حـــــــــــــــــلم ريـــــــــــرى: يناير 2009

الثلاثاء، 20 يناير 2009

الحكايه حكايه ديل حصان

مساءءءء الخيررررررر ((واحد بيشد اوووى))

ازيكم عاملين اكيد كويسين

الحكايه حكايه ديل حصان حصان ها بش حمار((واحد بيطلع لسانوا))

النهارده طقت فى دماغى اعمل زى ماكنت صغيره ديل حصان رواحت رايحه لماما

ماما اعمليلى ديل حصان

ماما عملتلى ديل حصان

وراحت بصيت على ديل الحصان فى المرايا لقيتوا متغير

ده بش زى بتاع ديل الحصان وانا صغير

ايه الا اتغير ياترى الا اتغير الديل ولا الحصان هو الا اتغير

فضلت بصه فى المرايا على ديل الحصان وشويه شويه هدخل جوا المرايا عشان اعرف ايه الفرق

بس يظهر كده ان الحصان هو الا اتغير

لكن الديل هو هو ده انا واختى واحنا صغيرين كنا بنعرف بعض بيها واحنا فى المدرسه

كان بيبقى لى شكل معين ديل ديل بجد

بس دلوقتى ايه الا اتغير الديل اهوا زى ماهو

لكن الحصان متغير شويتين يمكن يكون كبر ممكن

ممكن يكون بقى حمار لا لا حمار ايه بس ياشيخه

ده انا اهوا حصان ايه اده بس انا اهوا وشى هو هو والديل هو هو

لاء بس فى حاجه اتغيررت

تفتكروا انتوا ايه الا اتغير!!!!؟؟

ادى ديل الحصان بتاعى

((هو بش بتاعى بتاعى يعنى بس عايزه اعرفكم ان ديل الحصان ده بش ديل بتاع حصان لاء ده ديل بتاع شعرى انا))

________________________________________________

فى حاجه كمان فى خبر بقالوا كتير وكان مزعلنى جداااا

عم نعمان

عم نعمان ده كان بيقعد على باب المعهد رجل طيب جدااا هو الا كان على طول بيرد عليا وانا داخله وبقولوا سلام عليكم

فى يوم دخلت بش لاقيتوا لقيت ورقه مكتوب فيها ان عم نعمان انتقل الا رحمه الله

مـــــــــــــــــــــات

زعلت اوووى وافتكرت موقف كان حصل قبل مايموت بكام يوم وانا واقفه بالوا على جدوال واقعد يهزر معايا

ربنا يرحمك ياعم نعمان

____________________________________________

فى حاجه بقى مفرحنى ومخلينى عندى امل ووفاء وكل حاجه

انا جالى شغل ياجماعه او عمتا لقيت الا هيشغلنى بعد ماااخلص السنه ديه باءذن الله

بجد فرحت اوووى والا فرحنى اكتر ان لقيت فى ناس بتتطلب من المعاهد الكمبيوتر وبتفضلهم عن كليات ملهاش علاقه بالكمبيوتر

وحسيت ان ربنا فعلا بش بيعمل حاجه وحشه

بس قولوا يارب معايا اخلص عشان اشتغل

________________________________________________

وفى حاجه كمان انا بقى عندى للامبالاه لاى حاجه بش عارفه من ايه

بس يمكن عشان خلاص اتعود على كل الا بيحصل بش عارفه

بس تقريبا كده احسن

__________________________________________

وبس كده

بس على فكره انا برضو لسه مصممه ان ديل الحصان غير ديل الحصان بتاع زمان

((واحد بيطلع لسانوا))

الخميس، 8 يناير 2009

وفى حب بيعززك

حب بيتطلب منك علطول انك تتنازل عشان بتحبهم

وهم بش واخدين بالهم او مطنشين شوية او عاملين نفسهم بيحبوك بس مفيش ادنى حقوق من حبهم ده ليك

ولما يلاقوا الواحد بيحبهم اوى بش بيهتموا بشكل العلاقة اوى ولا العلاقة ازاى تمشي كدة
ولا بيهتموا بمشاعرك ولا احساسك

