حـــــــــــــــــلم ريـــــــــــرى

الأربعاء، 9 سبتمبر 2009

هعيط هــــــموت للاسف هقـــــــلد الكتكوت

هيــــا ديــ أخرتــــها .......(((مبـــــــــوزه ومقموصــــــه)))

هـــــــــــــــونــ عليـــــــــــا ياربـــــــ

الثلاثاء، 1 سبتمبر 2009

أغضـــــب

أغضب

اغضب كما تشاء
واجرح احاسيسى كما تشاء
حطم اواني الزهر والمرايا
هدد بحب امرأة سواي
فكل ما تفعله سواء
وكل ما تقوله سواء
فأنت كالاطفال يا حبيبي
نحبهم مهما لنا اساؤوا
اغضب فأنت رائع حقاً متى تثور
اغضب فلولا الموج ما تكونت بحور
اغضب كن عاصفاً كن مطراً فأن قلبي دائما غفور
اغضب فلن اجيب بالتحدي لن اجيب
فأنت طفل عايث يملؤه الغرور
وكيف من صغارها تنتقم الطيور
اذهب يوماً مللت مني واتهم الاقدار واتهمني
اما انا فأني ساكتفي بدمعتي وحزني
فالصمت كبرياء والحزن كبرياء
اذهب اذا اتعبك البقاء
فالارض فيها العطر والنساء
والاعين الخضراء والسوداء
وعندما تريد ان تراني
وعندما تحتاج كالطفل الى حناني
فعد الى قلبي متى تشاء
فأنت في حياتي كالهواء
وانت عندي الارض والسماء
اغضب كما تشاء
واذهب متى تشاء
لا بد ان تعود ذات يوم
وقد عرفت كم هو الوفاء

اللله عليك يانـــــــــــزار
والله عليكى يااصالــــــه
من احب الاغانى ليا

الأربعاء، 26 أغسطس 2009

رمضان كـــــــريم

بسم الله الرحمن الرحيم
كل سنه والناس يارب كلها فى خير وحب وسعاده والناس كلها قريبه من ربنا
وزى مابيقولوا رمضان كرييم فعلا شهر رمضان بيبقى كلوا كرم سوء فى معاملات الناس لبعضها تحس ان الناس كلهم طيبين ((بتبقى مستغرب اوووى )) وكرم بين الانسان ونفسوا تحسوا انوا الواحد مصالح نفسوا اوووى ((وتبقى عايز تعمل كل حاجه كويسه لنفسك )) وكرم فى العباده بتلاقى الناس كلها حتى الا مكنتش قريبه من ربنا بتبقى قريبه فى الشهر ده ((بتلاقى المساجد وكل اعمال الخير اااااااااااد كده انا بش بحسد بس والله مابشوف كده بفرح اوووى وببقى نفسى ااقف اصقف للناس كلها ))
انا بحس ان رمضان بيجى والناس بتبقى غير الناس والدنيا كلها بتبقى غير الدنيا يارب يفضل كل الشهور رمضان
ورمضان كريم
وكل سنه وانتوا طيبين

الاثنين، 15 يونيو 2009

فاض بيا الله عليك ياصابر

كل مرة بكون معاك على الزمن واما الزمن يضحك لك يكون وياك

على طول تبعنى من غير تمن وانا بردو بدعى ربنا معاك

ضاقت بيك تبقى عايزنى اكون حوليك ضحكت ليك اخلاصى يكون حمل عليك

فى الحالتين ساكن لا بنساك ولا عايز انساك

قالو ان اللىيحب بجدلو فاض بيه من اللى بيحبه مايحبش بس مايكرهشى وانا فاض بيه تعبت بجد

قد ما تعبت لا كرهتك ولا عارف حتى ماحبكش

الاغنيه ديه من اجمل الاغانى انى انا بعشقها جداااا وبحب جدا فيها صوت صابر بجد صوت رائع وكلام اروع وحكايه الاغنيه تحفه وبقت موجوده كتير وتحفه اووى وهو بيقولها ضاقت بيك انا عن نفسى حسيت انوا بيقولها حرام عليكى هو مفيش غيرى انا وتعملى معايا كده عندوا حق والله يعنى لما يكون حد عايز يعمل كده بش يروح لاكتر حد بيحبوا ويخليه يوصل لدرجه انوا يقولوا انا فاض بيا

بس انا بقالى تقريبا كتير بش سمعتها لسه سامعها قريب

اقعد افكر فى كل كلمه صابر بيقولها لقيت ان اد ايه هو حد مظلوم اوووى

وعلى اد فهمى للاغنيه تخليت ان البنت الا بيحبها صابر وقت مايكون حبيبها بش موجود بترجع لصابر ولما يرجعلها حبيبها تسيبوا من غير ماتفكر وترجع تانى تعيد نفس الحكايه لحد ماهو فاض بيه

