كل سنه وانتى طيبه ياريمتى

ال ايه خير الله مااجعله خير
وفى ذات الليله ومع طلوع الفجر
جاءتوا من حيثوا لا اعلم ههههههههههه
سيبنكم((حلوه سيبنكم دى فى قاموسى يعنى سبكم )) من الكابوس والاحلام الا فوق دى وتعالوا نحتفل


1\1\2010


كل سنه وانتى طيبه ياريمتى والسنه اللى جايا .....هتبقى زى السنه الا عدت هههههههههههههه



انا تميت ومع عقارب الساعه 12 يوم 31\12 بليل يعنى 1\1



تميت




((تعبت عمال لما لقيت سنى ههههههههههه)))


ياللللللللهوى بقوا 22 سنه وفاضل 8 سنين واتم 30 حدش ياخد سنتين بلاش سنه
اه يانى يازعلى
ولا عجزتى ياريرى
مكنش العشم فيك ياعمرى تجرى منى كده
اهىء اهىء اهىء
((انا ااجل العياط فى البوست اللى جاى نكد نكد)))
يالا نولع التورته

________________________________


شويه ملاحيظ


***فى يوم 1\1 برضو ياجماعه انا فتحت الصفحه دى يعنى كده
حلمى كبر وبقى
عندوا سنه





****وان يوم 1\1 يوم راس السنه واول يوم فى سنه جديده


ه

كل سنه يارب والناس كلها طيبه وبخير وتبقى سنه جديده كلها سعاده لينا كلنا



حاجه نونو بقى


معلش اخر حاجه استحملنى ده عيد ميلادى بقى
ياجماعه يارايت كلنا الساعه 12 يوم راس السنه كلنا نصلى وندعى ربنا
عشان فى الوقت ده بتحصل حاجات كتير بتغضب ربنا
ونبقى احنا بدءنا السنه الجديده بحاجه حلوه وبتقرب من ربنا


وهابى نيو يييييييير


والسلام عليكم
بباى

shut up your mouth

فى حاجات كتير بش بينفع نقولها
فى حاجات بتبقى خلاص هتتطلع مننا ونرجع تانى نسكت
عشان صعب ان احنا نقولها
عشان خايفين نقولها قبل ماتفرحنا تجرحنا
وعشان انا خايفه
هفضل ااقول لنفسى هوووس
اسكتى خالص بش تكلمى
فى ناس بتقول
((ساعات كتير السكوت بيبقى الرد الوحيد))
بس عمروا ماكان الحل
تفتكروا ايه الحل
نقول على كل الا جوانا حتى لو ممكن يهينا
ولا نسكت ونقول زى مالناس بتقول السكوت الرد الوحيد
بس انا بش عايزه الرد انا عايزه الحل
اكلم ولا اسكت
!!!!!

____________

متلخبطين صح وانا كمان متلخبطه اكتر منكم
يالا سلام

أأأنــــا مــــــللانــــه ^_^

هو ليه احنا نبقى شايلين للناس معينه فى حياتنا حاجات حلوه كتير
واول مايزعلوا مننا نبقى هنموت كده ونصالحهم
ويفضلوا يدلعوا علينا واحنا نستحمل دلعهم علينا
ويوم مااحنا نزعل بش نلاقى اى حاجه منهم
حتى العتاب بيستخسروا فينا
حتى الحنيه منهم بنبقى واقفين ومستنين منهم حتى لو كلمه تجبر بخاطرنا

*** ليه ديما احنا الا بنشحت الحب من الا احنا بنحبهم ***

________________________

يمكن اول مره فى حياتى اعمل بحاجه اتعلمتها ومكنتش مقتنعه بيها
اتعامل بكل قسوه حتى مع نفسى
________________________

بفرح اوووى لما بقدر على نفسى وااقول لاء المره دى لازم اتغير
بس عنيا ديما بتقلب فرحتى لحزنى واقعد اعيط ولا اكنى اتهزمت __________________________


حتى الفرحه بقت عباره عن كدبه او تمثليه بمثلها على نفسى واحاول اقنع بيها الا حواليا

________________________

ليه انا ضعيفه اووووى كده !!!!!

نفسى ابقى راجــــــــــل ((ريرى اتجننت))

ياالف مسا على الناس الكويسه
امبارح اقعد افكر افكر وااقول ايه يابت ياريرى كفايه حزن بقى هيا الناس ناقصه
تمشى فى الشوارع تلاقى الناس سرحانه
تركب المترو تلاقى الناس وشوشها بقى الحزن مغطى على ملامحها
طب انا ونبى مره ركبت المترو وفضلت ابص فى فى وشوش الناس من كتر ماانا سرحت وانا عامله افكر ياترى كل واحد ايه الحزن الا جواه الا يخلي وشوا رسم 118 دول نسيت المحطه وفى الاخر برضو موصلتش لحاجه
وعلى راى المثل
ايوه يختى قولى قولى ال بيقولوا فى الامثال ((اللى يشوف بلاوى الناس تهون عليه بلاوته )) وكل بلاوه بقى على اد صحبها
يالا بقى اهى بلاوى وبتترمى على الواحد
يختى ماتيجى نفرش ونقعد نربع فى الارض مالك يابت قلبتها ست ستوته كده ليه

__________________________________________

نرجع بقى لموضوعنا الا انا لحد دلوقتى بش عارفه اكتب ايه فيه اصلا
بس بدام المدونه كلها احلامى فتعالوا ااقولكم على حلم غريب شويه لاء شويتين لا لا لا تلاثه شويات هههههههه
ريرى نفسها
تبقــــــــــــــــــــــــــــى راجـــــــــــــــــــــــــــــــــــل