خلاص بقي ضمنوا انك في ايديهم وبتحبهم

ومهما عملوا فيك بش مشكلة

ما انت بتحبهم مهما حصل

بس هم ميعرفوش

ان جـه اليوم اللى انت فاض بيك خلاص

انت قدرك كبير اوى وكنت مرخص نفسك معاهم

هم طلعوا بش عارفين قيمتك

لازم ييجي وقت وتفوقهم وتعرفهم قيمتك

لانك اذا فضلت تحبهم علطول من غير مقابل منهم

يبقي عبط منك معلش

((زى واحده كده انا اعرفها

))

اللى تنطبق عليه الحالة اللى بتكلم عنها ميزعلش منى لما اقوله انت عبيط

محدش يقعد يحب حد وبيعطيله كل حاجة والتانى بش بيعطي اى حاجة
ايوة انت بش منتظر حاجة

بس ده حتى السؤال عن احوالك بقي صعب عليهم

محدش يبقي بيحب حد ومسخرله وقته وتفكيره وحبه وقلبه والتانى اصلا بش على باله

محدش يبقي بيحب حد ومخلى حد كل حاجة فى دنيته وفى نفس الوقت لا يمثل هامش حياة الشخص التانى

محدش يبقي مهتم بكل مشاعر واحاسيس التانى عاملة ازاى فى كل وقت وفى كل موقف والتانى بش عارف انت عامل ايه ولا حاسس بايه دلوقتى اصلا

انا بش بتكلم عن علاقة بين رجل وبنت

انا بتكلم عن الصداقة

بجد كان لازم اقول الكلمتين دول

عشان فى ناس كتير محتاجهم وانا اولهم

من دلوقتى لازم نحط حد لحبنا اللى ملوش حدود

ونشوف هو رايح ازاى ولمين ؟

ياريت يبقي رايح لحد يستحق علشان ماتتجرحش بعد كدة لما يقولك" انا اسف بش فاضيلك دلوقتى"ا

وياريت تروح لحد بيحبك حب يعطيك قدرك كويس

بش حب بيـذلّك

كان مشروع سينما

صباح الفل عليكوا وعلى حلمى ((ديه المدونه يعنى))

انا قولت اكملكم بقيت الموضوع بتاع حزر فزر ده وااقولك انا حصل ايه

احنا وصلنا انى انا وصلت لمحطه المرج ونزلت وخرجت وطبعا من الطبيعى انى انا بش هلاقى مروه روحت رنيت عليها عشان اعرفها انى انا وصلت وااقولها خالى عندك ...وتعالى بقى وفضلت واقفه وبش ااقولك اليوم ده الجو كان عامل ازاى كان تلج

عدت نص ساعه وبعدها ساعه وكل ده وانا واقفه والناس عامله تبص عليا وكلهم شويه شويه هيعيطوا عشانى

وانا بقى باكل فى نفسى وعامله اكلم نفسى فى سرى طبعا الحكايه بش ناقصه جنان

انا واقفه والناس كلها ماشيه بشمعنا هما يعنى اده بصى بصى يابت ريرى الناس بتبصلى كده ليه منك لله يامروه كرهتنينى فى المرج اكتر مانا باكرها وكل مره احلف انى انا بش هدخلها تانى ادخلها منك لله كل ده يابعيده

((كل ده وانا بكلم نفسى))

بس لقيت بقى مففيش فايده عدت ساعه والهانم بش شرفت روحت اتصلت بيه

ريرى ايوه يامروه ((وش متعصب))

مروه ايوه ايوه ياريرى انا جايا اهو ((وش بيضحك))

ريرى جاى من فين ساعه ساعه عشان تيجى ((وش لسه متعصب برضو))

مروه ساعه مين يابنتى انتى فين((وش مستغرب))

ريرى انا مرزوعه فاام المحطه

مروه اده انتى لحقتى تيجى ((وش مستغرب))

ريرى لحقت ايه بس انا بقالى ساعه على المحطه ((وش يصعب عليك))

مروه بجد((وش بيضحك))

ريرى لا بهزار وقتوا ههزار يختى اخلصى انتى فين ؟؟

مروه انتى بس لسه رنه من ساعه انا راكبه اهوا وجايا

ريرى نعم يختى ((وش هيموت من الغيظ)) انا الرنه الا من ساعه ديه كنت وصلت المرج

مروه وهو احنا اتفقنا على كده ((وبكل برود))

((اتارى ست مروه بش سمعت الرنه الاولى الا كنت عند المطريه عشان تنزل وتيجى))