وانا كمان ياصابر فاض بيا بس من حاجات كتير

فاض بيا من نفسى وفاض بيا من الا حواليا

وبتمنى ساعت كتير اوووى انى انا اغمض عينى وبش افتحها تانى

الجمعة، 5 يونيو 2009

خلص الفاصل وعودنا

ياعالم ياناس يابشريه

ريــــــــــــــــــــــــرى

خلــــــــــــــــــــــــــــــــــــــــــــــــــــــصت

لولولولولىىىىىىىىىىىىى

بس فى حاجه ((واحد مبوز))

فى مشروع التخرج لسه ادعولىىى

بس بجد نفسى احكى عن كل يوم فى امتحانات
لاء وايه ده شهر بحالوا 10 مواد ((واحد محول )))

وحشتنى اوووووى والله
بجد انا بحبك اووووووى
بمووووووت فيك كده

هههههههههههههههههههههههه
انا قصدى المدونه على فكره ((واحد مطلع لسانوا ))

وانا بقيت بقيت بقيت
بقيتى ايه يابت

بقيت عاطله ((على راى كابتن عمرو ))

بش عايزه حد يشمت فيا ماشى ((واحد بيعيط ))

السبت، 25 أبريل 2009

سنعود بعد الفاصل

انا زعلانه

انا ماهوره

انا بذاكر

انا بمتحن يابشريه

وسنعود بعد الفاصل

الأربعاء، 22 أبريل 2009

!!!!!!!

الثلاثاء، 21 أبريل 2009

كل سنه وانتى يافسيخه ريحتك هله ومغطايا علينا

ايوه ايوه الفوق ديه صوره فسيخ ورنجه
نفسى اعرف مين العبقرى الا المفروض يحصل على جائزه الا سماه فسيخ
الاكله ديه ياجماعه عايزه استعداد تام
اولها طبق مليان اش فسيخ واش رنجه وبموت انا فى البطاريخ بالذات الناعمه اه والنعمه
وتربيعه بقى على الارض كده وتشميره كمام
ومنعا للاحراج بقى محدش يبقى معاك
ودووس يامعلم
انا اهوا ولو قدرت حتى تتنفس بعدها
بس اهى اكله والشعب كلوا اتعود عليه
مع انى فى ناس بتاكلها بش فى يوم معين يعنى
بس اليوم ده الناس كلها بتاكل فسيخ ورنجه
كنت زمان بفتكر ان الفسيخ ده رخيص اووووى
يمكن عشان كده مكنتش بحب اكلوا اصلوا رخيص (((معلش بقى معدتى واخده على الغالى هههههه))
وكنت بقول الشعب كلوا بيعلن فقروا فى اليوم ده ويجيب فسيخ ورنجه
اكتشفت وبعد ابحاث وتتدقيق وودان مرميه عشان اسمع السعر من الراجل الفسخانى
اكتشفت ان الفسيخ اغلى من اللحمه ذات نفسها
ومن بعدها بدءءت اكلوا هههههههههه ماهو طلع غالى بقى :p
بس فى سؤال محيرنى هو ليه غالى
يمكن عشان منتن سورى يعنى على كلمه بس هو فعلا بيسبوا لحد مينتن ويبقى ريحتوا الريحه الجنان ديه
واحلى برفن ياعم وشم عايزين تعرفوا اسموا ايه البرفن ده
اسموا ايسانس اففففففى ((وبخ بقى استحمى بيه تحفه تحفه ههههههههه))
وتلاقى بقى مع الطبق المشكل ده
بصل لاء وبش اى بصل البصل الكبير ده الا بيفكرنى بحاجه كده مفيش داعى لذكر اسمها بقى
واشطى يامعلم وكل وبالهنا والشفا
المهم يعنى لاداعى للرغى انا بس حبيت ااقولكم حاجه
كل عيد ربيع يارب وانتوا بخير
وياجماعه اسموا عيد ربيع عيد ربيع احفظوها بقى
وعلى فكره انا من عاشق الحاجات ديه
بالذات البطاريخ الناعمه هههههههههه
وكل سنه وانتى يافسيخه طيبه
كل سنه وانتى يافسيخه ريحتك هله ومغطاياعلينا