اه والنعمه نفسى ابقى ولد بس ده بش عشان بش عاجبنى ان انا ابقى بنت لاء بالعكس
انا اول حاجه طبعا مقتنعه ان ربنا خلنى بنت وكويس ان مكنتش ولد
تانى حاجه البنت دى كائن انا بحس انوا بسكوته ماشيه على الارض (((طبعا طبعا )))
نرجع بقى للحلم الغريب ده ان انا ابقى ولد وبدام انا معجبه اوووى بالبنت ليه عايزه ابقى ولد
هقولكم بس قبل مااقول الكلام الا هقولوا بش يخص الشباب كلهم جزء منهم وكمان محدش يزعل من الا انا هقولوا
وانتوا لو شايفين كلامى غلط صلحوه

___________________

نبدء من قبل مايتولد الولد
تلاقى كل الناس عايزين البطيخه قصدى بطن الام يبقى فيها ولد
من اول الجوز(( الا هو مستقبلا يعنى هيبقى الاب )) لحد الحماه واخوات الجوز واخوات الجوزه (( الا هيا هتبقى مستقبلا يعنى الام ))
ويجى النبى حرسوا الولد
ييبدء بقى كل الا حواليه يقولوا انت راجل يعنى
سى سيد
كلمتك مسمعوه حتى لو غلط بالجزمه تمشيها
انت الا فى ايدك زمام اى موضوع
انت توافق وانت الا ترفض
انت وانت وانت ويفضلوا يعيشوا الواد وينفخوا فيه بقى لحد مايفرقع من كتر الغرور
________________________

يكبر الواد
ويعينى بقى لو لي اخوات بنات
يقعد الواد ويفضل قومى يابت اعملى كذا
ولو البت يعين امها اتكلمت يفتح الجعوره وطبعا فى الاخر بيتعملوا كل الا هو عايزوا ماهو الولد
الخروج يدخل ويخرج زى ماهو عايز من غير انت رايح فين وانت جاى منين واييييييييييه بيخرجوا لحد بليل ((ياعينى علينا :( من الساعه 9 نكون فى البيت ))
الحب هو الا يحب وهو الا يسيب واحده واحده بقى عشان انا متغاظه بالذات فى الحته دى
الواد يلاقى البت يعجب بيها يحبها يروح يقولها
لكن البنت بقى تفضل سنين عمرها كلها وممكن تعنس كمان عشان تباين بس انها بتحب الاعمى فى عينوا الا بش بيشوف ده
لاء واييييييييييييييه ممكن فى الاخر بعد مايقولها بحبك ماهيا اصلى الكلمه دى بقت سهله اووى يكون ناوى يتسلى بس ماهيا شويه لب هيتسلى بيهم
لكن البنت ياحبه عينى غلبانه عشان كده بحس ان البنات عندهم وفاء اكتر من الشباب عشان عمال لما يوصلوا للى بيحبهم بيكون يعينى طلع عنيهم
لكن الولد الموضوع كلوا عندوا سهل يحب ويسيب واحتمال كمان يجوز ويطلق عادى ماهو زى مااحنا قالولوا ايه (((انت الا فى ايدك زمام اى موضوع ))) عليكم نور

المهم يعنى انا بش قولت انا نفسى ابقى ولد عشان ابقى كده لاء
اومال عشان ايه
عشان اعدل زمام الموضوع هههههههههههههههههههههه
قصدى يعنى عشان ابقى شاب غير كل دول

هبقى ازاى بقى دى عايز شرح طوووووووووووويل
او ااقولكم اخرجوا وبصوا على الشباب
واى حاجه بش تعجبكم
انا هغيرها وبش هتبقى فيا
وهبقى
ولد تمـــــــــــــــــــام
مخلص زى مابيقولوا






محدش عندوا عروسه بقى ههههههههههههههههه

ياجماعه انا والله بنت والحمد لله ان انا بنت
نعمه هفضل اشكر ربنا عليها طول عمرى

((ربنا يستر بقى ))

لبيك اللهم لبيك لبيك لا شريك لك لبيك

لبيك اللهم لبيك لبيك لا شريك لك لبيك
إن الحمد والنعمة لك والملك لا شريك لك

وديلي سلامي يا رايح للحرم
وادعيلي وسلملي على دي الأمم

انظر للكعبة يا محلاها نور وجلال
يغشاها يحرسها ربي ويرعاها
واذكرني أمامها وادعيلي

يا ساعي ما بين الصفا والمروة
يا شارب من زمزم اتذكرني بدعوة

يا طالع على جبل الرحمة يا ماشي في وسط الزحمة
اطلب من مولاك الرحمة
واذكرني أمامها وادعيلي


___________

مرضتش يعدى يوم زى وقفه عرفات ولا زى عيد الاضحى
غير لما اجى اعيد على مدونتى
وعلى كل المدونات اللى حواليا
وعلى كل الناس
كل سنه وانتم طيبين
ويارب كل المسلمين يقفوا على جبل عرفات
وانا كمان يارب
يارب ارزقنى تانى ان انا اركع جمب الكعبه
(((بجد اروع واجمل واحلى وحاجات بش تتوصف كده وقفك بس قدام الكعبه يارب مايحرم منها حد ابدااا )))
كل سنه وانتم طيبين


اما انت ياخروف

كان بدرى عليك عليك بدرى هههههههههههههههههه

العيد فرحه ماءءءءءءء وهناكل لحمه
ماءءءءءءءءءءء

نفســـــى وأنـــــــا

ههرب تيجوا معايا
بس بش ههرب من نفسى لاء
عشان انا لاقيت نفسى ان انا غلط فى حق نفسى كتير واقعد اتكلم معها ولاقيت ان انا زعلتها كتير
ولازم اصلحها عشان هيا اولى من اى حد
بدل مااقعد اصالح نفس غير نفسى
اشوف نفسى انا هيا دلوقتى محتاجنى من اى وقت تانى
محتاجه ان انا اقعد ارتب كل حاجه من اول وجديد
محتاجه اشوف انا غلط فى ايه عشان اصلحوا
محتاجه ابقى صريحه معها اكتر من كده بش اقعد ابرر ليها اى حاجه هيا بتقولها
عشان هيا صح وانا غلط
______________________