طبعا انا كنت هموت وكنت هولع فى الموبيل وفى مروه بس هيا قالتلى عشر دقايق وهتكون هنا خلاص اهدى ياريرى

العشر دقايق بقوا نص ساعه والسينما السينما اهىء اهىء اهى

ريرى ايوه يازفته ((وش متعصب مووووت))

مروه ((وش بيضحك)) اصلى اصلى

ريرى بلا اصل بلا فصل انا مروحه

مروه بس استنى بس ياريرى ياحبيتى اصلى انا ركبت الاتوبيس غلط

ريرى غلط غلط((وش واحد مات))

((وعدى ساعه كمان وجت الهانم))

بصراحه انا من كتر العصبيه الا انا فيها ضحكت فى وشها وده كده ربنا بيحبها جدااااا وكمان انا ياما واقفتها فى المحطه بالساعات والبنيه مكنتش بتقولى حاجه وانا برضو كنت بروح وانا بضحك

المهم رجعنا تانى انا وهيا عندها فى البيت عشان الهانم تلبس وتقول لبابها وننزل بقى نروح السينما

سينما سينما ايه بقى الساعه 12 ونص منك لله

عامل لما ماشينا من عندها كانت الساعه 3 ونص ((وش بياكل فى نفسوا)) طبعا كده مفيش سينما

خرجنا انا وهيا عشان نركب والحمد الله ركبنا على طول ركبنا اتوبيس رايح احمد عرابى

اقعدنا فيه ساعه تقريبا عامل ماوصلنا وسط البلد كانت الساعه 4 ونص

مفيش داعى احكلكم على حصل فى وسط البلد بقى لحسن تموتوا منى

بس اهم حاجه انى انا كلت وكمان جابنا ايس كريم من عند العبد

وروحنا والحمد الله

جيت بتنا وانا فى متعصبه موووووووووت مروحتش سنيما ((وش بيعيط)) يعنى تقريبا اليوم كلوا ضاع فى محطه مصر يوووووه قصدى محطه المرج الا حلفت انى انا بش هدخلها تانى وفى الاتوبيس بتاع احمد عرابى ده بس والله الحاجه الغريبه انى البت مروه ديه بتعرف تخلينى بش اتعصب عليها وكل برضو العيال صحابى عيال سواس

بس ااقولكم على حاجه فرحتنى لقتهم عاملين ليا عيد ميلاد

وغنولى والحاجه الاهم انى انا الا طفات الشمعه بجد عمرى ماطفت شمعه قبل كده فى تورته

وساعتها اتمنيت امنيه وانا بطفى الشمعه والشمعه بتتطفى يطفى معها كل حاجه وحشه حصلتلى فى السنين الا فاتت من عمرى

ومن بعدها حسيت بجد انى انا لازم ابقى كبيره فعلا عشان انا فعلا كبرت وانسى طفولتى وافكر قبل كل خطوه تعدى عليا

لازم ااعقل على راى واحد كده قالى قبل كده انتى بش ناويه تعقلى كان عندوا حق لازم اعقل وادوس على قلبى شويه وامشى بعقلى

عشان ابقى عاقله

فى الاخر اليوم بقيت بكلم نفسى وااقول ريرى تمت 21 سنه يعنى فاضل 9 سنين ويبقى عندى 30 سنه

اول مره يزيد على عمرى سنه وازعل كده ويقولوا سن الرشد انا عما اعتقد ان سن 21 سن الحزن والكابه وبش انا لوحدى الا راى كده

صحابى كمان الا تموا 21 سنه كلهم بيقولوا كده

بس يمكن عشان خلاص 20 فات

بش عاروفه اوصلكم الا جوايا بس فى ناس اكيد حاسه بالا انا حاسه

يمكن برضو اكون زعلت عشان اول مره اطفى الشمعه :p ((واحد بيطلع لسانوا ))

انا مالى قلبتها كابه كده ليه

تعالى لما ااقولك على اكتر حاجه فرحتنى فى اليوم ده

انا فى ناس كبار فى السن ممكن يكونوا ناسين اسمهم كمان بس افتكروا عيد ميلادى واتصلوا يقولولى كل سنه وانتى طيبه

وكمان فى انسانه اتصلت بيا انا مكنتش فاكره انها فاكره عيد ميلادى وبش عايزه ااقولك اد ايه بجد فرحت لما لاقتها بتقولى كل سنه وانتى طيبه هيا اسمها رحاب