اى خدمه قلبت الكلام اخضر عشان نحس بعيد الربيع

الأحد، 8 مارس 2009

بتعندى معايا طيب !! انا مخصماكى بقى:p

ليه دنيا واخدها عند معايا تجيبنى ليمين شويه وترجعى ترمينى شمال

وانا ساكته وبتفرج اشوف اخرتها ايه

كتير بتبقى مع الناس عليا ولما الومك تقوليلى هو ده نصيبك من الدنيا

انا بش عايزه حاجه منك يادنيا غير انك ترضى قلبى وترحمى عنيا من دموعى

ساعات بضحك وببقى بش عارفه انا بضحك على ايه على همومى الا بقت جوايا

ولا بضحك على زمانى الا خانى ولا على دنياتى الا بتعاندنى

وساعات بسرح وبروح لبعيد اوووى وارجع تانى افكر انا كنت سرحانه فى ايه مبلاقيش اى اجابه

وساعات احط ايدى على وشى الالقى دموع نازله من عنيا معرفش بيبقى سبابها ايه

وساعات بحس ان انا مجنونه بش عارفه افرق بيبن الحقيقه والخيال

&&&&&

ليه يادنيا بس انا عمتلك ايه كتير كنت بقعد اطبطب عليكى واصلحك واقولك بش تزعلى منى كنتى برضو بتعندى معايا

صلحينى بقى يادنياتى واوعدك انى انا هبقى تحت جناحك وهرضى بكل نصيب مكتوب عليا بس صلحينى وبش تعندينى

&&&&&

ليه يادنيا لما بقولك انا بحب حد تبعديه عنى ولما ااقولك بش بحب تقربيه منى

شوفتى بقى يادنياتى انتى بتعندينى ازاى

************

انا بش هحكيلك على اسرارى تانى عشان بش تعندى قلبى

انا مخصماكى يادنياتى وبش هصلحك الا لما تبطلى عند معايا

الأحد، 1 مارس 2009

ده اخره الا يبقى فى سنه رابعه

لسه بااااااااااااااااااااااااااادرى

الله ؟ ايه ده ؟هو البحث بيكبر كده ليه؟

ايه ؟امتى؟ اول خمسة ؟ازااااااااااااااااااااااااااااااااااااااااااااااااى ؟

الوقت بش مقضى ،بش كفاية، حراااااااام

فين عُلا ؟ فين اللى هيسهر الليالى؟.لازم اخلص النهاردة ..............خخخخخخ فسسسس

البحث ده صعب قوى ،اعمل ايه ...اعمل ايه ؟

لاااااااااااااااااااااااااااااااااااااااااا ....كل اللى اتكتب راااااااااااااااااااااح

انا هموت نفسى .....،الله يخرب بيت اللى كان السبب ....بش عاملة حاجة تانى بش مقدمة البحث خالص

انا هكسرك ،هولع فيك ،انت كمبيوتر تستاهل الحرق ،انا لازم ادمرك زى ما دمرت مستقبلى

الامر لله ،خلينا نخلص ،ال يعنى حد هيقرا حاجة

واخيراااااااااااااااااااااااااااااااااااااااا

وده مجرد اعتذار للمدونه بتاعتى عشان بجد انا مشغوله لشوشتى عشان مشروع التخرج ادعولى ياجماعه

نيهاااااااااااااااااااااااااا ياهااااااااااااااااااااااااااا نفوخى ضرب

الثلاثاء، 17 فبراير 2009

نفــــــــــــــــــس أصــــــــــــــــــرخ بكـــــل مافيــــــــــا

بس ...... !!!؟؟؟

الاثنين، 16 فبراير 2009

عصفوره فتانه أأأوووى

ياعصفور ياطاير متحدفش على بلكولتنا عشان انت فتان اوووووى

!!!!!!

ايه حكايه العصفور بقى ياريرى ؟؟!!!

هقولكم انا

امبارح وانا بنشر الغسيل

(((معلش بقى مانا بقيت ست بيت ايه شطوره اوووى حد فرده الشوراب وقعت منى ولحد الان بش لاقيها شوفتوا بقى انا شطوره ازاى ))

المهم وانا بنشر الغسيل لقيت عصفوره جت واقفت على حبل الغسيل بتاعنا شكلها بش غريب عليا اقعد ابصلها اوووى لحد ماافتكرت

افتكرت لما كان عندى خمس , سته سنين كده لما كنت صغيره

لما ماما كانت بتروح الشغل وتسبنى انا والبت اختى فى البيت لوحدنا كانت لما ترجع من الشغل تقولنا انتوا عملتوا كذا

كنت انا والبت اختى بنستغرب اوووى ومامتى عرفت منين

لاء واييه كانا بندألج زى الجردل المخروم انا والبت اختى ونقولها على كل الا حصل بمجرد بس لما تقول كلمه واحده بس صح

