لنفسك انك تتدخل فى علاقه انسان بربنا

ارجوكم بلاش وعود من الهوا
احنا اه كلمه تودينا وكلمه تجبنا
بس عندنا عقل وبنعرف نفكر
ازاى هتخلى مصر بعد الانهيار اللى احنا فيه ده من بطاله وقله سكن وناس عايشه بش عايشه اصلا
هتخليها اوربا بعد ماعرفش اد ايه
ليييييه كنت مين !!
بلاش تستخفوا بعقولنا ونبى

انت وهتلبس فى الرياسه
والله اعلم بقى هتبقى ابن حلال ولا .....

وهيبقى المثل
العروسه للعريس والجرى للمتعايس

فتكم بالعافيه

الاثنين، 9 أبريل 2012

كان فى عنوان وانا مسحتوا :d

كل حبه برأى شويه اقول هدخل اكتب وشويه اقول لاء استنى على اخر الاسبوع
يمكن يزيد الرغى شويتين
بس لاقتنى بقى دخلت وراغيت

من حياتى كلها اللى كنت فيها ومازالت فيها
لانها بش بتتغير يعنى بحياه حد تانى
فى ناس محتفظه بيهم اوووى ومتبته عليهم جدااا يمكن عشان لاقيت فيهم حاجات كتير
انا حبتها
اللى محيرنى بقى ان فى ناس دخلت حياتى ملهمش اى رد فعل
او يعنى دخلوا حياتى نكشوا فيها حبه وواقفين ولا هما عايزين يمشوا
ولا هما محسسانى بوجودهم ولا معرفنى هما ايه وانا ايه عندهم
معرفش دول دخلوا ليه حياتى ومعرفش انا ليه سايبهم
كده فى حياتى من غير ماافهمهم
يمكن انا بش عندى الجرأه وللاسف ده عيب فيا
ان اخرج حد من حياتى كده او ااقولوا مع السلامه عشان انا بش فاهمه
عشان بش عندى الجرأه ان اوجه انسان بحق من حقوقى هو مضيعها
ان انا افهم اللى قدامى ده عايز ايه بالضبط
يمكن عملتها مره والله اعلم ساعتها كنت واخده القرار الصح ولا لاء
بس بعد برضو مابياخد كتيرررررررررررر من كل حاجه
من حياتى ومن وقتى حتى بياخد من نفسى
لان فى ناس بتوصلنى لمرحله ان انا بش طايقه نفسى

يمكن كنت بفرح لما حد يقولى انتى كتاب مفتوح
يعنى كلوا مكشوف عنى وعن حياتى
بس اكتشفت ان ده شىء بش حلو خاااااالص
وفضلت اتعلم الغموض لفتره
بس للاسف فكل مره بحاول بتوصل بالفشل
عشان انا طبعى كده
والطبع غلاب

رغم سنى اللى بقى اكبر من سن المراهقه
بس ساعت بكتشف ان انا لسه لحد الان
فى السن ده
يمكن ميكنش كده
وممكن يكون ان انا حد متغير
بطريقه تخلينى ان انا بش فاهمه نفسى
ولا عارفه اى حاجه فاى حاجه عنى

لدرجه ان ساعت بقسم نفسى لاتنين
انا ونفسى
الانا دى انا ودايما بطلعها المظلومه
ونفسى دى حاجه كده جايا تعيش معايا ودايما بطلعها ظالمه
ودى مشكلتى
ان انا على طول فى خناق بين
الانا ونفسى
ومشكله اكبر ان انا مقسمه نفسى لاتنين يمك يكونوا بش طايقين بعض

بيعدى عيا هفوت كده ممكن او بش ممكن ده اكيد حاجه كبيره والمفروض ولازم يبقى فى قرار فيها
بس بعديها ولا اكنها اتقالت ولا اكنها اتعلمت ولا اكنها هتقلل منى
معرفش ليه
بش بعرف اقيم الموقف ممكن
معنديش جرأه ممكن

بقعد احمل نفسى كل حاااااااااجه
حصلت ليا وممكن كمان بش ليا انا بس لاء لحاجات مليش علاقه بيها
وكمان لحاجات محصلتش بس على انها ممكن تحصل
معرفش ليه بجد
ليه العداء اللى بيبقى دايما جوايا لنفسى
لدرجه ان ساعت بشك ان دى بش نفسى
ومن حقها عليا ارضيها بش اجى عليها

