اى بتاع فأى بتاع ....!! مفيش عنوان

كنت فى تقريبا بتتقال
وعكه
مع انى معرفش معناها
بس كنت فى وعكه مزاجيه غليسه اوووى
واللى طلعتنى منها
خبر سمعتوا من اقرب انسانه انا عرفتها فى حياتى كلها
انتمتى ونص فولتى وصاحبتى وكل الحاجات الحلوه

بعيدا عن الخبر
بقى

حاجه حلوه وبش تتوصف كده
لما اتصل بش صاحبتى بقى لاء هيا اكتر من كده بكتيررررررررر اوى
ويرد جوزها عليا ويقولى
البت صحبتك اللى عايشه معايا دى
بتصحى فى الفجر عشان تتدعيلك
بش تتدعي ليا
حاجه اجمل من اى كلمه من ممكن شخص يقولها ليك
مبقتش عارفه ارد ااقولوا ايه
غير ان بقيت بضحك وفرحانه اوى وبجد كمان



بش الظروف هيا اللى بتمنعنا ان احنا نحب اللى قدامنا ونبين الحب ده
لاء
فى ناس مولوده قلبهم كده كلها سواد
ميعرفوش غيرها


بش محتاج 100 دليل عليه
يكفى دليل واحد
بس يبقى موجود وبصدق
بش كلام


انا عهده على نفسى
ان مهما روحت ومهما جيت
ومهما اعجبت
فمحدش هياخد نصيبك من حبى ليك
عشان ده متشال فى ركن البعيد الهادى
لحد ماتتكرم علينا واعرفك بقى
الحب اللى شيلهولك
غير اى حب انا بحبه او حبيتوا او هحبوا
لحد غيرك


لما اقول كلامى وابقى على حق
بش بخاف ولا بتردد
عشان انا على حق
لو انا بش على حق جابلى دليل


احساس تقيل كده على القلب
لما حد يبقى مضيق وزعلان وانت عامل تتصل هنا وتروح هنا عشانوا
واول مانت تتضيق بس
بش يديلك حق انك تقول انك مضيق بس
ويقولك وتتتضيق ليه وايه اللى يضيقك
انتوا مالكمممممممممم
انا مضيقه
انا حره
او كنت يعنى مضيقه
ولما تقول انا اهو معاكم بس محدش يسال مالى ولا ايه اللى مضيقنى
تبص تلاقى ردهم
ماتتضيقى ولا تبوزى واحنا مالنا
المهم بش اعكرلهم مزاجهم



انا ممكن حاجه صغنونه جداااا بش انساها
وممكن حاجه كبيره تعدى عليا وانساه
بس المشكله فى الحاجه الصغنونه دى
مين هيعدلها خلاص بقت فى الذاكره الدايمه



تأتى الرياح بما لا تشتهى السفن


بقيت بخاف من اى حد بيهتم بـ ريرى
عشان عايزه مليون حاجه تخلينى اثق ان الاهتمام ده بجد
بش هيروح مع الايام


انا اخد حقى
ممكن يكون بااقل الطرق
بس اخدوا


ممكن تعملوا لو حاجه صغيره جداااااااااااااااااا
عشان تكبروا فى نظرى


طريق السلامه
لكل اللى فاكرنى هتعب نفسى والاحقهم فى كل مكان
انا فعلا اتغيرت


انا انسانه
مزاجيه
اعمل ايه يعنى ؟؟؟؟؟؟
انا كده بش بايدى


الزمن دوار

انا بش بأذى حد
ولا بالكلام ولا بافعال
ويوم مابغلط بعتذر
يبقى الواجب ان اى حد يغلط او يجى عليا يعتذر


ورده فل صغيره
دوم
حرنكش
واغنيه جدو ياجدو
ولبن نيدو
وحواديت ابله فضليه
وربات البيوت
واقلب دماغها بحودايتى
وسوره يس ومصحف كبير وصوتها فى ودانى لحد دلوقتى بتقراها
وتنطيط واطلع على رجلوا وهو بيغنى
ومسرحيه شارع محمد على وانا ماسكه القلم وعامله ارسم الشارع
ويوم الجمعه وصوت ماتش الاهلى وهو قاعد بيتخانق عشان جون راح منهم واكله كشرى
ستو وجدو ربنا يررحمهم يارب
كلوا بقى فى زمان