وكنت بسالها انتى عرفتى منين يامامتى كانت بتقولنا من العصفوره

عصفوره عصفوره ايه يامامتى

عصفوره كل يوم بتيجى تقف على شباك الشغل عندى باكلها وتيجى تحكيلى على الا انتوا بتعملوا وانا بش فى البيت

كنا تانى يوم ندخل البلكونه انا والبت اختى نلاقى فعلا العصفوره واقفه على الحبل وده الا كان مخلينا مصدقين فعلا ان العصفوره بتروح تقول لماما

والمشكله بقى ان كنت العصفوره كل يوم بتيجى واول ماتيجى اروح اجيب العصايا من جمب التليفزيون اقعد اديها درس فى الاخلاق عشان بش تروح تقول لماما حاجه هههههههههه

ال يعنى العصفوره بتفهم ال والا بقى لو صوصوت كنت ازعقلها وااقولها وانتى ليكى عين تصوصوى كمان يالا بره حبلنا

كنت صغيره بقى وكنت فاكره ان هيا هيا العصفوره الا كل يوم بتيجى عند بلكوتنا ولما اروح الحضانه كنت بلاقيها

لما كبرت بقى عرفت ان تقريبا ان العصافير كلها او اكترها شكل بعض

بس كنت بكرها اووى العصفوره ديه عشان فتانه

بس هيا ديه الحكايه

المشكله بقى

ان انا بش لاقيه فعلا فرده الشوراب محدش يعرف هيا راحت فين !!!!!!؟؟؟؟

السبت، 14 فبراير 2009

هابى فلانتين داى بالبصل

كل عيد حب يارب والناس كلها ملفلفين مع بعض((بصله كبيره حمره))

بجد يوم جميل اووى لما تلاقى ناس بتتصل بيك وتقولك كل سنه وانت طيب عشان الحب

عشان بيحبوك بجد

زمان وانا فى ثانوى بش زمان اوووى انا لسه صغيره برضو

مكنتش حافظه تاريخ يوم الحب بس كنت بعرفوا عشان مدرستى كانت عند النيل فكنت امشى وانا واصحابى الاقى

بنات وشباب وناس كبار كمان ماشين على النيل هناك وماسكين هدايا وكل حاجه حمره مع انى انا ببقى بش عامله زيهم بس ببقى فرحانه

بش عشان عيد الحب لاء عشان بمشى انا واصحابى نغلس على الملفلفين مع بعض ونقعد نعاكسهم

بجد كان بيبقى يوم جميل

تمشى تلاقى كل الدنيا مدهونه احمر

المهم النهارده بقى 14\2 عيد الحب اول عيد حب فى المدونه بتاعتى ((واحد بيطلع لسانوا )) فعشان كده قولت احتفل بيه

بس احتفال خاص

بدل القلب الاحمر هخليه بصل احمر

وده عشان انا بقيت ست بيت وبقعد طول اليوم بين الحلل والبصل والتوم وطش الملوخيه

هبقى احكلكم الحكايه ديه بعدين بقى

المهم ان احنا فى عيد الحب ملوخيه ايه الا انا بكلم فيها ديه

انا جيت النهارده عشان ااقول

كل عيد حب يارب وانتوا بتحبوا بعض الناس كلها

وانا كمان كل سنه وانتى فى حب ياريرى

وكل عيد حب وريرى بتقشر البصل

********

********

تحديثات

فى حاجه بقى خضتنى مووووووووت

العداد الا تحت دخلت امبارح لقيتوا بيعد من الاول كنت هموت بالسكته القلبيه

بس الحمد الله رجع تانى زى الفل

وكمان انا مبسوطه عشان حاجتين

اولهم انا الكميه ديه دخلت المدونه بتاعتى

ان المدونه بتاعتى اتشهرت على جوجل

الأحد، 8 فبراير 2009

مفيش كلام

بش عارفه ااقول ايه بس بعتذر عشان الغيبه ديه كلها ويارب بش تتطول اكتر من كده

بس هما حبه ظروف وباذن الله الدنيا تتعدل

بس ادعولى يارايت ان كل حاجه تعدى على خير وانا لما ارجع اكيد هحكى عشان انا بجد نفسى احكى واتكلم مع اى حد

___________________

يارب امى يارب امى تقوم ليا بسلامه وارجع تانى انام فى حضنها

يارب خد عمرى كلوا لامى انا بش عايزه اى حاجه من الدنيا خالص غير حضن امى

@@@@@

((انا قافله التعليقات هنا

لكن فى الباقى التعليقات شغاله عادى))

