الثلاثاء، 29 مايو 2012

شالوا ألدو جابوا شاهين ألدوا قال ماحناش لاعبين


الاول بس قبل مااندمج فى الكتابه
انا عرفت ازغرط اه والله
^_^

وبعدين بقى انا دهانه الكلام بالاسود مع انى الاسود لون الشياكه
الا ان هو بيدول على الكأبه والحزن
واحنا مفيش احسن من الايام دى عشان الواحد نكتئب ونحزن
فدعونا نكتئب حبه :(
^-^

عجبكم كده اهو بقينا
نقول زى الامثال
شالوا
ألدو جابوا شاهين ألدوا قال ماحناش لاعبين
و
أسخم من سيدى الا ستى
وهلم مجررررا من الامثال اللى تتقال فى الموقف المنيل اللى احنا بقينا فيه
^-^

انا بجد بعتب وجامد جداااااااااااا
على الناس اللى بش نزلت الانتخابات
ليه ياحج وليه ياحجه
فى ناس غصب عنها معرفتش تروح يمكن دول ليهم اعزار
لكن بقى الناس اللى كانت قاصده دول ملهمش اى عزر
قولتوا هتقطعوا الانتخابات عشان وعشان وكلام سياسه والذى منه
ادى الانتخابات اتعملت
مفكرتش او مفكرتيش
دلوقتى وفى لحظه ماهو بيعنلوا النتيجه وهما بيقولوا الاسامى اللى دخلت الاعاده
انك كان ممكن صوتك يفرق
ونلاقى اسامى تانيه فى الاعاده غير دول
اقول ايه ...؟؟!!
بجد بش عارفه اقول ايه
غير ان فى ناس بتركب دماغها فى حاجات مينفعش نركب دماغنا فيها
عايزين تقطعوا اهى المقاطعه جايا جايا برضنا او بالغصب
انا حلفت ماهنزل واتعب نفسى تانى فى اعاده
وفى ناس وصلتنا للاعاده دى وهما قاعدين بش هقول مريحين دماغهم لاء ده عند والعناد ده جاه على دماغنا احنا
يمكن كان هيبقى فى امل
بس عما اعتقد مبقاش فى حاجه خالص
وعلى رأى فؤاد المهندس
الله يرحم الجيل ده
:(

^-^

فى ناس بتحاول تستفز الواحد ويقولك يعنى انت بش عحبك الاسلامين
مين قال كده
ماحنا مسلمين ياعم الحج بش كفاره
يقولك طيب مادول هيتعملوا بالاسلام
على عينى وعلى راسى مع انى ماحنا بنتعامل بالاسلام
بس مين دول
اللى عايز يطبق حاجه هو بش بيعملها
بش اولى ان اطبقها واتعامل بيها الاول وبعدين اقول كده للناس
وابسط مثال
هو الاسلام فيه برضو؟؟؟
ان اروح اشترى انسان غلبان وعشان بش لاقى الاكل عشان اخد صوته
ده فى شرع ايه ده
نسميها ايه دى
ردوا !!!
بتاكل غلبان يبقى عشان صدقه او زكاه بش عشان اشتريه
انا اكتر حاجه بتستفزنى بجد ان اى حد فاى حد بقى يعمل اي حاجه ويقولك الدين
مالك انت ومال الدين اذا كان انت بش مطبقوا عليك
ارحمونا بقى
والدين بين الرب والعباد
تتدخلوا انتوا ليييييييييييييييييييييييييييييييييييييييه
ايه الصفه بتاعتكم
واقرب مثال
لما كنا ايام انتخابات مجلس الشعب
مواقفين رجاله طول بعرض يقولك ايه وانت مشى رايح تنتخب
عشان تكمل دينك انتخب فلان ولا حزب فلان
ايكش تشك فى بطنك يابعيد
بصراحه انا مستفزه وبش منهم لاء بس من اسلوب الحوار اللى بيحاولوا يخلوك تحس انك لو معملتش زى ماهما عايزين
ليك النار من اوسع ابوابه
^_^

وناس بقى تنتاقش معهم
يقولك شوفت انت المطار لو بش شوفتوا اسكت خالص لو سمحت
بس انا شوفت المطار اتكلم بقى
جميل وحليوه وبيدور على عروسه
^_^

اى كان بقى اهو زيوا زى غيروا
مافيش اى جديد
الصوره بش عايزه تتركب على بعضها
وفى تصريح كان لواحد من المرشحين
بيقول
انتوا ليه بتعملونى كأنى ابن البطه السوده؟
صحيح ان الشعب دلوقتى ابن البطه البيضه اللى الاتنين بيتسبقوا عليه
بس بعد كام يوم
هنبقى كلنا ولاد البطه السوده
اه
هنبقى ولاد البطه السوده بش انت بس
يالا هيص بش لوحدك :)
^-^