الصيف بدء وانا من الناس اللى بكره الصيف جدااااا
واكتر شمس الصيف
بس فى اول بدايه موجه الحر دى
كنت فى مشوار بليل
واخد بعضى وانا راجعه من المشوار ده
وراحت راكبه ميكروباص مع انى بش طريقى كده المفروض اركب المترو
بس راحت راكبه ولاقتنى فى التحرير
وفضلت اتمشى هناك
رجعت حاسه ان انا فى تجديد فى الهوا اللى بتنفسوا
وناس رايحه وجايا
نفسى بجد اخد كرسى واروح ااقعد فى نص الطريق بليل
تحس بمتعه كده وانت قاعد بتتفرج والناس ماشيه والناس رايحه جايا وفى انوار كتير

الكل خد طريقوا ومشى
وانا عامله لسه بدور على انى بدايه وانى نهايه
ولا لاقيه بدايه ولا هلاقى نهايه
ولا هلاقى حاجه
الاعتراف بالحق فضيله برضو

بش عارفه بجد مين الغلط
حاجه تخليك تجنن كده لما توصل لمرحله
ماانت بش عارف مين الغلط
لو انت الغلطان طب غلطان فايه
والحاجه اللى تغيظ اكتر
ان محدش بيقولك انت ايه الغلط اللى فيك

بقيت خايفه ليجى يوم ملاقيش حد يفرح عشانى
يفرح زى مانا بفرح عشانهم
بقيت خايفه ليجى فى دماغهم ان انا ممكن او حتى نيه بس ان انا ابص لحاجه فى ايديهم
مع انى متاكده ان عمرهم ماهيوصل بيهم التفكير لكده
بس اهو خوف من ضمن الخوف اللى بقى جوايا من كل حاجه

صحيحى ان انا حد رغاى وبيقول كل حاجه وبش بيعرف يخبى
بس فى حاجات عندى القدره على ان انا اخبيها او بش معنى ان بخبى حاجه عن حد لاء
بس فى حاجات ممكن تخلى اللى قدامك يبصلك ببصه الشفقه عليك او انك صعبان عليه
وانا اكتر نظره بكرها هيا النظره دى
لان وقتها بحس بان انا اضعف مخلوقه على وجهه الارض
وانا مبحبش كده
مبحبش كلمه يعينى صعبانه عليا
ان انا بش طالبه من حد يشيل همى فى حاجه بش بايدى اغيرها
ولا طالبه من حد يهون عليا فى شىء ربنا كتبوا ليا
لان انا مقتنعه بكل حاجه ربنا كتبها ليا من غير اى بنادم يحاول يخفف عنى
الحمد لله

انا فعلا مبحبش حد يزعل منى
يمكن الاقرب ليا اكتر طبعا
بس انا عمتا اى حد سوء جوه حياتى بره حياتى
لى اهميه بش لى اهميه عندى
بش بحب يزعل منى

زمان او بش زمان اووى ايام ماكنت فى المعهد
كان ليا واحده صحبتى الانسانه دى يعتبر من اصحابى القرايبن منى كانت مرتبطه بانسان كان معانا فى المعهد
وكنت انا وهو دايما بش بنطيق بعض عشان كنت بشوفوا بيستغل حب الانسانه دى لى وانا مكنش بيعجبنى كده
فكنت دايما بش بسكت
لحد فى يوم شوفتوا واقف مع بنت تانيه وبالصدفه ومن البنت دى نفسها عرفت انوا هو مرتبط بيها هيا كمان
اتحمئت اوووى بس ساعتها مفكرتش بقى ان الحب اعمى زى مابيقولوا
وراحت جريت حكيت لصحبتى دى وعشان اريح ضميرى عرفت البنت اللى مرتبطه بيها التانيه
اتحمئت ان مبحبش الاسلوب العوج
يمكن معرفش البنت عملت ايه
بس اللى كانت قدامى صحبتى لاقتها عددت الموقف كده بسهوله بمجرد كلمتين منوا
من ساعتها قررت مليش دعوه كل انسان حر تصرفوا
بس اقتنعت ساعتها ان مرايا الحب عمى زى مابيقولوا
يمكن الموقف ده بقالوا زمن وعدى خلاص وهما بش كملوا مع بعض
بس لما بفتكر ساعت بعذزها
وساعت اقول لاء
يمكن عشان انا كنت بره الموقف كنت شايفه الشخص ده اوى
لكن هيا كانت جوه الموقف
وعلى كل الحالات
ان الثقه بقت صعب تتديها لاى شخص مهما كان حبك لى
عشان بقى فى ناس كتير بتعرف ازاى تخليك مع الايام تفقد الثقه فكل اللى حواليك حتى لواللى حواليك يستلهوا الثقه دى