ساعات كتير الحقيقه بتالمنا وبتوجعنا اووووى عشان كده بنقعد نخبى وندارى فيها ونبرر ونقول لا لا هيا بش كده هيا زى مانا عايزها تبقى
بس لازم نفوء لازم نجيب جرادل ميه كتيرررررررر ونرميها فوق دماغنا عشان نفوء
عشان نعرف احنا جينا ازاى وماشين ازاى عشان العمر بش بيتعاد تانى ولا بيقف لحد مااحنا نضبط نفسنا لاء
العمر بيجرى واحنا لازم نلاحقوا قبل مايخلص ونقف زى الا رقصوا على السلالم ولا الا فوق عرفيهم ولا الا تحت

___________________________

عشان كده قررت ان انا هبعد عن كل حاجه وهفضل انا ونفسى وبس لفتره
اصالح فيها نفسى عشان بش معقوله هفضل مطنشها وعامله نفسى بش واخده بالى انها زعلانه منى
وهرجع تانى بس هرجع انا ونفسى حاجه واحده وبتمنى ارجع انا وهيا نبقى صح بش هيا صح وانا غلط لاء نبقى احنا الاتنين حاجه واحده
يمكن هرجع حد تانى يمكن
بس اكيد باءذن الله احسن من الاول
وهجى وهقول على كل حاجه اتغيرت فيا
زى مابيقولوا كده هعمل ريفريش لنفسى وللانا
_________________________

هبعد فتره بش هدخل نت وموبيلى هعملوا سيلنت عشان بش اجرى عليه وارد واضعف تانى وارجع زى ماكنت واكنى كده بش عملت حاجه
بش هفكر فى حد خاااااااااالص

______________________
ادعولى ارجع زى مانا عايزه


_______________
اعتراف::::

انا بجد اول ماعملت المدونه دى مكنتش بحبها وكانت بنسبالى حاجه وخلاص اتعلمت بتتعامل ازاى
وعملتها ويوم ماعملتها كنت بتنطط وفرحانه اوووى عشان عرفت اعملها
واول تعليق جانى كان من كابتن عمرو فكرى خلنى فرحت اكتر وكنت مبسوطه اوووى
بس برضو مكنتش بحبها وساعات كنت بنسى افتحها اصلا
بس دلوقتى انا بحبها اووووى وهيا تقريبا اول صفحه بفتحها اول مابفتح
وبقعد الف على كل الناس الا عندى الا بجد اتعلقت بالمدونات بتاعتهم اوووى
حتى لو دخلت وبش رديت بس ببقى مهتميه اوووى اعرف كل جديد عند اى حد فيكم
وحبيتكم اوووى
وحبيت هنا اوووى
بش عارفه امتى يعنى ولا ليه
بس انا حبيت هنا وعندكم واتعلقت بيكم وبالمدونه بتاعتى
بس


_____

وعمال ماارجع
كل سنه وانتم طيبين ويارب على طول نبقى بخير وطيبيبن
والعيد فرحه وهناكل لحمه ههههههههههههههه
كل سنه يارب وانتم بخير وعيد سعيد عليكم وعلى كل الناس يارب

وجوووووووووووووووون

هيييييييييييييييييييييييي هيييييييييييييييييييييييييييييييييي
تيت تيت مصر تيت تيت مصر


_____________________

بعيدا بقى عن الماتش والاعصاب المشدوده فى لقطه بجد بش عارفه حد اخد بالوا منها ولا لاء
شوفتوا ياجماعه
د\ حاتم الجبلى لما نط حتت نطه على جمال مبارك وهتك يابوس واحضان
فرحتوا يعينى نستوا الخنازير ههههههههههههههههههههههههههه

_____________________

ياخسرتك ياترنك من قطعك من كتر شده اعصابى اقعد اقطع فى البتاعه

_______________________

خدوا بالكم كمان من الكوره
بجد كوره دماغها انشف من الحجر يزقوا فيها مفيش بش عايزه تتدخل ولا اكنى حد عملها عمل

_______________________

ولا شوفتوا انا بش عارفه اسامى لاعيبه الجزائر بس هو واحد مميز كده حاطط شبكه على دماغوا
فى حاجه بيضه انا طول الماتش عندى اعتقد ان ده حجاب او عمل هههههههههههههههههههه

_____________________

بس ايه جبنها او والله جبنها احنا ناس بتحب المعجزات بتحب الاثاره بش حبنا نقفل الماتش فى اول شوط ((نبرر برضو ههههههههه))
وفضلوا لاخر دقيقه شدين اعصابنا عشان يعرفونا انهم ادها وادود

____________________

كان نفسى فى الوقت ده ابقى ولد عشان انزل والشارع واقعد اهيص
بس بش حرمت نفسيتى من حاجه برضو وقلبت بتنا اسخن من الشارع

_______________________

يارب نفرح تانى ده الفرحه حتى من غير فلوس

بش عايزه اصعب على حد

!!!!!!!!!