الثلاثاء، 20 يناير 2009

الحكايه حكايه ديل حصان

مساءءءء الخيررررررر ((واحد بيشد اوووى))

ازيكم عاملين اكيد كويسين

الحكايه حكايه ديل حصان حصان ها بش حمار((واحد بيطلع لسانوا))

النهارده طقت فى دماغى اعمل زى ماكنت صغيره ديل حصان رواحت رايحه لماما

ماما اعمليلى ديل حصان

ماما عملتلى ديل حصان

وراحت بصيت على ديل الحصان فى المرايا لقيتوا متغير

ده بش زى بتاع ديل الحصان وانا صغير

ايه الا اتغير ياترى الا اتغير الديل ولا الحصان هو الا اتغير

فضلت بصه فى المرايا على ديل الحصان وشويه شويه هدخل جوا المرايا عشان اعرف ايه الفرق

بس يظهر كده ان الحصان هو الا اتغير

لكن الديل هو هو ده انا واختى واحنا صغيرين كنا بنعرف بعض بيها واحنا فى المدرسه

كان بيبقى لى شكل معين ديل ديل بجد

بس دلوقتى ايه الا اتغير الديل اهوا زى ماهو

لكن الحصان متغير شويتين يمكن يكون كبر ممكن

ممكن يكون بقى حمار لا لا حمار ايه بس ياشيخه

ده انا اهوا حصان ايه اده بس انا اهوا وشى هو هو والديل هو هو

لاء بس فى حاجه اتغيررت

تفتكروا انتوا ايه الا اتغير!!!!؟؟

ادى ديل الحصان بتاعى

((هو بش بتاعى بتاعى يعنى بس عايزه اعرفكم ان ديل الحصان ده بش ديل بتاع حصان لاء ده ديل بتاع شعرى انا))

________________________________________________

فى حاجه كمان فى خبر بقالوا كتير وكان مزعلنى جداااا

عم نعمان

عم نعمان ده كان بيقعد على باب المعهد رجل طيب جدااا هو الا كان على طول بيرد عليا وانا داخله وبقولوا سلام عليكم

فى يوم دخلت بش لاقيتوا لقيت ورقه مكتوب فيها ان عم نعمان انتقل الا رحمه الله

مـــــــــــــــــــــات

زعلت اوووى وافتكرت موقف كان حصل قبل مايموت بكام يوم وانا واقفه بالوا على جدوال واقعد يهزر معايا

ربنا يرحمك ياعم نعمان

____________________________________________

فى حاجه بقى مفرحنى ومخلينى عندى امل ووفاء وكل حاجه

انا جالى شغل ياجماعه او عمتا لقيت الا هيشغلنى بعد ماااخلص السنه ديه باءذن الله

بجد فرحت اوووى والا فرحنى اكتر ان لقيت فى ناس بتتطلب من المعاهد الكمبيوتر وبتفضلهم عن كليات ملهاش علاقه بالكمبيوتر

وحسيت ان ربنا فعلا بش بيعمل حاجه وحشه

بس قولوا يارب معايا اخلص عشان اشتغل

________________________________________________

وفى حاجه كمان انا بقى عندى للامبالاه لاى حاجه بش عارفه من ايه

بس يمكن عشان خلاص اتعود على كل الا بيحصل بش عارفه

بس تقريبا كده احسن

__________________________________________

وبس كده

بس على فكره انا برضو لسه مصممه ان ديل الحصان غير ديل الحصان بتاع زمان

((واحد بيطلع لسانوا))

الخميس، 8 يناير 2009

اهو كلام وخلاص

ساعات بيبقي ف فى حياتك حب بيذلك

وفى حب بيعززك

حب بيتطلب منك علطول انك تتنازل عشان بتحبهم

وهم بش واخدين بالهم او مطنشين شوية او عاملين نفسهم بيحبوك بس مفيش ادنى حقوق من حبهم ده ليك

ولما يلاقوا الواحد بيحبهم اوى بش بيهتموا بشكل العلاقة اوى ولا العلاقة ازاى تمشي كدة
ولا بيهتموا بمشاعرك ولا احساسك

خلاص بقي ضمنوا انك في ايديهم وبتحبهم

ومهما عملوا فيك بش مشكلة

ما انت بتحبهم مهما حصل

بس هم ميعرفوش

ان جـه اليوم اللى انت فاض بيك خلاص

انت قدرك كبير اوى وكنت مرخص نفسك معاهم

هم طلعوا بش عارفين قيمتك

لازم ييجي وقت وتفوقهم وتعرفهم قيمتك

لانك اذا فضلت تحبهم علطول من غير مقابل منهم

يبقي عبط منك معلش

((زى واحده كده انا اعرفها

))