واكتر حاجه فرحتنى ان بيبو ((هبه يعنى)) حبيبت قلبى وانتميت عمرى وتوؤام روحى وعشره سنين جت عندنا فى البت مع انها بتمتحن ربنا يارب معها وجبتلى هديه ((طبعا انا بش فرحانه عشان الهديه :p)) لاء بجد عشان سنه زدات فوق السنين الا احنا نعرف بعض فيها واحنا لسه مع بعض ((بش عايزه ار لو سمحتم)) الهديه اهى وعلى فاكره من احب الهدايا ليا هيا الدبديب

والتورته اهى وانا لسه محتفظه بكل حاجه عليها ((بش التورته نفسها يعنى عشان الذكاء )) وكمان انا تدبست باباتى حبيبى فيها هيا عجبتنى روحت جبتها وروحت باباتى حبيبى ادنى حقها طبعا ((وش هيموت من كتر الضحك))اهم حاجه انها شيكولاته

وكل سنه وانتى طيبه ياريرى

اكون او لا اكون

أكون أو لا أكون

فذلك لا يغير شىء من ذاتى وكيانى

فلقد خلقت من أجل العذاب والمتاعب

فلقد امتلىء قلبى بالحزن

بعد أن كان

ملىء بالحب والاحساس الجميل

مات كل شىء جميل

ومعه حياتى وقلبى

حتى الامل اصبح سراب

وكلما اتذكر ذلك يصيبنى الخوف والحزن

ديه حاجه كده بس حاجه قريبه منى اوووى بحبها جدااا لدرجه انى انا حفظتها

الأربعاء، 7 يناير 2009

1\1\2009

1\1\2009

تنطلق الصورايخ والبومب ونشغل الكمبيوتر وناس قادمون علينا بعلب

ومن عند يحيى الحشرى يتسال ما الذى تحملوا هذه العلب

ومن اعلى دور الدور الرابع وانت مالك يايحيى اش حشر ..... فى علب الناس((طبعا فى سرى:d))

سيبكم من اللغه العربيه ديه وتعالى ااقولكم الحكايه

فى يوم 1\1 يوم الخميس للاسف زد سنه على عمرى بعد الشر عليكم انا تميت 21 ال ايه ده سن الرشد ال

طبعا هبقى احكلكم انا عن سن ال سن الرشد ال ده بعدين

تميت 21 يافرحتى ياهنيا ياسعدتى

وتبدء الحكايه قبلها باسبوع

ريرى الو

مروه الو

ريرى ايوه يابت ازيك عامله ايه

مروه الحمد

((وتقطعها ريرى))

ايوه عارفه انك كويسه عشان كده يوم عيد ميلادى هنخرج

مروه هنروح

((وتقطعها ريرى))

هنروح سينما موافقه

((وقبل ماتقول رايها))

ريرى موافقه يعنى خلاص نروح يوم الخميس سينما سلام بقى عشان انا الا متصله((واحد بيطلع لسانوا))

وطبعا كالعاده مروه الا متصله

وجاء اليوم المشؤوم قصدى الموعود

صحيت من النوم كالعاده بالخناق بخناق ماما معايا عشان ااقوم وبالخناق مع البطانيه هيا تشد وانا اشد

لحد ماقمت وكلى نشاط طبعا :p

وقبل مااقوم كانت ايدى على الكمبيوتر وانا عنيا بتبربش

اصلى نسيت ااقولكم انى انا كل مره انزل المعهد بعمل كده

لدرجه ان ماما ساعت لما جبولى الكمبيوتر كانوا بش عارفين يحطوا فين كان نفسها اعلقوا فى رقبتى عشان بش اتعب نفسى واروح لحد عندوا ياحبيبتى يامامتى بس انا تنزلت ورضيت انهم يحطوا جمب السرير لزق

وكمان انا من بعشق كوكو بتاعى الا هو الكمبيوتر يعنى وماصدقت بابا وافق يجبلى واحد لوحدى بس حتى يوم ماراح يجيبوا راح هو جوز اختى واول ماجوم تحت عند بتنا نادوا عليا عشان انزل اشيل بش بتاعى لازم اشيل افترى بقى تقولوا ايه

واول مانزلت لقيت صندوق كبيررررررررررررر اوووى فرحت قولت بابا جابلى كمان شاشه كبيره زى بتاعتوا وطلعت اقعد اتنطط على السلالم