ايوه بش عايزه حد ابقى انا صعبانه عليه
بش عايزه حتى حد يقولى معلش
بش عايزه حد يطبطب عليا وياخد بخاطرى
ايوه انا بش عايزه
بش عايزه حد يقولى ان انا غلط لما حبيت الناس
بش عايزه حد يقولى ان انا الحاجه الا انا بحبها هيا الا مضيقنى دلوقتى
بش عايزه حد يقولى ان انا خسرانه فى كل حاجه
بش عايزه حد يقولى اكره الناس الا بتحبها عشان هما بش عندهم قلب
بش عايزه حد يقولى شوفى ادى اخره الا يفضل حطط الناس طول الوقت فوق دماغهم
بش عايزه حد يقولى شوفى ادى اخره حبك ليهم
بش عايزه حد يعزينى فى حبى للناس دى
بش عايزه ابص فى المرايا عشان بش ابص فى عينى والاقى ان انا طول الوقت كنت بكدب على نفسى
بش عايزه اتكلم مع نفسى عشان انا بش قادره ارفع عينى قدامها وااقولها شوفتى
ايوه انا بش عايزه اصعب على حد
انا هقدر اعدى كل ده لوحدى من غير حد عشان طول الوقت كنت معتمده ان الا كل حواليا بس مره واحده اكتشفت ان الهوا هو الا حواليا
__________________________

طول الوقت كنت بقول ان دول استحاله استغنى عنهم استحاله ابعد عنهم
والا هيجى يقولى ابعدى عنهم هبعد عن الا هيقولى كده
حتى لو كده بخسر حياتى الا بعد كده بس استحاله اخسر حياتى الا قبل
كده طول الوقت يقولولى مسير كل واحد ينشغل فى حياتوا انشغلى فى حياتك انتى كمان كنت بقول لاء مقدرش حتى لو الدنيا شغلتهم انا عمرى ماهنشغل عنهم
بس للاسف
كلهم وقت مايحتاجوا حد يقولهم معلش او ياخد بيادهم ويخفف عنهم وقت لما يكونوا بش لاقين الحب
يرجعولى وبكل ساذجه بحبهم اكتر من كل مره
وزى الا فتحلهم قلبى وبقولهم خدوا الا انتوا عايزينوا كل الحب الا جوايا
وبس للاسف
فى الاخر بياخدوا كل الحب ويسيبوا قلبى فى كل حته فيه جرح
ويرجعلوا هما تانى يعيشوا حياتهم بش بيبصوا وراهم يشوفوا هما عملوا ايه فى قلبى
ماهما لاقوا قلوب تانيه غير قلبى انا
ويروحوا ويجوا تانى لقلبى وقلبى يدخلهم تانى جواه ويقولهم خدوا خدوا الحب كلوا ولا يهمكم
عشان انا بحبكم كلكم
بس خلاص المره الجايا لما ترجعوا بش هتلاقوا ولا حب ولا قلب ويمكن كمان لما ترجعوا تلاقونى مبقتش موجوده فى الدنيا خالص
ياترى هتندموا ولا حتى تبكوا عليا
من الا شوفتوا
معتقدتش اصلا انكم هتفتكرونى
___________________________

بس انا بش محتاجه شفاءه من حد
وبش عايزه اصعب على حد
بش قابله عزا من حد فى حبى ولا قلبى ولا حتى فيا
انا بقولكم روحوا انا بش محتاجكم
ولا محتاجه حد يكون معايا
وانا هقدر اطبطب على نفسى وهقدر امسح دموعى وهقدر اخد بخاطر قلبى وهقدر اكون انا من غير حد

_______________________

ايديكم الا بطبطب دى وكلها قسوه بش محتاجها
دموعك الا بتنزل عليا الكدبه دى بش محتاجها
كلامكم الا كلوا تزيف فى تزيف ده بش محتاجها
حتى قلبكم الا عمرى ماانشغلت اذا كنت فيها ولاء بش محتاجها
بش محتاجه اى حاجه تيجى منكم ولا تككون منكم
عشان انا تعبانه منكم وبش هقدر يكون الا بيخفف حزنى ده يكون حد منكم ___________________________________

ملحوظه :: الكلام بش مفهوم انا عارفه بس خنقنى ولو كنت ااقدر اكتب اكتر من كده كنت هكتب بس ساعت الواحد بيككون فى حاجه خناقه ومن كتر الخنقه بش قادر يطلع الا جواه

يــارب

ليه بغمى عينى على الحقيقه
يارب انا بقيت بش شايفه خلاص ولا حقيقه ولا خيال
ليه بحاول اختراع حاجات من الوهم عشان اوهم نفسى
يارب هو انا مجنونه
يارب الهمنى الصبر من عندك ليه الدنيا بتكعبلنى فى حاجات مكعبله
يارب بلاش اتصدم لحسن لو اتصدمت المره دى ممكن اموت فيها اه والله
يارب قلبى يفرح لو دقيقه بس وبش مشكله فى بقيت الدقايق الا بعد كده

شويه رغى مع نفسى

هو ليه

هو ليه اكتر سؤال انا بكره ليه واكتر سؤال بسالوا لنفسى ليه
والغريبه ان عمرىى كلوا الا عدى ده بش لاقيه اى اجابه
!!!!!!!!!!!!!!

تفتكروا

اكتر حاجه بتخلينى اسرح لما اسال نفسى وااقولها تفتكرى ..... يابت ياريرى
والغريبه برضو ان بش بعرف اخمن اى حاجه
!!!!!!!!!!!!!

احساس

احساسى اكتر حاجه بصدقها وبش بحب اكدبها
والغريبه ان مفيش اى دليل تخلينى اصدق احساسى
!!!!!!!!!!!!


احلامى

اكتر حاجه اتمنتها وعشت عشانها وبقول انا هعيش عشان بكره هيحصل كذا لو ربنا كتبلى نصيب اعيش
والغريبه ان بيجى بكره وحلامى بش بيجى ولسه عايشه برضو
!!!!!!!!!!!!

دموعى

دموعى اكتر حاجه بتالمنى ومع كل دمعه بتنزل من عنيا بحس ان روحى بتتطلع وقلبى بيوجعنى
والغريبه ان كل دموعى خلصت وبقى عندى اللامبالاه ولسه روحى موجوده بس قلبى بيبوجعنى
!!!!!!!!!



