انا بش منتظره حد
ولا هنتظر حد
عشان انا بكره الانتظار
بالذات من ناس انا اعرفهم جداااااا
وعارفه انهم هيبقوا بمليون عذر
عشان كده انا بش هسال اى حد عن اى حاجه
وهعمل فيها جايا من بنها ^_^
_______________
ليه لما بنتملك من اللى قدامنا
بندوس عليه اوووى
وبش بيهمنا مشاعروا ولا احساسوا هيبقى ازاى
___________
عندى احساس بالخنقه الفظيعه
معرفش ليه
يمكن من الجو جايز
يمكن عشان نفسى فى حاجات كتير وعامله ابصلها من بعيد وبش بعمل اى حاجه
يمكن عشان حاسه ان عمرى بش باقى فى حاجه
يمكن عشان حاسه ان كل واحد فى وادى مع نفسوا
ويمكن كمان عشان عايزه اكرهه حاجات معينه وبش عارفه اكرها
ويمكن عشان نفسى اقول
انا هنـــــــــــا
بش عارفه كل شىء جايز
_______________________
ليه كل بدايه عمر ومرحله جديده بحس ان العمر هينتهى
يعنى قبل ماتم ال 20 كان عندى احساس ان عمرى هيقف لحد 20 وكان نفسى فى كده وكنت بعد العمر الفاضل عشان اوصل لل 20
ودلوقتى عامله افكر فى ال 30 وعامله اعد فاضلى اد ايه وازعل على عمرى اللى بيجرى قدامى وبش نفسى خالص ادخل المرحله دى
ياترى هيجى عليا وقت هيبقى عندى 50 و60 سنه كده
وياترى هيبقى شكلى ايه ولا حتى هيبقى حياتى عامله ازاى
ياترى هبقى لسه واقفه مكانى ولا حتى انا من جوايا هتغير
وهقدر افهم ان انا كبرت بش لسه العيله الصغيره
طبعا باذن الله
__________________
بنام واصحى
وانا انا
بش بتغير
هو بش المفروض ان احنا بنتغير
انا حاسه ان انا انا من زمان اووووى
هتجننن نفسى اتغير
حاولت اتغير كتير بس للاسف اللى عارفنى اوى
لاقتهم بيضحكوا ويقولولى
بلاش تعملى انتى بش انتى عشان بش لايقه عليكى
حاسه ان بقيت فى برواز واحد بش بيتغير
بش التغير سنه الحياه
ليه بش بتغير ليييييييييييييييييييييييييييييه!!!!
وليه بش بعرف
ليييييييييييييييييييييه !!
_________________
نفسى رايحه اوى لواقفه على النيل
اكتر مكان بحبوا فى القاهره
كورنيش النيل والتحرير
حتى دول حاسه ان انا اتحرمت منهم
_____________________
لما بتعصب بش بقدر امسك نفسى من الضحك
حتى لما ببقى عايزه ابقى جد بش بعرف
زمان وانا فى المدرسه كنا بنهزر انا واصحابى وعملوا فيا مقلب اتعصبت عليهم اوووى
وبقيت اخرج من الفصل وادخل اتعصب عليهم واخرج وهكذا من كتر ماانا متعصبه عليهم
لحد مالقيت نفسى ببصلهم وبضحك اوووى
لسه فاكره الموقف ده من كام يوم لما روحت اقدم فى مدرسه عشان اشتغل مدرسه
والمدرسه الاولى بتاعت الماده او الوكيله بتقولى اقفى هناك كده عند السبوره واتعملى كانك بتشرحى للطلاب
راحت واقفت واقعد اشرح ومن جوايا هموت من كتر الضحك عشان انا مينفعش ابقى مدرسه
انا لو شخط فى طالب ممكن ااقعد اضحك بعدها اد كده
_______________
انا شخصيه غريبه جدااا حتى انا بش عارفه انا شخصيتى ماشيه ازاى
ساعات تلاقينى فرحانه ومبسوطه معرفش ليه
وساعات تلاقينى هموت من الحزن ومعرفش ليه برضو
_______________
احساس جميل اوى وجدا كمان لما يكون
عندك نونو صغنون كده
نفسى اوووووووووووووووووووووووووى فى الاحساس ده
فعلا انا اكتشفت ان اى بنت بتتولد ومعها ونفسها فى الاحساس ده
حتى واحنا بنعلب واحنا صغيرين
انا عن نفسى كنت عامله كل الدباديب اللى عندى كلهم ولادى
___________________
ربنا يحبب فيكى خلقه
يااااااااااا بحب اوى الدعوه دى
ولما الاقى حد من اول مااعرفوا بقى قريب منى اوى
بحس ان ده نتيجه الدعوه دى
ولما حد يقولى ان فى حد بيعزك
انا بفرح اووووى
ولما بروح فى مكان واشوف كل اللى فيه مهتمين انهم يقعدوا معايا والكل يجى يقولى اقولك على سر محدش يعرفوا
بفرح اوى
لما بلاقى طفل فى اى مكان بيبصلى وبيضحك
انا ببقى فرحانه اوى
لما اهزر مع حد او احاول اخليه يضحك وهو شايل الهم ويضحك
انا ببقى مبسوطه اوى
واخر حاجه بقى
لما الاقى ماما قاعده لوحدها واقعد اشكسها فاى حاجه
وتبصلى وتقولى انا جايبه عاهات وتتضحك
ابقى مبسوطه اوووووى
او لما الاقيها بتتدعيلى
ياااااااااااااااااااااااااااااااا بحس ان الدنيا كلها راضيت عنى
__________________
حاجه اخر ملل
لما كل يوم
ابقى مع انا
وبش بتتغير انا
كل يوم اصحى بانا
انام بأنا
اكل بأنا
اخرج بأنا
كلوا بأنا
نفسى مره تبقى ب أى حاجه تانيه
انا دى بقت غلاسه اووووى لزقه معايا فكل حاجه
فتكم بعافيه بأنا برضو
:p