وبيفتحوا الصندوق ال ايه تليفزيون بش شاشه

اصلى انا ايه بقى كان عندنا الشاشه من غير حاجه كان بابا جيبهلى اتسلى عليها لحد مايكملى بقيتوا ههههههههههههههه ابويا بقى معلش

بس بس اسكتى

المهم انا كنت بقول ايه اه على يوم الخميس يوم عيد ميلادى قمت فتحت الكمبيوتر وفتحت الميل مع انى عمرى مابقعد عليهم بفتحهم واسبهم واروح اشوف الهدوم بقى والبس عشان انزل بس بفتحهم غلاسه ورخامه وبشغل اغانى

وبروح اقعد جوا الدولاب((مجنونه رسمى)) اقعد اطلع فى الهدوم يجى ساعتين وااقف قدام المرايا ساعه وبعدين انزل لاء استنوا افتكرت ماما بتزغط قبل ماانزل بس طبعا بش عشان جمالى لاء عشان خلاص سبت المرايا والكمبيوتر ونازله

طبعا صحيت الهانم الا هيا مروه بشمعنا يعنى انا صحيت

ونزلت مشيت من شارع المرايا ((هو بش اسموا كده بس هو اصلى فى محل كلوا مرايات فبنزل امشى فيه اكمل بقيت واقفتى فى المرايا :d )) وخرجت ادور على ميكروباص للزهراء وهنا ينطبق بقى مثل بتاع زمان ودنك من فين ياجحا يعنى ااقرب ليا محطه دار السلام بس تقولوا ايه بقى مخى لازم اركب من الزهراء وركبت المترو وفكرت فكره شريره

الا هيا ايه بقى اتصل بمروه ااقولها انى انا ركبت المترو انزلى بقى عشان تستنينى واحنا كنا متفقين انها هستنانى فى محطه المرج الجديده وبعدين نروح عندها وبعدين نروح السينما تحكمات بقى تقولوا ايه معلش ماانا الا عايزه اخرج ولقيت مروه بتقولى

اول ماتوصلى محطه المطريه رنى ابقى كدابه لو ااقولكم انا عارفه محطه المطريه ديه قبلها ايه عشان ارن عليها انا اعرف بس لحد منشيه صدر عشان ديه المحطه الا بنزل فيها لما بكون رايحه المعهد بالمترو

اقعد اسال الناس هو فاضل كام محطه على المطريه محدش فدنى بحاجه طبعا وده الطبيعى روحت انا رنيت وخلاص عشان ديه مروه انا عارفها عامل ماتوصل ووصلنا الحمد الله ارض السلام وصلت محطه مصر يوووه قصدى محطه المرج الناس بقى الا انا سالتهم على محطه المطريه كتر الف خيرهم اتخضوا بدالى لقيت واحده بتشهق ولا اكنى ملوخيه انا قدامه وبتقولى انتى بش كنتى هتنزلى المطريه فاتت خلاص هتعملى ايه؟؟((وش واحده غلبانه))

بصراحه انا كنت هعيط بش عشان المحطه فاتت عشان انا اصلا مكنتش هنزل فيها

انا كنت هعيط من طريقه الست وشكلها وانا صعبانه عليها المحطه ضاعت كده وفاتت عليا

قوتلها اه صحيحى ياطنط اعمل ايه ؟؟؟((وش بيعيط))

بس انا ياطنط مكنتش هنزل المطريه

الست شكلها اتغير من بعد واحده كانت انا صعبانه عليها لواحده هتتضربنى

ونزلت من المترو بسلام الحمد الله

وحصلت الكارثه هقولكم عليها بعدين وده الطبيعى من مروه

((واحد بيطلع لسانوا)))

ولسه للحكايه بقايا وكوارث

منك لله يالى فى بالى

نكمل فى بوست جديد باذن الله

بس حزروا فزروا حصل ايه؟؟؟

ها حصل ايه

يرجوا الاتصال 099 0777 00 عليه العوض فيكى ياريرى

تن تن تن بووووووووم وفتحنا والحمد والله

بسم الله الرحمن الرحيم

انا اسمى ريرى اه والله اسمى ريرى

وبعدين يعنى ياريرى يعنى

اه اه افتكرت احنا بنفتتح

طبعا بش محتاجه ااقولكم ان المدونه ديه بتاعتى

يعنى هتكون بتاعت مين يعنى

يووه بقى بصراحه انا بش عارفه ااقول ايه فى الموقف ده ياكسووووفى((وش احمر زى الطميميه))