ساعات كتير بتمنى مكنش انا
لما بقعد لوحدى وافكر الاقى نفسى ان انا بش عملت اى حاجه خالص حتى ااقل حلم ممكن الانسان يتمناه بش هقول ان انا بش عرفت احققوا لاء انا خوفت احققه
بجد الخوف ده شىء فظيع بس للاسف هو بقى انا
!!!!!!!!!!!!!!



نفسى يبقى عندى الحاسه السابعه

ياعاطل مين يعطلك ((اول كسفه فى ساحه العمل))

ههههههههههههههههههههههههههههههههههه
حبيت بس ابدء الكلام بالضحكه الا كلها تفاؤل دى انا بقالى كتير بش بدخل بس عشان زى ماقولت فى العنوان ياعاطل مين يعطلك وطبعا نظرا لوقت الفراغ الكتير الا انا فيه فابش لاقيه فراغ استغلوا هههههههههههههههههه
بعيدا عن الكلام الا بش مفهوم ده تعالوا احكلكم حكايه لطيفه جدااااااااااااااااا وكسفه ومع اول كسفه فى ساحه العمل والشغل
وتبدء المسرحيه بين اتنين انا ريرى هانم ومروه صحبتى
مروه : الو ازيك ياريرى بش لاقيتنا شغل يابت
ريرى : لولولولولىىىىىىىى((مع انى بش بعرف ازغرط بس زغرط )) فين يابت
مروه : شركه بتوزع ورق اسمها ((هكتب اسمها عشان الكسفه الا اكتسفتها وانتوا تاخدوا حقى بقى ))شركه سما ((اظنى فى مليون واحد يعرفها ))
ريرى : خلاص يابنتى اى حاجه سما ارض المهم ان احنا نشتغل


وجاء موعد الكسفه قصدى اللقاء
ركبنا وانا اصلا كنت رايجه اجيب الشهاده بتاعى والشركه قريبه من المعهد ركبنا المترو ونزلنا ركبنا تاكس ومروه شايله كل ورق الكورسات بتاعتها وانا شايله التفاؤل كلوا اظنى بش عند اى حد ده ((نحنوا نختلف عن الاخرون برضو )) ونزلنا ورحنا عشان نسال الشركه فين ولسه هنقول الشركه لاقينا الراجل بيقولنا العماره دى
افتكرت على طول الفيلم بتاع جاءنا البيان التالى لما هنيدى وحنان ترك طالعوا العماره وكل مايشوفوا حد يقولهم اخر الدور اخر شقه ههههههههههههه
المهم يعنى طلعنا ولاقيت شباب مصر كلهم هناك ولا اكنى مفيش غير الشغلانه
دى قولت انا اخدها من اصلها واسكت وبش ااقدم بس لاقيت البنت السكرتيره بتقولى وانتى هتقدمى
قولت يالا يعنى انا مليش نفس ماكلوا بيقدم ويمكن تيجى معايا انا
شايفين التفاؤل تفاؤؤؤؤؤؤؤؤؤؤؤؤؤل
ومليت الا بلكشن بتاع الوظيفه الا هيا الله واعلم ايه اصلا
((شوفتوا حد رايح يشتغل وهو بش عارف ايه الشغلانه اصلا اهو ورتكم اهوا ***انا****)))
وخلاص كده شويه بقى وهندخل نقابل الراجل بتاع الانترفيو وشويه ودخلنا انا ومروه وبنت وولد الراجل طفش البت والواد
وبش فضل غيرى انا ومروه وده بعد مااقعد افكر بشمعنا انا اكتشفت ان انا ومروه خاريجين حاسب نظم ومعلومات لكن البنت كانت خدمه والولد بش فاكره كان ايه
المهم طبعا انا لسه اول وظيفه يعنى الراجل بقى يسالنى
عندك خبرات لاء
معاكى كرسات لاء
المهم علقت على لاء كتير وكل مايتكلم معايا ااقولوا انا من المعهد عارفه كل حاجه عن الكمبيوتر بقى اشى ورد واشى اكسل واشى بور بوينت قولت اترسم فيها بقى وااقولوا انا معايا بكالوريس نظم ومعلومات بتقدير تراكمى جيد يعنى انا بت فلته بقى ورسمه الدور على الاخر
وراح سالنى سؤال عبيط اوووى رواحت بهبلى بقى قوتلوا لا لا ((وانا مرسومه اووى بقى ))انا اعرف عملى لكن نظرى كده لاء
الراجل قالى ماشى ووببص لقيتوا قلب الكمبيوتر وقالى اشتغلى اعملى دى
اختكم بقى الا هيا انا
وقفت قدام الجهاز زى البلاص بلمت تبليمه معرفش جتلى منين
بس والله بش عشان انا بش عارفه لاء انا حسيت ان انا نسيت اسمى اصلا
وطبعا مروه مثلى تماما ههههههههههههههههه فى الخيبه طبعا
ونزلنا احنا الاتنين من الشركه زى مابيقولوا ككده ((قفنا مقمر عيش ومحروق كمان ))
والراجل زى الا فرح فيا اكمنى مرسمه بقى ههههههههههههههههههههههههه بس بقيت نازله عامله ااقول لمروه اده اده انا اول مره اتكسف كده انا اتحرجت اقعدت مروه تهدى فيا وتقولى يعنى هو الراجل هيشوفك فين تانى