فتكم بالعافيه

هجيب حقك :(

قسما بربى لاهجيب حقك
كلوا كوم ان حد يغلط فى اغلى شىء عندى كوم تانى
تنتقدنى فأى حاجه فيا انا شخصيا بش مشكله
لكن تنتقدنى وتقلل من حلم ليا
لااءءءءء
بش اسمحلك

انا بش محروق دمى على المشوار ولا الشغل اللى ضاع زى مالكل فاكر
انا محروق دمى
ان فى انسان سمح لنفسوا ان يقلل من حاجه انا بحبها
وبش اى حاجه عندى
دى تقريبا كل حاجه عندى
انا لو بحب انسان بش هحبوا اد الحاجه دى
منك لله
منك لله عشان خلتنى ادعى عليك
منك لله عشان سمحت لنفسك تتعدى حلمى
منك لله عشان اول مره ارجع من مكان بش طايقه اشوف ناس تانى
منك لله عشان ممكن حاجه تكون بش مفهومه بنسبالك ولا عارف هيا غلاوتها اى عندى خلتنى ادعى عليك


انا عارفه ان مفيش حد فاهم ولا لو قولت حد هيفهم ولو حد فاهم
هيقولوا ايه البت دى كل ده عشان حاجه ممكن تكون هايفه بالنسبه لحد تانى


بش من حق برضو اى حد تانى
يستهيف زعلى على حاجه زى دى
عشان محدش داخل جوا منى وعارف حاجه
يبقى السكوت احتراما ليكوا افضل

______________

وبش هجيب حقى من الشخص ده بس
لاء
هجيب حقى من كل حاجه
من الدنياا ومن الناس
حتى من نفسى
بش هسكت
بش بطبطب انا على اللى يدوس على حق من حقوقى
ولو كنت فى الاول بطبطب وبسكت
دلوقتى لاء
يظهر ان الكل بيدوس ومحدش بقى شايف حد قداموا

___________

الكل بيبان هفضل اخبى وادارى على ايه
وليه
مالناس بتفضل زى ماهيا مفيش حاجه بتتغير

__________

البعد والهدوء والسكوت
بقت رحمه ليا
لان ولا عارفه اتعامل ولا قادره استوعب الناس دى بتتعامل كده ليه

__________

يجرحوا فيك ويقللوا منك
دى شىء طبيعى بقى وعادى
لكن تيجى تحاول تعرفهم ان الكلام بيأذى
يقولوا
بترمى دبش
لحد ماخلونى احس ان انا فعلا بغلط
يقتلوا القتيل ويمشوا فى جنازته

_______

انا خلاص
كرهت كل حاجه
منهم لله كلهم
االلى خلونى وصلت لكده

___________

كفايه كده
الكلام ملهوش اى علاقه ببعضوا
بس
فتكم بالعافيه

هــــع

ولا عارفه اى حاجه
ولا بقيت فاهمه اى حاجه
ههههههههه
لاء وايييييييييييييييه
بقيت بطنش
ابقى فى نصيبه
واطنش
ابقى عامله زى الاطرش فى الزفه
واطنش برضو
اعمل كل نصيبه ونصيبه
واطنش

ميكونش عملت عقد تنازل عنى للتنطيش
لاء وايييييييييه
بقيت فى مولد وصاحبه غايب
بش فاكره انا كنت جايا اقول ايه :p
يالا
فتكم بالعافيه

يا سنجل ياسنجل :D

ال relationship له ناسه

وال engaged له ناس تانية

وال married له ناس تانية خالص

وال single اللهم لا اعتراض

:D :D

ايه اللى حصل فى الدنيا بس
ونبى ماعارفه
الكل ملفلف كده
والكل بقى يحب مره واحده
وانا بتفررررررررررررررررررررج
:(
زى بكره من كام سنه كانت بمشى من جنب جامعه عين شمس
كنت كل ماعينى تقع على حاجه الاقيها حمررررا
كنت بعرف على طول ان النهارده
يوم اللى مايتسمى الحب
وبرضو زى بكره من كام سنين قبل كام سنه دول كنت بمشى عند الكوبرى الخشب ويقال عنوا الفرنساوى
كنت بلاقى كل البناتيت خارجين من الدرسه وواقفين عند المشتال اللى هناك بشنط كبيره
حمرررررا
كنت بعرف على طول ان النهارده
يوم اللى مايتسمى الحب
وبعد مااقعد فى بتنا ومبقتش انزل واروح
بقى اول ماحد من اصحابى يتصل بيا ويقولى انتى فين واقولهم فى البيت طب انا جايه
ابص فى التاريخ
اعرف انهم جايين يشيلوا الهدايا عندى
واعرف ان النهارده
يوم اللى مايتسمى الحب

.....................
وااااااااااااه واةةةةةةةةةة
مفيش مره اعرف ان
اليوم اللى مايتسمى الحب النهارده
من نفسى
:(

.............