يمكن بقيت بحلم بحلم هو بش غريب
عادى زى باقى الاحلام اللى اى انسان نفسوا فيها
بس الغريب اهتمامى بالحلم ده جدااااا
لدرجه ان بقعد ااقرا بالساعات عشان خاطر الحلم ده
ومهمتميه اوووووووووووى وجدااااااااااااا بيه
وهو ان يبقى عندى
طفل
ولد او بنت بقى اى حاجه
المهم ان ربنا يرزقنا بمخلوق صغير هديه من ربنا
اعتنى بيها واربيها واعمل بكل اللى قريتوا عشانها او عشانوا
انا بقعد بالساعات اخطط لحياه
ابنى او بنتى فى المستقبل باذن الله
اللى ساعت بستغربلوا ان انا اتخطيط احلام كتيررر بش موجوده ولا بفكر فيها
ووصلت لعند الحلم ده واهتميت اووى
ان اقعد اقرا اى حاجه تخص سوء تربيه او تعامل
بجد حلمى او من احلامى الكبيره
ان يبقى عندى طفل اربيه انا واعلموا انا
يمكن معرفش ايه النتيجه ربنا يستر يعنى ههههههههههههه
بس انا عندى ثقه جامده جداا ان انا لما يكبر او تكبر هبقى فخوره بيه اووى
وحشنى اووووووووووووووووى الحلم ده انوا يتحقق

حبه سياسه بقى
احنا ولا عايزين رئيس اخوانى ولا مدنى ولا حتى عسكرى
احنا عايزين معجزه
عايزين منخال كده وننخل كل حاجه فى الشعب
اولها تصرفتنا
لان للاسف فى ناس بتصمم على جهلها
وفى ناس بتكابر
وفى ناس بتتضرب من تحت لتحت
وفى ناس بقى بتتلون بميه لون فى اليوم

بس اخر حاجه بقى
الطمع وحش
اه والله العظيم

وفتكم بالعافيه
اه بالحق انا بحب اللعبه اللى فى الصوره دى^_^

ازيكـــــــــــــــم بجـــــــــــا

هونا كل الكلام وباحلامى طالعه من قلبى ممكن بش تفهمنى ايه المقصود منها وتقرا وتقول ايه البت دى ولا بتعرف تكتب وانا بش قاصده هنا ان انا اكتب كلام كبير عن اللى فى قلبى هونا مجرد ورقه وقلم بطلع فيهم كل اللى جوايا فى وسط زحمه من الناس ولا هما يعرفونى ولا انا اعرفهم المهم ان انا وقت مااحب اتكلم بلاقى مكان ارغى فيه من غير ماحد يقولى بس انتى رغايه اوى ^_^

صاحبه الحلـــــــــــم

إمرأة بقلب منحوت لم أنسى ولم اتناسى فكل من مرووا على هذا القلب ... فنان في النحت خناجر ليست مرصعه بالاحجار ليست قاطعه حاده ليست مرئيه بل خناجر بارده ملتويه طاعنه بالاظهر صائبه للقلب نازفة للدمع الدموي فلكل منهم خنجره الخداع الكذب الخيانه الانانيه الطمع فلكل منهم فنه في دفن معاني الحب والعاطفه وليتنافسوا على اخفاء ملامح ومعالم هذا القلب وبالفعل نجحوا الجميع واصبح قلبي مشوه غير مقبول في مدرسه الحب فهو بلا منهج او معلم ولا يملك سوا تخاريف وأدخنه واحرف لاتعرف سوا الوهم منقوطه بالدماء فهذا القلب اشبه بيت في غابه وحيد يمر عليه كل من ضلوا الطريق ولا يحتاجوا لمفتاحه بل يطرقوا الباب فقط فيجدوا السذاجه والطيبه والبراءه في انتظارهم بالترحاب والان اصبح هذا البيت اقصد القلب منحوت ولا يعلم كم هو الان عمره

يــــــــــــــــا اللـــــــــــه

ربــــي وحبيبي انت ألهي وانت سندي ... جلست يا ربى ليلاً واردت الحديث معك ولكنى لا اعرف من اي ذنب ابدأ ولا منذ متى فوجدت روحى تشكى اليك ولا تريد لغيرك بسرها ان تبوح يا رؤوف يا رحيم طَيب ما بى من جروح استسلم فؤادى اليك واشتقت لسجده بين يديك سبحانك ربى يا من سقطت دموعى امامه وآبت ان تنزل امام البشر وسالت امامك يا رب البشر تثاقل الحمل واردت ان اضعه لمن هو حولى فى كل وقت اخذتنى ذنوبى منك فابتعدت وعدت خائفه ان يكون فات الوقت فوجدت بابك مفتوح اِلى ياربى فسقطت امامه اعلن توبتى وظنى الخير فى عفوك فاقبل يارب من اقبل اليك فى هذ الوقت طيب جراحه وامحى همه وحزنه وجمله بدموع على وجنتيه تطهر بها قلبه ونفسه استغفرك ربي استغفرك ربي استغفرك ربي لا اله الا انت سبحانك اني كنت من الظالمين يا حى يا قيوم برحمتك استغيث اصلح لى شانى كله و لا تكلنى الى نفسى طرفه عين! ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا )ا .