انا اكتر حاجه مزعلنى سيبك من مصر واللى حاصل فيها
عشان ده بش جديد عليها يعنى
انهم خلوا الشعب كلوا بقى مندمج فى السياسه ومشغول اووى ايه اللى هيحصل كل دقيقه
قعدونا على اعصابنا فكل يوم كان بيعدى من ساعت مالدنيا ماقامت
وانا واحده من الناس دول
مكنش لى اى علاقه بالاخبار ولا كنت بحب اسمعها وكنت بتخانق مع اى حد عندنا جايب قناه عليها اخبار
لان بجد مكنش هاممنى اى حاجه اللى يحصل يحصل
كده كده الدنيا بايظه
كده كده بتخرج على الشارع بتلاقى الزباله اكتر من الناس فى الشوارع
كده كده الواحد بيطلع عينه فى دراسه وكورسات وحاجات اد كده وبيقعد فى البيت يغنى ظلموه
كده كده الثقافه بتاعت الناس بش بتتغير
كده كده الناس مخهم اتلحس من كتر اللى بيشوفه
وحاجات كتيررررر اووى
موجوده وهتفضل موجوده بش هتتغير
عشان اتربنا على نظام واحد
نظام كل بنادم فى الجيل ده
بيدعى عليه
عشان ولا لاقى شغل ولا لاقى حياه لى ولا لاقى اى حاجه حلوه يتمسك بيها
اللى مزعلنى
ان الفتره اللى فاتت دى اهتميت بالاخبار
واهتميت ان انا ابقى مهتميه باللى احنا هنوصل لى
واكتشفت فى الاخر
ان هيا دايره بتلف حوالين نفسها مفيش اى شىء بيتغير
ومفيش اى جديد بيدخل جواه الدايره دى عشان هيا خلاص قفلت على كده
وبقى امر واقع كده كده بقى مفروض
حسبى الله ونعمه الوكيل
فى اللى وصل الشعب ده لكده
وحسبى الله ونعمه الوكيل
فى اللى حرق كل قلب ام على ابنها اللى مات ولحد الان بش عارفه تاخد حقها
حسبى الله ونعمه الوكيل
فكل اللى اتهنى بفلوس الشعب ده
حسبى الله ونعمه الوكيل
فكل اللى افتكر ان الدنيا ديما
الكفن ملهوش جيوب
حسبى الله ونعمه الوكيل
فكل اللى مشى يكفر فى ناس
حسبى الله ونعمه الوكيل
فكل اللى بيستغل طيبه الشعب ده

اما احنا بقى
فربنا يرحمنا
:)

فى سكه روحنا سلمنا روحنا لناس ياناس بش ناس
ضاعت حقوقنا ولما فوقنا كانت خلصت خلاص
ولما وقعوا فى بعض قولنا ده ذنب ناس بتخلصوا ناس
ده خلق بايعه وخلق ضايعه
ناس بتصبر وناس بتهوبر وناس تموت من الجوع
وناس بتصرخ بصوت ماهوش مسموع
.............

فتكم بالعافيه

فاصل صغنون
{ولا عايزه جاه ولا كتر مال بحلم بعش املاه سعد انا }

^_*

الثلاثاء، 22 مايو 2012

الــرئيــــس


دقت ساعه الصفر
دقت ساعه العمل
الى الامام الى الامام
على رأى ميييييين ..... ايوه عليكم نور القذافى

وبقى السؤال اللى بيتسال قبل ازيك
هتنتخب مين بكره او بعدوا باذن الله!!
التليفون يرن تسمع السؤال
تنزل فى الشارع تسمع نفس السؤال
هتنتخب مين !!؟؟

وتلاقى فى ناس كلها برءاه كده
تقولك اوعى ده واوعى ده خد بالك لحسن هما بيقولوا ويقولوا
وناس تقولك
لالالالا ده هو ده راجل الدوله
وناس تقولك
لاءءء اسمعوا منى انا ده هيطبق الشريعه والاسلام وده على اساس ان احنا بنتعامل بغير الاسلام
وناس بقى تقولك
هو ده الراجل ده طيب وغلبان وابن حلال
وناس بقى تبصلك كده وتقولك
ولا ده ولا ده انتوا هتوجعوا دماغنا ليه محناش رايحين خالص
كلهم وحشين
{ يمكن زى مابيقولوا محدش عارف مين الصادق ومين الكداب بس لو بش روحنا هيجى الوحش فعلا خالص خالص يعنى فروحوا عشان تختار احسن الوحشين بدل مانتدبس فى الوحش كلوا}