اللى تنطبق عليه الحالة اللى بتكلم عنها ميزعلش منى لما اقوله انت عبيط

محدش يقعد يحب حد وبيعطيله كل حاجة والتانى بش بيعطي اى حاجة
ايوة انت بش منتظر حاجة

بس ده حتى السؤال عن احوالك بقي صعب عليهم

محدش يبقي بيحب حد ومسخرله وقته وتفكيره وحبه وقلبه والتانى اصلا بش على باله

محدش يبقي بيحب حد ومخلى حد كل حاجة فى دنيته وفى نفس الوقت لا يمثل هامش حياة الشخص التانى

محدش يبقي مهتم بكل مشاعر واحاسيس التانى عاملة ازاى فى كل وقت وفى كل موقف والتانى بش عارف انت عامل ايه ولا حاسس بايه دلوقتى اصلا

انا بش بتكلم عن علاقة بين رجل وبنت

انا بتكلم عن الصداقة

بجد كان لازم اقول الكلمتين دول

عشان فى ناس كتير محتاجهم وانا اولهم

من دلوقتى لازم نحط حد لحبنا اللى ملوش حدود

ونشوف هو رايح ازاى ولمين ؟

ياريت يبقي رايح لحد يستحق علشان ماتتجرحش بعد كدة لما يقولك" انا اسف بش فاضيلك دلوقتى"ا

وياريت تروح لحد بيحبك حب يعطيك قدرك كويس

بش حب بيـذلّك

ازيكـــــــــــــــم بجـــــــــــا

هونا كل الكلام وباحلامى طالعه من قلبى ممكن بش تفهمنى ايه المقصود منها وتقرا وتقول ايه البت دى ولا بتعرف تكتب وانا بش قاصده هنا ان انا اكتب كلام كبير عن اللى فى قلبى هونا مجرد ورقه وقلم بطلع فيهم كل اللى جوايا فى وسط زحمه من الناس ولا هما يعرفونى ولا انا اعرفهم المهم ان انا وقت مااحب اتكلم بلاقى مكان ارغى فيه من غير ماحد يقولى بس انتى رغايه اوى ^_^

صاحبه الحلـــــــــــم

إمرأة بقلب منحوت لم أنسى ولم اتناسى فكل من مرووا على هذا القلب ... فنان في النحت خناجر ليست مرصعه بالاحجار ليست قاطعه حاده ليست مرئيه بل خناجر بارده ملتويه طاعنه بالاظهر صائبه للقلب نازفة للدمع الدموي فلكل منهم خنجره الخداع الكذب الخيانه الانانيه الطمع فلكل منهم فنه في دفن معاني الحب والعاطفه وليتنافسوا على اخفاء ملامح ومعالم هذا القلب وبالفعل نجحوا الجميع واصبح قلبي مشوه غير مقبول في مدرسه الحب فهو بلا منهج او معلم ولا يملك سوا تخاريف وأدخنه واحرف لاتعرف سوا الوهم منقوطه بالدماء فهذا القلب اشبه بيت في غابه وحيد يمر عليه كل من ضلوا الطريق ولا يحتاجوا لمفتاحه بل يطرقوا الباب فقط فيجدوا السذاجه والطيبه والبراءه في انتظارهم بالترحاب والان اصبح هذا البيت اقصد القلب منحوت ولا يعلم كم هو الان عمره

قلت أبص ف المرايا يمكن أكون إحلويت فضلت داير أبص مخلتش ولا مرايا ف البيت في الحمام ف الأودة ف دولاب أو متعلقة ع الحيط شوفت سكت شويه وبعدين إتخضيت معقول أنا قضيت العمر ده كله وزي ما روحت زي ما جيت معقول أنا عمري مافكرت ولا إتغيرت ولا حبيت وإزاي ساكت علي روحي ده كله وليه إستنيت يا ريتني ما كان عندي مرايا وياريتني ما بصيت