يـــا ربـــ

علمتنــي الحيــاة، ان أقول دائمــا يا رب ، لا انتظر شيئ من "أحــد" ، لا أرجو أحــد" ، لا أبكي على الذي فــات ، لا أندم على ما فــات ، ولا الوم الزمــان على شيئ ، فأنــا لــي ✿رب كبير ، يعطيني دون حسـاب ، اذا بكيــت يرضينــي ، اذا فقدت شيئ يعوضنــي ، يــا ✿رب ما لــي سواك ، يــارب

دعاء العبد الخطاء - لـــ: د.مصطفى محمود

إلهي .. إنك ترى نفسي و لا يراها سواك . تراها كالبيت الكبير الذي تصدعت منه الجدران و تهاوت السقوف و انكفأت الموائد . بيتاً مهجوراً يتعاوى فيه الذئاب و يلهو فيه القردة و تغرد العصافير . ساعةً تتلألأ فيه الأنوار و تموج فيه أشعة القمر . و ساعةً أخرى مظلماً مطموساً محطم المصابيح تسرح فيه العناكب . مرةً تحنو عليه يد الربيع فتتفتح الزهور على نوافذه و تصدح البلابل و تغزل الديدان الحرير و تفرز النحلات الطنانة العسل. و مرةً أخرى يأتي عليه الزلزال فلا يكاد يخلف جداراً قائماً لولا ذلك الحبل الممدود الذي ينزل بالنجدة من سماوات رحمتك . حبل لا إله إلا أنت سبحانك . أنت الفاعل سبحانك و أنت مجري الأقدار و الأحكام .. و أنت الذي امتحنت و قويت و أضعفت و سترت و كشفت .. و ما أنا إلا السلب و العدم .. و كل توفيق لي كان منك و كل هداية لي كانت بفضلك و كل نور كان من نورك .. ما أنا إلا العين و المحل و كل ما جرى علي من استحقاقي و كل ما أظهرت فيّ كان بعدلك و رحمتك .. ما كان لي من الأمر شيء . و هل لنا من الأمر شيء !؟ مولاي .. يقولون إن أكبر الخطايا هي خطايا العارفين .. و لكني أسألك يارب أين العارف أو الجاهل الذي استطاع أن يسلم من الفتنة دون رحمة منك .. و أنت الذي سويت نفوسنا و خلقتها و وصفتها بأنها ( لأمارة بالسوء إلا ما رحم ربي ) . و أين من له الحول و القوة بدونك .. و هذا جبريل يقول لنبيك لا حول من معصية إلا بعصمة الله و لا قوة على طاعة الله إلا بتمكين الله . و هل استعصم الذين استعصموا إلا بعصمتك و هل تاب الذين تابوا إلا بتوبتك .. و هل استغفروا إلا بمغفرتك . إلهي .. لقد تنفست أول ما تنفست بك و نطقت بك و سمعت بك و أبصرت بك و مشيت بك و اهتديت بك .. و ضللت عندما خرجت عن أمرك . سألتك يارب بعبوديتي أن ترفع عني غضبك .. فها أنا ذا و قد خلعت عن نفسي كل الدعاوي و تبرأت من كل حوْل و طوْل و لبست الذل في رحاب قدرتك . إنك لن تضيعني و أنا عبدك . لن تضيع عبداً ذل لربوبيتك و خشع لجلالك . و كيف يضيع عبد عند مولىً رحيم فكيف إذا كان هذا المولى هو أرحم الراحمين . ربّ اجذبني إليك بحبلك الممدود لأخرج من ظلمتي إلى نورك و من عدميتي إلى وجودك و من هواني إلى عزتك .. فأنت العزيز حقاً الذي لن تضرك ذنوبي و لن تنفعك حسناتي . إن كل ذنوبنا يارب لن تنقص من ملكك . و كل حسناتنا لن تزيد من سلطانك . فأنت أنت المتعال على كل ما خلقت المستغني عن كل ما صنعت . و أنت القائل : هؤلاء في الجنة و لا أبالي و هؤلاء في النار و لا أبالي . و أنت القائل على لسان نبيك : ( ما يعبأ بكم ربي لولا دعاؤكم ) فها أنا أدعوك فلا أكف عن الدعاء .. فأنا المحتاج.. أنا المشكلة .. و أنا