بس انا اتحرجت كمان من نفسى اووى وحسيت بالفشل وان انا اد ايه بت فاشله بس الاحساس ده خلنى رجعت فتحت الجهاز وعلى الاكسس على طول واول مافتحت ببص لقيت نفسى عرفت اعمل الا الراجل قالى اعمليه اقعدت اضحك وااقول انا بش فاشله انا بش فاشله زى المجانين كده وفى الاخر البت الا كان معها كورسات كانوا هيشغلوها مندوبه مبيعات قولت يبقى انا لو شغلونى بوابه يبقى كويس وبضحك وكلى تفاؤل وزى مابيقولوا خيرها فى غيرها والحمد لله انها جت على كسفه نص نص

هعيط هــــــموت للاسف هقـــــــلد الكتكوت

هيــــا ديــ أخرتــــها .......(((مبـــــــــوزه ومقموصــــــه)))

هـــــــــــــــونــ عليـــــــــــا ياربـــــــ

أغضـــــب

أغضب

اغضب كما تشاء
واجرح احاسيسى كما تشاء
حطم اواني الزهر والمرايا
هدد بحب امرأة سواي
فكل ما تفعله سواء
وكل ما تقوله سواء
فأنت كالاطفال يا حبيبي
نحبهم مهما لنا اساؤوا
اغضب فأنت رائع حقاً متى تثور
اغضب فلولا الموج ما تكونت بحور
اغضب كن عاصفاً كن مطراً فأن قلبي دائما غفور
اغضب فلن اجيب بالتحدي لن اجيب
فأنت طفل عايث يملؤه الغرور
وكيف من صغارها تنتقم الطيور
اذهب يوماً مللت مني واتهم الاقدار واتهمني
اما انا فأني ساكتفي بدمعتي وحزني
فالصمت كبرياء والحزن كبرياء
اذهب اذا اتعبك البقاء
فالارض فيها العطر والنساء
والاعين الخضراء والسوداء
وعندما تريد ان تراني
وعندما تحتاج كالطفل الى حناني
فعد الى قلبي متى تشاء
فأنت في حياتي كالهواء
وانت عندي الارض والسماء
اغضب كما تشاء
واذهب متى تشاء
لا بد ان تعود ذات يوم
وقد عرفت كم هو الوفاء

اللله عليك يانـــــــــــزار
والله عليكى يااصالــــــه
من احب الاغانى ليا

رمضان كـــــــريم

بسم الله الرحمن الرحيم
كل سنه والناس يارب كلها فى خير وحب وسعاده والناس كلها قريبه من ربنا
وزى مابيقولوا رمضان كرييم فعلا شهر رمضان بيبقى كلوا كرم سوء فى معاملات الناس لبعضها تحس ان الناس كلهم طيبين ((بتبقى مستغرب اوووى )) وكرم بين الانسان ونفسوا تحسوا انوا الواحد مصالح نفسوا اوووى ((وتبقى عايز تعمل كل حاجه كويسه لنفسك )) وكرم فى العباده بتلاقى الناس كلها حتى الا مكنتش قريبه من ربنا بتبقى قريبه فى الشهر ده ((بتلاقى المساجد وكل اعمال الخير اااااااااااد كده انا بش بحسد بس والله مابشوف كده بفرح اوووى وببقى نفسى ااقف اصقف للناس كلها ))
انا بحس ان رمضان بيجى والناس بتبقى غير الناس والدنيا كلها بتبقى غير الدنيا يارب يفضل كل الشهور رمضان
ورمضان كريم
وكل سنه وانتوا طيبين

فاض بيا الله عليك ياصابر

كل مرة بكون معاك على الزمن واما الزمن يضحك لك يكون وياك

على طول تبعنى من غير تمن وانا بردو بدعى ربنا معاك

ضاقت بيك تبقى عايزنى اكون حوليك ضحكت ليك اخلاصى يكون حمل عليك

فى الحالتين ساكن لا بنساك ولا عايز انساك

قالو ان اللىيحب بجدلو فاض بيه من اللى بيحبه مايحبش بس مايكرهشى وانا فاض بيه تعبت بجد

قد ما تعبت لا كرهتك ولا عارف حتى ماحبكش

الاغنيه ديه من اجمل الاغانى انى انا بعشقها جداااا وبحب جدا فيها صوت صابر بجد صوت رائع وكلام اروع وحكايه الاغنيه تحفه وبقت موجوده كتير وتحفه اووى وهو بيقولها ضاقت بيك انا عن نفسى حسيت انوا بيقولها حرام عليكى هو مفيش غيرى انا وتعملى معايا كده عندوا حق والله يعنى لما يكون حد عايز يعمل كده بش يروح لاكتر حد بيحبوا ويخليه يوصل لدرجه انوا يقولوا انا فاض بيا

بس انا بقالى تقريبا كتير بش سمعتها لسه سامعها قريب

اقعد افكر فى كل كلمه صابر بيقولها لقيت ان اد ايه هو حد مظلوم اوووى

وعلى اد فهمى للاغنيه تخليت ان البنت الا بيحبها صابر وقت مايكون حبيبها بش موجود بترجع لصابر ولما يرجعلها حبيبها تسيبوا من غير ماتفكر وترجع تانى تعيد نفس الحكايه لحد ماهو فاض بيه

وانا كمان ياصابر فاض بيا بس من حاجات كتير

فاض بيا من نفسى وفاض بيا من الا حواليا

وبتمنى ساعت كتير اوووى انى انا اغمض عينى وبش افتحها تانى

خلص الفاصل وعودنا

ياعالم ياناس يابشريه

ريــــــــــــــــــــــــرى


خلــــــــــــــــــــــــــــــــــــــــــــــــــــــصت

لولولولولىىىىىىىىىىىىى


بس فى حاجه ((واحد مبوز))

فى مشروع التخرج لسه ادعولىىى

بس بجد نفسى احكى عن كل يوم فى امتحانات
لاء وايه ده شهر بحالوا 10 مواد ((واحد محول )))


وحشتنى اوووووى والله
بجد انا بحبك اووووووى
بمووووووت فيك كده











هههههههههههههههههههههههه
انا قصدى المدونه على فكره ((واحد مطلع لسانوا ))


وانا بقيت بقيت بقيت
بقيتى ايه يابت

بقيت عاطله ((على راى كابتن عمرو ))


بش عايزه حد يشمت فيا ماشى ((واحد بيعيط ))

سنعود بعد الفاصل

انا زعلانه

انا ماهوره

انا بذاكر

انا بمتحن يابشريه



وسنعود بعد الفاصل

!!!!!!!