يــــــــــــــــا اللـــــــــــه

ربــــي وحبيبي انت ألهي وانت سندي ... جلست يا ربى ليلاً واردت الحديث معك ولكنى لا اعرف من اي ذنب ابدأ ولا منذ متى فوجدت روحى تشكى اليك ولا تريد لغيرك بسرها ان تبوح يا رؤوف يا رحيم طَيب ما بى من جروح استسلم فؤادى اليك واشتقت لسجده بين يديك سبحانك ربى يا من سقطت دموعى امامه وآبت ان تنزل امام البشر وسالت امامك يا رب البشر تثاقل الحمل واردت ان اضعه لمن هو حولى فى كل وقت اخذتنى ذنوبى منك فابتعدت وعدت خائفه ان يكون فات الوقت فوجدت بابك مفتوح اِلى ياربى فسقطت امامه اعلن توبتى وظنى الخير فى عفوك فاقبل يارب من اقبل اليك فى هذ الوقت طيب جراحه وامحى همه وحزنه وجمله بدموع على وجنتيه تطهر بها قلبه ونفسه استغفرك ربي استغفرك ربي استغفرك ربي لا اله الا انت سبحانك اني كنت من الظالمين يا حى يا قيوم برحمتك استغيث اصلح لى شانى كله و لا تكلنى الى نفسى طرفه عين! ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا )ا .

يـــا ربـــ

علمتنــي الحيــاة، ان أقول دائمــا يا رب ، لا انتظر شيئ من "أحــد" ، لا أرجو أحــد" ، لا أبكي على الذي فــات ، لا أندم على ما فــات ، ولا الوم الزمــان على شيئ ، فأنــا لــي ✿رب كبير ، يعطيني دون حسـاب ، اذا بكيــت يرضينــي ، اذا فقدت شيئ يعوضنــي ، يــا ✿رب ما لــي سواك ، يــارب