المسألة . أنا العدم و أنت الوجود فلا تضيعني . عاوني يارب على أن اتخطى نفسي إلى نفسي .. أتخطى نفسي الأمارة الطامعة في حيازة الدنيا إلى نفسي الطامعة فيك في جوارك و رحمتك و نورك و وجهك . لقد جربت حيازة كل شيء فما ازددت إلا فقراً و كلما طاوعت رغائبي ازدادت جوعاً و إلحاحاً و تنوعاً . حينما طاوعت شهوتي إلى المال ازددت بالغنى طمعاً و حرصاً و حينما طاوعت شهوتي إلى النساء ازددت بالإشباع عطشاً و تطلعاً إلى التلوين و التغيير .. و كأنما أشرب من ماء مالح فأزداد على الشرب ظمأً على ظمأ . و ما حسبته حرية كان عبودية و خضوعاً للحيوان المختفي تحت جلدي ثم هبوطاً إلى درك الآلية المادية و إلى سجن الضرورات و ظلمة الحشوة الطينية و غلظتها . كنت أسقط و أنا أحسب أني أحلق و أرفرف . و خدعني شيطاني حينما غلف هذه الرغبات بالشعر و زوقها بالخيال الكاذب و زينها بالعطور و زفها في أبهة الكلمات و بخور العواطف ، و لكن صحوة الندم كانت توقظني المرة بعد المرة على اللاشيء و الخواء . إلهي .. لم تعد الدنيا و لا نفسي الطامعة في الدنيا و لا العلوم التي تسخر لي هذه الدنيا و لا الكلمات التي احتال بها على هذه الدنيا .. مرادي و لا بضاعتي . و إنما أنت وحدك مرادي و مقصودي و مطلوبي فعاوني بك عليك و خلصني بك من سواك و أخرجني بنورك من عبوديتي لغيرك فكل طلب لغيرك خسار . أنت أنت وحدك .. و ما أرتضي مشوار هذه الدنيا إلا لدلالة هذا المشوار عليك و ما يبهرني الجمال إلا لصدوره عنك و ما أقصد الخير و لا العدل و الحرية و لا الحق إلا لأنها تجليات و أحكام أسمائك الحسنى يامن تسميت بأنك الحق . و لكن تلك هجرة لا أقدر عليها بدونك و نظرة لا أقوى عليها بغير معونتك .. فعاوني و اشدد أزري .. فحسبي النية و المبادرة فذلك جهد الفقير .. فليس أفقر مني .. و هل بعد العدم فقر .. و قد جئت إلى الدنيا معدماً و أخرج منها معدماً و أجوزها معدماً .. زادي منك و قوتي منك و رؤيتي منك و نوري منك . و اليوم جاءت الهجرة الكبرى التي أعبر فيها بحار الدنيا دون أن أبتل و أخوض نارها دون أن أحترق .. فكيف السبيل إلى ذلك دون يدك مضمومة إلى يدي . و هل يدي إلا من صنع يدك ؟ .. و هل يدي إلا من يدك ؟! و هل هناك إلا يد واحدة ؟ لا إله إلا أنت سبحانك إني كنت من الظالمين . سبحانك لا أرى لي يداً . سبحانك لا أرى سواك . لا إله إلا الله . لا إله إلا الله حقاً و صدقاً . و ذاتك هي واحدة الحسن . الحسن كله منها . و الحب كله لها . و يدك هي واحدة المشيئة . الفعل كله منها و القوة كلها بها و إن تعددت الأيدي في الظاهر و ظن الظانون تعدد المشيئات .. و إن تعدد المحبون و تعددت المحبوبات .. ما يركع الكل إلا على بابك و ما يلثم الكل إلا أعتابك .. مؤمنون و كفرة .. و إن ظن الكافر أنه يلثم ديناراً أو يقبل خداً فإنما هي أيادي رحمتك أو أيادي لعنتك هي ما يلثم و يقبل دون أن يدري . و إنما هي أسماء و أفعال و أوصاف . و المسمى واحد . و الفاعل واحد . و الموصوف واحد . لا إله إلا هو . لا إله إلا الله . الحمد له في الأول و الآخر . رفعت الأقلام و طويت الصحف و انتهت الكلمات