السبت، 20 أغسطس 2011

بـــدور عليــها !!



بقيت بدور عليها ولا اكنها حاجه تايهه
بقيت بدور على
الراحه
فاى حاجه فأى مكان
بقيت عالمه زى الصوره اللى فوق دى
شايله على ظهرى هموم ومشاكل وحاجات اد كده
بقيت بدور على مكان ارتاح فيه وارمى كل اللى فوق ظهرى ده
بقيت بدور على اى انسان مرتاح عشان ااقلدوا
يمكن ارتاااح
بس للاسف
بش لاقيه

فى حد مرتاح!!!!

((انا ببقى شايله هم ان حد يزعل منى وببقى شايله هم ان انا اللى اسال وببقى شايله هم
ان انا لازم اشيل هم اللى حواليا
يااما احس بالذنب
ببقى شايله هم بش بكره لاء الثانيه والدقيقه اللى جايين عليا وبش عارفه شايلين ايه من هموم
بقيت قاعده متراقبه اى حاجه تحصل بش ليا لاء للى حواليا عشان انا لازم اشيل الهم معهم
يااما بش هبقى انا

نفسى ارتاح
نفسى الاقى الطريق للراحه اللى انا نفسى فيها
نفسى عقلى يقف لمجرد ثوانى ارتاح من التفكير
ويرجع تانى ناسى كل حاجه
يمكن بش فى حد بيتمنى كده
بس يمكن يكون دى الراحه
_______________
هيا فييييييييييييييييييييييييييين
الراحـــــــــــــــــه دى؟؟؟
راحه تايهه ياولا الحلال اللى يلاقيها يقولها ارجعى لريرى بقى لحسن هيا تعبت وبدور عليكى

الأحد، 14 أغسطس 2011

نفســـى أهرب


نفسى أهرب
من كل حاجه
من الناس
من المسؤليه
من نفسى
من كل حاجه موجوده حواليا
يمكن بش عارفه هروح فين
بس بجد انا
نفسى اهرب

اهرب فى مكان مفهاش اى حد خالص
مفهوش ناس
مع انى بيقولوا فى المثل
الدنيا من غير ناس تنداس
بس انا تعبت من الناس
مع انى محاجتهم اووووى وبش بعرف استغنى عنهم
بس هما ماشين خلاص
عشان كده بش عايزه اعرف ناس تانى
عشان بش يرجعوا يمشوا هما كمان

نفسى اهرب
من المسؤوليه
عشان مبحبش ابقى مسؤوله عن حاجه
عارفه ان ده ممكن يكون ضعف فيا
بس بخاف للحاجه اللى انا مسؤوله عنها تضيع منى
ساعتها بش هعارف اسامح نفسى
نفسى اهرب
من نفسى
عشان تعبنى معها لدرجه ان انا

ساعات بقولها سابينى بقى وابعدى عنى
عشان بش عايزها
نفسى اهرب فى اى مكان
بس اكون لوحدى
الكل فاكرنى ان انا اتغيرت وعايزه ابعد عنهم عشان زهقت منهم
لاء
انا لما بحب حد بش بعرف ازهق ولا اكره ولا ابعد
بس هما اللى بيبعدوا
وده صعب عليا
وصعب عليا كمان ان كل واحد فيهم يبقى عارف ان هو نقطه ضعف عندى انوا يسبنى ويمشى