كل سنه وانتى يافسيخه ريحتك هله ومغطايا علينا

ايوه ايوه الفوق ديه صوره فسيخ ورنجه
نفسى اعرف مين العبقرى الا المفروض يحصل على جائزه الا سماه فسيخ
الاكله ديه ياجماعه عايزه استعداد تام
اولها طبق مليان اش فسيخ واش رنجه وبموت انا فى البطاريخ بالذات الناعمه اه والنعمه
وتربيعه بقى على الارض كده وتشميره كمام
ومنعا للاحراج بقى محدش يبقى معاك
ودووس يامعلم
انا اهوا ولو قدرت حتى تتنفس بعدها
بس اهى اكله والشعب كلوا اتعود عليه
مع انى فى ناس بتاكلها بش فى يوم معين يعنى
بس اليوم ده الناس كلها بتاكل فسيخ ورنجه
كنت زمان بفتكر ان الفسيخ ده رخيص اووووى
يمكن عشان كده مكنتش بحب اكلوا اصلوا رخيص (((معلش بقى معدتى واخده على الغالى هههههه))
وكنت بقول الشعب كلوا بيعلن فقروا فى اليوم ده ويجيب فسيخ ورنجه
اكتشفت وبعد ابحاث وتتدقيق وودان مرميه عشان اسمع السعر من الراجل الفسخانى
اكتشفت ان الفسيخ اغلى من اللحمه ذات نفسها
ومن بعدها بدءءت اكلوا هههههههههه ماهو طلع غالى بقى :p
بس فى سؤال محيرنى هو ليه غالى
يمكن عشان منتن سورى يعنى على كلمه بس هو فعلا بيسبوا لحد مينتن ويبقى ريحتوا الريحه الجنان ديه
واحلى برفن ياعم وشم عايزين تعرفوا اسموا ايه البرفن ده
اسموا ايسانس اففففففى ((وبخ بقى استحمى بيه تحفه تحفه ههههههههه))
وتلاقى بقى مع الطبق المشكل ده
بصل لاء وبش اى بصل البصل الكبير ده الا بيفكرنى بحاجه كده مفيش داعى لذكر اسمها بقى
واشطى يامعلم وكل وبالهنا والشفا
المهم يعنى لاداعى للرغى انا بس حبيت ااقولكم حاجه
كل عيد ربيع يارب وانتوا بخير
وياجماعه اسموا عيد ربيع عيد ربيع احفظوها بقى
وعلى فكره انا من عاشق الحاجات ديه
بالذات البطاريخ الناعمه هههههههههه
وكل سنه وانتى يافسيخه طيبه
كل سنه وانتى يافسيخه ريحتك هله ومغطاياعلينا


اى خدمه قلبت الكلام اخضر عشان نحس بعيد الربيع

بتعندى معايا طيب !! انا مخصماكى بقى:p

ليه دنيا واخدها عند معايا تجيبنى ليمين شويه وترجعى ترمينى شمال

وانا ساكته وبتفرج اشوف اخرتها ايه

كتير بتبقى مع الناس عليا ولما الومك تقوليلى هو ده نصيبك من الدنيا

انا بش عايزه حاجه منك يادنيا غير انك ترضى قلبى وترحمى عنيا من دموعى

ساعات بضحك وببقى بش عارفه انا بضحك على ايه على همومى الا بقت جوايا

ولا بضحك على زمانى الا خانى ولا على دنياتى الا بتعاندنى

وساعات بسرح وبروح لبعيد اوووى وارجع تانى افكر انا كنت سرحانه فى ايه مبلاقيش اى اجابه

وساعات احط ايدى على وشى الالقى دموع نازله من عنيا معرفش بيبقى سبابها ايه

وساعات بحس ان انا مجنونه بش عارفه افرق بيبن الحقيقه والخيال

&&&&&

ليه يادنيا بس انا عمتلك ايه كتير كنت بقعد اطبطب عليكى واصلحك واقولك بش تزعلى منى كنتى برضو بتعندى معايا

صلحينى بقى يادنياتى واوعدك انى انا هبقى تحت جناحك وهرضى بكل نصيب مكتوب عليا بس صلحينى وبش تعندينى

&&&&&

ليه يادنيا لما بقولك انا بحب حد تبعديه عنى ولما ااقولك بش بحب تقربيه منى

شوفتى بقى يادنياتى انتى بتعندينى ازاى

************

انا بش هحكيلك على اسرارى تانى عشان بش تعندى قلبى

انا مخصماكى يادنياتى وبش هصلحك الا لما تبطلى عند معايا

ده اخره الا يبقى فى سنه رابعه

لسه بااااااااااااااااااااااااااادرى

الله ؟ ايه ده ؟هو البحث بيكبر كده ليه؟

ايه ؟امتى؟ اول خمسة ؟ازااااااااااااااااااااااااااااااااااااااااااااااااى ؟

الوقت بش مقضى ،بش كفاية، حراااااااام

فين عُلا ؟ فين اللى هيسهر الليالى؟.لازم اخلص النهاردة ..............خخخخخخ فسسسس

البحث ده صعب قوى ،اعمل ايه ...اعمل ايه ؟

لاااااااااااااااااااااااااااااااااااااااااا ....كل اللى اتكتب راااااااااااااااااااااح