المهم
كل واحد ولى راىء والمفروض كل اللى حواليه يحترم رائيوا ده اى كان الرأى
وكل انسان هيتحمل نتيجه الرأى بتاعوا
يارايت كل واحد يخليه فى نفسه ورائيه لوحدوا
وخليها فى سرك واعتبروا سر من اسرار الدوله
ونسيب باقى الناس تعيش الدور
احنا لاول مره بنختار
لاول مره سواء اللى هنختروا هيجى او بش هيجى فااحنا اللى ادنا الشخص ده صوتنا
ولاول مره يبقى الرئيس سواء ده او ده هو محتاج الشعب محتاج صوتنا عشان من غيرنا بش هيبقى رئيس

انا بقى عندى فضووووول فظيع اعرف
مين هيبقى
الرئيس

نصيحه منى واهو الواحد يعمل الخير ويرميه البحر
لما تبقى رئيس
حاطها كلمه فى ودانك كده
لولا الشعب مكنتش جيت
ماشى يعنى بش تيجى تتعمل علينا وتقولنا انا الرئيس
زى ناس بتقول انا الاغلبيه

فتكم بالعافيه

الاثنين، 21 مايو 2012

الى مزبــلة الذكرياتــ

فى عشروميت وستين وتلتلاف وربعوميت
داهـــــــــــــــــيه

لكل حاجه واى حاجه
تتضيقنى او تعكر مزاجى

وحسبى الله ونعمه الوكيل
حسبى الله ونعمه الوكيل
وبس

________

فتكم بالعافيه

حسبى الله ونعمه الوكيل

كبيره اهى عشان اللى على راسه بطحه يحس ويشوف ويخلى فى دم ويعرف ان
ربنا موجود
وداين تتدان
وربنا على الظالم والمفترى واللى يجى على حق حد ويحلف بالله كدب
وحسبى الله ونعمه الوكيل



السبت، 19 مايو 2012

:-??

انا بحب الناس الكبره دول اووى
لما تقعد تسمع منهم كلام عن زمان عن وقت احنا مكناش فيه
ببقى مبسوطه اوى وهو بيحكى معايا
ببقى نفسى اووى اكون كنت عايشه فى الزمن اللى هو بيحكى عنوا ده واشوف بعينى
لما بتبص فى وش الناس الكبيره دى تحس انوا مليان طيبه وحنان وحكاوى وتجارب
بيبقى احلى من اى كتاب ممكن تقرا لكاتب عن حاجه تخص الحياه
ولما ابقى ماشيه فى الشارع والاقى ست وراجل عواجيز وفى سن كبير وجسمهم منحى من كتر كبر السن
وماشين مع بعض بفرح اوى
على اد مالسن كل مايكبر كل مايبقى هم على صاحبه وعلى اللى حواليه
بس ببقى نفسى اوصل للمرحله دى
ان ابقى انا واللى هتجوزوا زيهم كده
اكيد دول بيبقى بنهم اكتر من الحب والعشره
ولما يقعدوا ويفتكروا حياتهم اللى عددت دى كلها وهما مابعض
اكيد بيبقى احساس حلو
بس انا بجد بعز وبحب الناس الكبيره دى

____________

معرفش ده عيب فيا ولا دى حاجه بقت موجوده فى الدنيا كلها
ان بقى سهل يضحك عليك اووى
بقى سهل الكلام
وبقى سهل الافترى على مشاعر اى حد
كل حاجه بقت سهله ان احنا نبوظها فى حياه اى حد
والمشكله ان انا ببقى والله حاسه انوا هيضحك عليا فى الاخر
بس بعمل نفسى بش واخده بالى

__________

انا اضحك عليااااااا
ياجدعان
بعد تعب وفضايح ونجاح وسقوط فى اليونسكو
اليونسكو اللى كنت خايفه برستيجى يضيع فيه
ضحكوا عليا
ولا اخد شهاده ولا رجعلى الفلوووووس دول २०० جنيه
بش عارفين انا २०० جنيه دول كنت هعمل بيهم عمايل كنت هسوى الهوايل بيهم دول २०० جنيه
اجبهم من فين ولاد الحراميه دول !

_________

فى ناس قالولى زمان
مسيرك هتنشغلى عن اللى حواليكى زيهم
بس انا بش انشغلت عن حد لاء
انا اقصد انشغل
انا اللى قاصده
ان ابقى بعيده كده

__________

مبقتش عارفه افرق الشىء الحلو من الشىء الحداق
اللى ملهوش ولا معنى ولا لون

_______

من كام سنه كنت لسه عندى 21
وكان نفسى وقتها العمر بش يتحسب تانى
هو ليه كل مايعدى سنه نكبر
!!!
وليه العمر بيتحسب
!!!
___________

بش = مش

$

حبه سياسيه

لما اقعد اسمع عن نتايج التصويت فى الخارج
افتكرت الثانويه العامه
فى التنسيق
نص درجه ممكن توديك فى ابو نكله
O.o

وكالعاده
فتكم بالعافيه