_________________
انا بمر بحاله غريبه هيا اه بش جديده بس يمكن اصعب من المره اللى قبلها
ان مفيش حد هيبقى معايا
ممكن الكل يفسرها على مزاجوا
بس انا تفسيرها حاجه واحده عندى
ان انا بتعب اووووووى واكتر شىء بيوجعنى ان حد اكون بحبوه الحب ده ويبعد عنى
من كام سنه
اختى مشيت من بتنا واتجوزت
كنت انا وهيا اسمنا مرتبط ببعض
وفى كل مكان مع بعض
مره واحده لقيتها بش معايا
كنت متغاظه منها اووووى عشان مشيت
وكنت بش طايقه اى حد
وعدت المرحله دى لما جابت وزه عشان شغلنى عن عدم وجودها معايا طول الوقت
دلوقتى بيتكرر الموضوع
وهتمشى هبه انتمتى وهتجوز يمكن اللى مضيقنى اكتر انها بش هتقعد هنا
لاء هتبعد اكتر
حاسه ان انا بش طايقه بقى عشان مفيش حد هيعرف يحل محلها
الكل مضيق منى عشان اسلوبى اتغير فى الكلام
بس هما بش يعرفوا انا جوايا عامل ازاى
كان نفسى الاقى حد يقف معايا فى الوقت ده بالذات
ممكن يكون عادى بالنسبه للناس كتير ان حد يبعد عنهم
لكن انا بنسبالى لاء
بالذات اقرب الناس ليا
مع انى عاشنا مع بعض انا وهيا كتيرررررر اوووى
بس حاسه ان بش لحقت افضل معها
جوايا فرحه كبيره اووووووى ليها
وفى نفس الوقت جوايا حزن فظيع محدش يعرفوا
وجوايا حزن اكتر ان كنت بتمنى فى الوقت ده الاقى اللى يستحملنى بس
الواضح ان الكل هيمشى معها هيا كمان
كان نفسى حتى اللى عايزين يمشوا ويبعدوا يستنوا بس الفتره ده على الاقل
بس الكل زعلان منى
انا عارفه ان انا ممكن اكون مزودها بس ده طبعى
طبعى ان انا ببقى موجوعه اوووى فى بعد اى حد عنى
عشان كده
نفسى اهرب
((وبش عشان كده بس لاء انا طول الوقت نفسى اهرب ))
ونفسى الاقى انسان مرتاح عشان ااقلدوا
_______

وبعدين ياريهام الكل خلاص مشى بجد ((اوعوا تسيبونى دلوقتى ........))ولا بعد كده

الأحد، 7 أغسطس 2011

حكــــايه’’

Sees may dry
Birds may not fly
Babies may not cry
you forget me But not I
Mr: Mohamed))

الكلام ده مكتوب عندى من اعدادى من ماستر محمد بتاع الانجلش
لسه فاكره النهارده
ان انا كنت فى مرحله اعدادى بت طلقه فى الانجليزى
كنت تمالى ماستر محمد يحطونى فى مجموعه كلها صبيان وكل ماينقلنى الاقيهم معايا
كانوا بيضربوا ضرب منوا
وانا كنت المدلعه اللى فى وسطهم من حلويات
لما كنا بنسمع الكلمات
كنت بفرسهم وبغظهم كمان
كنت بت غياظه فظيعه اوووى وانا فى اعدادى
دلوقتى بقى بقيت بكره الانجليزى مفيش عمار بينى وبينوا
^_^


بقيت كل اللى شغلنى اوووى
ان انا اخلص 2 خاتمه اللى بدءت فيهم
واحده قبل الفطار
والتانيه فى التروايح
^_^

ليا حبيب بحبوااااااااا اوووووى انا بقول ان انا بقيت قريبه منوا اوووى بالذات الايام دى
بقيت بقعد بالساعات اتكلم معه
وواثقه انوا بيسمعنى
بشكيلوا وبحكليوا
وبعدها قلبى بيصفى خاااالص
بينى وبينوا اسرار محدش اى كان يعرفها
ومحدش يقدر يدخل بينى وبينوا
مليش غيروا ولا اعرف غيروا
وبش طمعانه
غير
فى حبوا وكرمه ورحمتوا
وغفرانه
^_^

من كام يوم وقفت عملتهم صنيه كنافه فظيعه فظيعه فظيعه
اه ونعمه
بس بش اكلت منها انا
:D
عشان بش بحب الكنافه
^_^



بقيت بعود نفسى ان مفيش حد هيفضل معايا على طول
على راى ناس
الكل بينشغل
ربنا يساعدهم بقى
وانا كمان بقى هتعود
عشان محدش يمسكنى من ايدى اللى بتوجعنى
بش انا هما بيقولوا ان هما نقطه ضعفى
انا خلاص مبقاش ليا نقط ضعف
^_^