اهلا بكل واحده او واحد هيدخل هنا حتى لو هيقرا ويمشى من غير مايعلق ((بكسفكم انا بذوقى اهوا المفروض انتوا كمان تكسفونى وتعلقوا عليا))ونفضل نكسف بعضيتنا لحد باذن الله لما المدونه ديه تبقى بتاعتكم قبل ماتكون بتاعتى

ذلتينى بتاعتى بتاعتى عرفنا انها بتاعتك

الله بش هيا بتاعتى((واحد بيطلع لسانوا))

يالا نبدء بقى يالا بقى

ازيكـــــــــــــــم بجـــــــــــا

هونا كل الكلام وباحلامى طالعه من قلبى ممكن بش تفهمنى ايه المقصود منها وتقرا وتقول ايه البت دى ولا بتعرف تكتب وانا بش قاصده هنا ان انا اكتب كلام كبير عن اللى فى قلبى هونا مجرد ورقه وقلم بطلع فيهم كل اللى جوايا فى وسط زحمه من الناس ولا هما يعرفونى ولا انا اعرفهم المهم ان انا وقت مااحب اتكلم بلاقى مكان ارغى فيه من غير ماحد يقولى بس انتى رغايه اوى ^_^

صاحبه الحلـــــــــــم

إمرأة بقلب منحوت لم أنسى ولم اتناسى فكل من مرووا على هذا القلب ... فنان في النحت خناجر ليست مرصعه بالاحجار ليست قاطعه حاده ليست مرئيه بل خناجر بارده ملتويه طاعنه بالاظهر صائبه للقلب نازفة للدمع الدموي فلكل منهم خنجره الخداع الكذب الخيانه الانانيه الطمع فلكل منهم فنه في دفن معاني الحب والعاطفه وليتنافسوا على اخفاء ملامح ومعالم هذا القلب وبالفعل نجحوا الجميع واصبح قلبي مشوه غير مقبول في مدرسه الحب فهو بلا منهج او معلم ولا يملك سوا تخاريف وأدخنه واحرف لاتعرف سوا الوهم منقوطه بالدماء فهذا القلب اشبه بيت في غابه وحيد يمر عليه كل من ضلوا الطريق ولا يحتاجوا لمفتاحه بل يطرقوا الباب فقط فيجدوا السذاجه والطيبه والبراءه في انتظارهم بالترحاب والان اصبح هذا البيت اقصد القلب منحوت ولا يعلم كم هو الان عمره

قلت أبص ف المرايا يمكن أكون إحلويت فضلت داير أبص مخلتش ولا مرايا ف البيت في الحمام ف الأودة ف دولاب أو متعلقة ع الحيط شوفت سكت شويه وبعدين إتخضيت معقول أنا قضيت العمر ده كله وزي ما روحت زي ما جيت معقول أنا عمري مافكرت ولا إتغيرت ولا حبيت وإزاي ساكت علي روحي ده كله وليه إستنيت يا ريتني ما كان عندي مرايا وياريتني ما بصيت

يــــــــــــــــا اللـــــــــــه

ربــــي وحبيبي انت ألهي وانت سندي ... جلست يا ربى ليلاً واردت الحديث معك ولكنى لا اعرف من اي ذنب ابدأ ولا منذ متى فوجدت روحى تشكى اليك ولا تريد لغيرك بسرها ان تبوح يا رؤوف يا رحيم طَيب ما بى من جروح استسلم فؤادى اليك واشتقت لسجده بين يديك سبحانك ربى يا من سقطت دموعى امامه وآبت ان تنزل امام البشر وسالت امامك يا رب البشر تثاقل الحمل واردت ان اضعه لمن هو حولى فى كل وقت اخذتنى ذنوبى منك فابتعدت وعدت خائفه ان يكون فات الوقت فوجدت بابك مفتوح اِلى ياربى فسقطت امامه اعلن توبتى وظنى الخير فى عفوك فاقبل يارب من اقبل اليك فى هذ الوقت طيب جراحه وامحى همه وحزنه وجمله بدموع على وجنتيه تطهر بها قلبه ونفسه استغفرك ربي استغفرك ربي استغفرك ربي لا اله الا انت سبحانك اني كنت من الظالمين يا حى يا قيوم برحمتك استغيث اصلح لى شانى كله و لا تكلنى الى نفسى طرفه عين! ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا )ا .