دعاء العبد الخطاء - لـــ: د.مصطفى محمود

إلهي .. إنك ترى نفسي و لا يراها سواك . تراها كالبيت الكبير الذي تصدعت منه الجدران و تهاوت السقوف و انكفأت الموائد . بيتاً مهجوراً يتعاوى فيه الذئاب و يلهو فيه القردة و تغرد العصافير . ساعةً تتلألأ فيه الأنوار و تموج فيه أشعة القمر . و ساعةً أخرى مظلماً مطموساً محطم المصابيح تسرح فيه العناكب . مرةً تحنو عليه يد الربيع فتتفتح الزهور على نوافذه و تصدح البلابل و تغزل الديدان الحرير و تفرز النحلات الطنانة العسل. و مرةً أخرى يأتي عليه الزلزال فلا يكاد يخلف جداراً قائماً لولا ذلك الحبل الممدود الذي ينزل بالنجدة من سماوات رحمتك . حبل لا إله إلا أنت سبحانك . أنت الفاعل سبحانك و أنت مجري الأقدار و الأحكام .. و أنت الذي امتحنت و قويت و أضعفت و سترت و كشفت .. و ما أنا إلا السلب و العدم .. و كل توفيق لي كان منك و كل هداية لي كانت بفضلك و كل نور كان من نورك .. ما أنا إلا العين و المحل و كل ما جرى علي من استحقاقي و كل ما أظهرت فيّ كان بعدلك و رحمتك .. ما كان لي من الأمر شيء . و هل لنا من الأمر شيء !؟ مولاي .. يقولون إن أكبر الخطايا هي خطايا العارفين .. و لكني أسألك يارب أين العارف أو الجاهل الذي استطاع أن يسلم من الفتنة دون رحمة منك .. و أنت الذي سويت نفوسنا و خلقتها و وصفتها بأنها ( لأمارة بالسوء إلا ما رحم ربي ) . و أين من له الحول و القوة بدونك .. و هذا جبريل يقول لنبيك لا حول من معصية إلا بعصمة الله و لا قوة على طاعة الله إلا بتمكين الله . و هل استعصم الذين استعصموا إلا بعصمتك و هل تاب الذين تابوا إلا بتوبتك .. و هل استغفروا إلا بمغفرتك . إلهي .. لقد تنفست أول ما تنفست بك و نطقت بك و سمعت بك و أبصرت بك و مشيت بك و اهتديت بك .. و ضللت عندما خرجت عن أمرك . سألتك يارب بعبوديتي أن ترفع عني غضبك .. فها أنا ذا و قد خلعت عن نفسي كل الدعاوي و تبرأت من كل حوْل و طوْل و لبست الذل في رحاب قدرتك . إنك لن تضيعني و أنا عبدك . لن تضيع عبداً ذل لربوبيتك و خشع لجلالك . و كيف يضيع عبد عند مولىً رحيم فكيف إذا كان هذا المولى هو أرحم الراحمين . ربّ اجذبني إليك بحبلك الممدود لأخرج من ظلمتي إلى نورك و من عدميتي إلى وجودك و من هواني إلى عزتك .. فأنت العزيز حقاً الذي لن تضرك ذنوبي و لن تنفعك حسناتي . إن كل ذنوبنا يارب لن تنقص من ملكك . و كل حسناتنا لن تزيد من سلطانك . فأنت أنت المتعال على كل ما خلقت المستغني عن كل ما صنعت . و أنت القائل : هؤلاء في الجنة و لا أبالي و هؤلاء في النار و لا أبالي . و أنت القائل على لسان نبيك : ( ما يعبأ بكم ربي لولا دعاؤكم ) فها أنا أدعوك فلا أكف عن الدعاء .. فأنا المحتاج.. أنا المشكلة .. و أنا المسألة . أنا العدم و أنت الوجود فلا تضيعني . عاوني يارب على أن اتخطى نفسي إلى نفسي .. أتخطى نفسي الأمارة الطامعة في حيازة الدنيا إلى نفسي الطامعة فيك في جوارك و رحمتك و نورك و وجهك . لقد جربت حيازة كل شيء فما ازددت إلا فقراً و كلما طاوعت رغائبي ازدادت جوعاً و إلحاحاً و تنوعاً . حينما طاوعت شهوتي إلى المال ازددت بالغنى طمعاً و حرصاً و حينما طاوعت شهوتي إلى النساء ازددت بالإشباع عطشاً و تطلعاً إلى التلوين و التغيير .. و كأنما أشرب من ماء مالح فأزداد على الشرب ظمأً على ظمأ . و ما حسبته حرية كان عبودية و خضوعاً للحيوان المختفي تحت جلدي ثم هبوطاً إلى درك الآلية المادية و إلى سجن الضرورات و ظلمة الحشوة الطينية و غلظتها . كنت أسقط و أنا أحسب أني أحلق و أرفرف . و خدعني شيطاني حينما غلف هذه الرغبات بالشعر و زوقها بالخيال الكاذب و زينها بالعطور و زفها في أبهة الكلمات و بخور العواطف ، و لكن صحوة الندم كانت توقظني المرة بعد المرة على اللاشيء و الخواء . إلهي .. لم تعد الدنيا و لا نفسي الطامعة في الدنيا و لا العلوم التي تسخر لي هذه الدنيا و لا الكلمات التي احتال بها على هذه الدنيا .. مرادي و لا بضاعتي . و إنما أنت وحدك مرادي و مقصودي و مطلوبي فعاوني بك عليك و خلصني بك من سواك و أخرجني بنورك من عبوديتي لغيرك فكل طلب لغيرك خسار . أنت أنت وحدك .. و ما أرتضي مشوار هذه الدنيا إلا لدلالة هذا المشوار عليك و ما يبهرني الجمال إلا لصدوره عنك و ما أقصد الخير و لا العدل و الحرية و لا الحق إلا لأنها تجليات و أحكام أسمائك الحسنى يامن تسميت بأنك الحق . و لكن تلك هجرة لا أقدر عليها بدونك و نظرة لا أقوى عليها بغير معونتك .. فعاوني و اشدد أزري .. فحسبي النية و المبادرة فذلك جهد الفقير .. فليس أفقر مني .. و هل بعد العدم فقر .. و قد جئت إلى الدنيا معدماً و أخرج منها معدماً و أجوزها معدماً .. زادي منك و قوتي منك و رؤيتي منك و نوري منك . و اليوم جاءت الهجرة الكبرى التي أعبر فيها بحار الدنيا دون أن أبتل و أخوض نارها دون أن أحترق .. فكيف السبيل إلى ذلك دون يدك مضمومة إلى يدي . و هل يدي إلا من صنع يدك ؟ .. و هل يدي إلا من يدك ؟! و هل هناك إلا يد واحدة ؟ لا إله إلا أنت سبحانك إني كنت من الظالمين . سبحانك لا أرى لي يداً . سبحانك لا أرى سواك . لا إله إلا الله . لا إله إلا الله حقاً و صدقاً . و ذاتك هي واحدة الحسن . الحسن كله منها . و الحب كله لها . و يدك هي واحدة المشيئة . الفعل كله منها و القوة كلها بها و إن تعددت الأيدي في الظاهر و ظن الظانون تعدد المشيئات .. و إن تعدد المحبون و تعددت المحبوبات .. ما يركع الكل إلا على بابك و ما يلثم الكل إلا أعتابك .. مؤمنون و كفرة .. و إن ظن الكافر أنه يلثم ديناراً أو يقبل خداً فإنما هي أيادي رحمتك أو أيادي لعنتك هي ما يلثم و يقبل دون أن يدري . و إنما هي أسماء و أفعال و أوصاف . و المسمى واحد . و الفاعل واحد . و الموصوف واحد . لا إله إلا هو . لا إله إلا الله . الحمد له في الأول و الآخر . رفعت الأقلام و طويت الصحف و انتهت الكلمات