فى حاجه عايزه اكتبها كل ماتيجى على بالى تروح تانى
هتجنن هتجنن
^_^

أأه فى حاجه تانيه
عرسان اخر زمن
ال ايه ههههههههههههههههههههههه
يالا بقى ياما هنشوف ونضحك
اهو الواحد بيتفرج
والواحد ياما بيعدى عليه ويشوف
^_^

نفسى اووووى انا واللى انا هتجوزوا (( جوزى يعنى مستقبلا مع انى بش بحب كلمه جوزى دى ))
نصلى سوا ونقرا قران مع بعض
مع انى تمالى اللى تلاقيهم مهمتين بالصلاه اوووى
اكترهم هما البنات معرفش ليه
بس اهو نفسى وخلاص
^_^

من حكاوى الولا وزه
انا ااقربلك ايه ياوزه
خنتو هام ((خالتو ريهام))
ومين حبيب خنتو هام ((لازم الدغ زيوا :D))
انااااااااااااااااااااااااااااااا وزه
هاكلك اكل كده :D
^_^
احكيلك حدوته
ياسعد يااكيم ياكيم بذكر النبى
عليه الصلاه والسلام
عليه الصلاه والسلام ((ده اختصار وزه ))
((كان ياماكان ياسعد يااكرم مايحلى الكلام اللى بذكر النبى عليه الصلاه والسلام))

خلصت الحدوته والحكايه
فتكم بالعافيه بقى
^_^


الاثنين، 1 أغسطس 2011

اه يانى يارجلى يانى :(


انا وقعت
:(
هوب اتزحلقت راحت واقعت على رجلى :(
كنت ماشيه بنص رجل بقيت ماشيه بربع رجل
لان هيا كانت وجعنى اصلا
لاء وبعد الفطر
مين اللى دعى عليااااااااااااااااااا؟؟؟؟؟؟؟؟؟؟
__________

عارفين انا من سنين كتير اووى بش اوى يعنى
كنا فى رمضان وكنا هناكل سمك
وكنا عازمين ضيوف عندنا
فحطنا الاكل قبل مالادان مايادن
فقعدوا يكلموا عن السمك ويقولوا ان الراس بتاعتوا غلط تتاكل
راحت انا من عنادى
راحت ماسكه السمكه وتك تك راحت اكلتها
لاقتهم كلهم بيصوتوا فى وشى
لسسسسسسسسسسسسسسسسسسسه المغرب
فضلت اعيط فى اليوم ده عياط
وماكلتش وفضلت شايله الهم ازاى بعد ماصومت كل ده افطر على اخر الدقايق
وهما يحلفولى ان بدام نسيت خلاص ربنا هيتقبل
وانا بعنادى برضو بش مصدقه حد فيهم
كنت صغنونه بقى
دلوقتى بقول امتى هنسى هههههههههههههههههه
___________________
البومب والصواريخ
العيال اللى عندنا فى الشارع ولعوا صاروخ حديد كده
فضل الصاروخ يطير
لحد ماراح وقع فى قفا الراجل اللى قاعد على باب المحل

_____________________

كل ده بش مهم
المهم رجلللللللللللللللللللللللللللللللللللللللى
اه يارجلى

اللى دعى عليا بقى يدعيلى تخف
لحسن والله والله والله










بش هعمل حاجه
عشان مفيش حد دعى
هو الشبشب اللى عايز قطعوا هو اللى وقعنى

رجلى اه يانى :(

________________________________

فتوته صغنونه عايزه اقولها
(( دى عسوله وطيبه اووووى بس هيا اللى مكنتش عايزه تكلم معايا ))
ازاى ده !!!!؟؟؟؟

فتكم بالعافيه

اليوم بش لاحق احنا بش لسا كنا بنفطر شويه وهنتسحر بش هنلحق ناكل كده
كل اللى فى التلاجه والحلويات بقى والعصاير
بش لاحقه هههههههههههههههههههههه