يـــا ربـــ

علمتنــي الحيــاة، ان أقول دائمــا يا رب ، لا انتظر شيئ من "أحــد" ، لا أرجو أحــد" ، لا أبكي على الذي فــات ، لا أندم على ما فــات ، ولا الوم الزمــان على شيئ ، فأنــا لــي ✿رب كبير ، يعطيني دون حسـاب ، اذا بكيــت يرضينــي ، اذا فقدت شيئ يعوضنــي ، يــا ✿رب ما لــي سواك ، يــارب

دعاء العبد الخطاء - لـــ: د.مصطفى محمود

إلهي .. إنك ترى نفسي و لا يراها سواك . تراها كالبيت الكبير الذي تصدعت منه الجدران و تهاوت السقوف و انكفأت الموائد . بيتاً مهجوراً يتعاوى فيه الذئاب و يلهو فيه القردة و تغرد العصافير . ساعةً تتلألأ فيه الأنوار و تموج فيه أشعة القمر . و ساعةً أخرى مظلماً مطموساً محطم المصابيح تسرح فيه العناكب . مرةً تحنو عليه يد الربيع فتتفتح الزهور على نوافذه و تصدح البلابل و تغزل الديدان الحرير و تفرز النحلات الطنانة العسل. و مرةً أخرى يأتي عليه الزلزال فلا يكاد يخلف جداراً قائماً لولا ذلك الحبل الممدود الذي ينزل بالنجدة من سماوات رحمتك . حبل لا إله إلا أنت سبحانك . أنت الفاعل سبحانك و أنت مجري الأقدار و الأحكام .. و أنت الذي امتحنت و قويت و أضعفت و سترت و كشفت .. و ما أنا إلا السلب و العدم .. و كل توفيق لي كان منك و كل هداية لي كانت بفضلك و كل نور كان من نورك .. ما أنا إلا العين و المحل و كل ما جرى علي من استحقاقي و كل ما أظهرت فيّ كان بعدلك و رحمتك .. ما كان لي من الأمر شيء . و هل لنا من الأمر شيء !؟ مولاي .. يقولون إن أكبر الخطايا هي خطايا العارفين .. و لكني أسألك يارب أين العارف أو الجاهل الذي استطاع أن يسلم من الفتنة دون رحمة منك .. و أنت الذي سويت نفوسنا و خلقتها و وصفتها بأنها ( لأمارة بالسوء إلا ما رحم ربي ) . و أين من له الحول و القوة بدونك .. و هذا جبريل يقول لنبيك لا حول من معصية إلا بعصمة الله و لا قوة على طاعة الله إلا بتمكين الله . و هل استعصم الذين استعصموا إلا بعصمتك و هل تاب الذين تابوا إلا بتوبتك .. و هل استغفروا إلا بمغفرتك . إلهي .. لقد تنفست أول ما تنفست بك و نطقت بك و سمعت بك و أبصرت بك و مشيت بك و اهتديت بك .. و ضللت عندما خرجت عن أمرك . سألتك يارب بعبوديتي أن ترفع عني غضبك .. فها أنا ذا و قد خلعت عن نفسي كل الدعاوي و تبرأت من كل حوْل و طوْل و لبست الذل في رحاب قدرتك . إنك لن تضيعني و أنا عبدك . لن تضيع عبداً ذل لربوبيتك و خشع لجلالك . و كيف يضيع عبد عند مولىً رحيم فكيف إذا كان هذا المولى هو أرحم الراحمين . ربّ اجذبني إليك بحبلك الممدود لأخرج من ظلمتي إلى نورك و من عدميتي إلى وجودك و من هواني إلى عزتك .. فأنت العزيز حقاً الذي لن تضرك ذنوبي و لن تنفعك حسناتي . إن كل ذنوبنا يارب لن تنقص من ملكك . و كل حسناتنا لن تزيد من سلطانك . فأنت أنت المتعال على كل ما خلقت المستغني عن كل ما صنعت . و أنت القائل : هؤلاء في الجنة و لا أبالي و هؤلاء في النار و لا أبالي . و أنت القائل على لسان نبيك : ( ما يعبأ بكم ربي لولا دعاؤكم ) فها أنا أدعوك فلا أكف عن الدعاء .. فأنا المحتاج.. أنا المشكلة .. و أنا