انا هموت نفسى .....،الله يخرب بيت اللى كان السبب ....بش عاملة حاجة تانى بش مقدمة البحث خالص

انا هكسرك ،هولع فيك ،انت كمبيوتر تستاهل الحرق ،انا لازم ادمرك زى ما دمرت مستقبلى

الامر لله ،خلينا نخلص ،ال يعنى حد هيقرا حاجة

واخيراااااااااااااااااااااااااااااااااااااااا

وده مجرد اعتذار للمدونه بتاعتى عشان بجد انا مشغوله لشوشتى عشان مشروع التخرج ادعولى ياجماعه

نيهاااااااااااااااااااااااااا ياهااااااااااااااااااااااااااا نفوخى ضرب

نفــــــــــــــــــس أصــــــــــــــــــرخ بكـــــل مافيــــــــــا

بس ...... !!!؟؟؟

عصفوره فتانه أأأوووى

ياعصفور ياطاير متحدفش على بلكولتنا عشان انت فتان اوووووى

!!!!!!

ايه حكايه العصفور بقى ياريرى ؟؟!!!

هقولكم انا

امبارح وانا بنشر الغسيل

(((معلش بقى مانا بقيت ست بيت ايه شطوره اوووى حد فرده الشوراب وقعت منى ولحد الان بش لاقيها شوفتوا بقى انا شطوره ازاى ))

المهم وانا بنشر الغسيل لقيت عصفوره جت واقفت على حبل الغسيل بتاعنا شكلها بش غريب عليا اقعد ابصلها اوووى لحد ماافتكرت

افتكرت لما كان عندى خمس , سته سنين كده لما كنت صغيره

لما ماما كانت بتروح الشغل وتسبنى انا والبت اختى فى البيت لوحدنا كانت لما ترجع من الشغل تقولنا انتوا عملتوا كذا

كنت انا والبت اختى بنستغرب اوووى ومامتى عرفت منين

لاء واييه كانا بندألج زى الجردل المخروم انا والبت اختى ونقولها على كل الا حصل بمجرد بس لما تقول كلمه واحده بس صح

وكنت بسالها انتى عرفتى منين يامامتى كانت بتقولنا من العصفوره

عصفوره عصفوره ايه يامامتى

عصفوره كل يوم بتيجى تقف على شباك الشغل عندى باكلها وتيجى تحكيلى على الا انتوا بتعملوا وانا بش فى البيت

كنا تانى يوم ندخل البلكونه انا والبت اختى نلاقى فعلا العصفوره واقفه على الحبل وده الا كان مخلينا مصدقين فعلا ان العصفوره بتروح تقول لماما

والمشكله بقى ان كنت العصفوره كل يوم بتيجى واول ماتيجى اروح اجيب العصايا من جمب التليفزيون اقعد اديها درس فى الاخلاق عشان بش تروح تقول لماما حاجه هههههههههه

ال يعنى العصفوره بتفهم ال والا بقى لو صوصوت كنت ازعقلها وااقولها وانتى ليكى عين تصوصوى كمان يالا بره حبلنا

كنت صغيره بقى وكنت فاكره ان هيا هيا العصفوره الا كل يوم بتيجى عند بلكوتنا ولما اروح الحضانه كنت بلاقيها

لما كبرت بقى عرفت ان تقريبا ان العصافير كلها او اكترها شكل بعض

بس كنت بكرها اووى العصفوره ديه عشان فتانه

بس هيا ديه الحكايه

المشكله بقى

ان انا بش لاقيه فعلا فرده الشوراب محدش يعرف هيا راحت فين !!!!!!؟؟؟؟

هابى فلانتين داى بالبصل

كل عيد حب يارب والناس كلها ملفلفين مع بعض((بصله كبيره حمره))

بجد يوم جميل اووى لما تلاقى ناس بتتصل بيك وتقولك كل سنه وانت طيب عشان الحب

عشان بيحبوك بجد

زمان وانا فى ثانوى بش زمان اوووى انا لسه صغيره برضو

مكنتش حافظه تاريخ يوم الحب بس كنت بعرفوا عشان مدرستى كانت عند النيل فكنت امشى وانا واصحابى الاقى

بنات وشباب وناس كبار كمان ماشين على النيل هناك وماسكين هدايا وكل حاجه حمره مع انى انا ببقى بش عامله زيهم بس ببقى فرحانه

بش عشان عيد الحب لاء عشان بمشى انا واصحابى نغلس على الملفلفين مع بعض ونقعد نعاكسهم

بجد كان بيبقى يوم جميل

تمشى تلاقى كل الدنيا مدهونه احمر

المهم النهارده بقى 14\2 عيد الحب اول عيد حب فى المدونه بتاعتى ((واحد بيطلع لسانوا )) فعشان كده قولت احتفل بيه

بس احتفال خاص

بدل القلب الاحمر هخليه بصل احمر

وده عشان انا بقيت ست بيت وبقعد طول اليوم بين الحلل والبصل والتوم وطش الملوخيه

هبقى احكلكم الحكايه ديه بعدين بقى

المهم ان احنا فى عيد الحب ملوخيه ايه الا انا بكلم فيها ديه

انا جيت النهارده عشان ااقول

كل عيد حب يارب وانتوا بتحبوا بعض الناس كلها

وانا كمان كل سنه وانتى فى حب ياريرى

وكل عيد حب وريرى بتقشر البصل

********

********

تحديثات

فى حاجه بقى خضتنى مووووووووت

العداد الا تحت دخلت امبارح لقيتوا بيعد من الاول كنت هموت بالسكته القلبيه

بس الحمد الله رجع تانى زى الفل

وكمان انا مبسوطه عشان حاجتين

اولهم انا الكميه ديه دخلت المدونه بتاعتى

ان المدونه بتاعتى اتشهرت على جوجل