المسألة . أنا العدم و أنت الوجود فلا تضيعني . عاوني يارب على أن اتخطى نفسي إلى نفسي .. أتخطى نفسي الأمارة الطامعة في حيازة الدنيا إلى نفسي الطامعة فيك في جوارك و رحمتك و نورك و وجهك . لقد جربت حيازة كل شيء فما ازددت إلا فقراً و كلما طاوعت رغائبي ازدادت جوعاً و إلحاحاً و تنوعاً . حينما طاوعت شهوتي إلى المال ازددت بالغنى طمعاً و حرصاً و حينما طاوعت شهوتي إلى النساء ازددت بالإشباع عطشاً و تطلعاً إلى التلوين و التغيير .. و كأنما أشرب من ماء مالح فأزداد على الشرب ظمأً على ظمأ . و ما حسبته حرية كان عبودية و خضوعاً للحيوان المختفي تحت جلدي ثم هبوطاً إلى درك الآلية المادية و إلى سجن الضرورات و ظلمة الحشوة الطينية و غلظتها . كنت أسقط و أنا أحسب أني أحلق و أرفرف . و خدعني شيطاني حينما غلف هذه الرغبات بالشعر و زوقها بالخيال الكاذب و زينها بالعطور و زفها في أبهة الكلمات و بخور العواطف ، و لكن صحوة الندم كانت توقظني المرة بعد المرة على اللاشيء و الخواء . إلهي .. لم تعد الدنيا و لا نفسي الطامعة في الدنيا و لا العلوم التي تسخر لي هذه الدنيا و لا الكلمات التي احتال بها على هذه الدنيا .. مرادي و لا بضاعتي . و إنما أنت وحدك مرادي و مقصودي و مطلوبي فعاوني بك عليك و خلصني بك من سواك و أخرجني بنورك من عبوديتي لغيرك فكل طلب لغيرك خسار . أنت أنت وحدك .. و ما أرتضي مشوار هذه الدنيا إلا لدلالة هذا المشوار عليك و ما يبهرني الجمال إلا لصدوره عنك و ما أقصد الخير و لا العدل و الحرية و لا الحق إلا لأنها تجليات و أحكام أسمائك الحسنى يامن تسميت بأنك الحق . و لكن تلك هجرة لا أقدر عليها بدونك و نظرة لا أقوى عليها بغير معونتك .. فعاوني و اشدد أزري .. فحسبي النية و المبادرة فذلك جهد الفقير .. فليس أفقر مني .. و هل بعد العدم فقر .. و قد جئت إلى الدنيا معدماً و أخرج منها معدماً و أجوزها معدماً .. زادي منك و قوتي منك و رؤيتي منك و نوري منك . و اليوم جاءت الهجرة الكبرى التي أعبر فيها بحار الدنيا دون أن أبتل و أخوض نارها دون أن أحترق .. فكيف السبيل إلى ذلك دون يدك مضمومة إلى يدي . و هل يدي إلا من صنع يدك ؟ .. و هل يدي إلا من يدك ؟! و هل هناك إلا يد واحدة ؟ لا إله إلا أنت سبحانك إني كنت من الظالمين . سبحانك لا أرى لي يداً . سبحانك لا أرى سواك . لا إله إلا الله . لا إله إلا الله حقاً و صدقاً . و ذاتك هي واحدة الحسن . الحسن كله منها . و الحب كله لها . و يدك هي واحدة المشيئة . الفعل كله منها و القوة كلها بها و إن تعددت الأيدي في الظاهر و ظن الظانون تعدد المشيئات .. و إن تعدد المحبون و تعددت المحبوبات .. ما يركع الكل إلا على بابك و ما يلثم الكل إلا أعتابك .. مؤمنون و كفرة .. و إن ظن الكافر أنه يلثم ديناراً أو يقبل خداً فإنما هي أيادي رحمتك أو أيادي لعنتك هي ما يلثم و يقبل دون أن يدري . و إنما هي أسماء و أفعال و أوصاف . و المسمى واحد . و الفاعل واحد . و الموصوف واحد . لا إله إلا هو . لا إله إلا الله . الحمد له في الأول و الآخر . رفعت الأقلام و طويت الصحف و انتهت الكلمات