بتمنى حياتى انا اللى هعملها بايدى انا واكيد اللى ربنا هيبعتهلى
تبقى كلها بمبى وابيض كمان
عمرها مايغطى عليها لون غامق يضيع الحب

باذن الله
___________________

فى اخر سطر
ممكن يكون اليوم اللى مايتسمى الحب
يبقى حرام او حلال
الله اعلم
بس فيها ايه
لما اى اتنين مجوزيين يبقى طول السنه مشغولين بمشاغل الدنيا وبحياتهم
يخصوا يوم زى ده ويقلبوا الدنيا من حوليهم بش لازم احمر اى لون يدعو للتفاؤل والحب
ويفتكروا اول يوم واقفوا قدام الناس وماسكين ايد بعض انكجا
يفتكروا يوم ماهو نطق وقالى جوزنى بنتك
ايه الغلط فى كده
حتى لو مخطوبين
ايه الغلط لما فى يوم زى ده كل واحد منهم يتفق مع التانى انوا هيفضل يحبه ويصونوا ويحافظ عليه
وبعيدا عن اى احباب
ايه الغلط لما
نكون انا وانتمتى اللى هيا صاحبتى من زمان اوووى
اقولها انا عمرى ماقبلت صاحبه زيك ولا هقابل
ايه الغلط لما
اروح لماما واشكرها واقولها انا بحبك مووووووووووووت يااغلى حاجه عندى فى الدنيا
ايه الغلط لما
اقف قدام المرايا وابصلها بقرف كده هههههههه واقولها انا بحبك ياانا
ايه الغلط لما
اقف قدام ربنا واقولوا انا بحبك اوووى ياربنا

ممكن يكون الغلط ان احنا حددنا اليوم
عشان الحب موجود فى كل الوقت
بس ممكن مشاغل الدنيا والهموم تبعدك حبه عن الناس دى
تخيل لما تكون بتحب حد اوووى وبقالكم فتره بش اتكلمتوا
وجيت فى يوم اتصلت بيه
وقوتلوا انا بحبك
فيها ايه
!!


ويارب الكل يبقى ملفلف بيحب يعنى
بش مهم مين
المهم ان يبقى جوانا الحب


فتكم بالعافيه
وانا دهانه الكلام كلوا احمر اهو اهو نعمل اى حاجه :( :D

;;)

مفيش كلام معين فى دماغى عايزه اقولوا بس فى حبه حاجات او حبتين كنت عايزه اقول عليهم
اول حاجه موضوع الاضراب والعصيان
انا عن نفسى من غير اى حاجه عامله اضراب
وبش بمزاجى
وتقريبا نص شعب مصر عاملين اضراب
عشان قاعدين فى البيوت
مفيش شغل مفيش حياه
المهم دى بش حكايتنا عشان عرفنها وحفظنها كمان
بس انا عن نفسى برضو عشان مينفعش اكلم على لسان حد عشان انا بش املك غير لسانى انا
بش فاهمه يعنى ايه عصيان اوى
عشان كده بش هفتى فيه
بس كل اللى جاى فى دماغى
ان مصر هتقف
زى بالضبط العربيه اللى بتعطل لما تقف

فى الشعب ده فى طبقات
فى طبقه غنيا اوووى
وفى طبقه متوسطه الحال
وفى طبقه معدومه الحال خالص
الطبقه الغنيه دى بيقدروا يعيشوا حياتهم زى ماهما عايزين
الطبقه المتوسطه بتطلب من ربنا ان يومها يعدى على خير عشان تعرف تعيش
الطبقه المعدومه بقى هيا اللى كل اللى رايح والجاى يدوس عليها
فى ناس من دول هيضروا بسبب العصيان عشان حياتهم بتبقى باليوم
لو اليوم عدى من غير شغل
هيبقى كده ولا شغل ولا اكل ولا حياه بشكل ده
انا ممكن يكون تفكيرى للحاجه القريبه بش البعيده
بس بتخيل ان الراجل ده نزل من بيته عشان يلقط رزقه لاقى الكل عامل عصيان
ومعلش بقى العصيان كده بش هيبقى على حد مرتاح عايش نايم صاحى
العصيان هيبقى على الراجل الغلبان اللى نازل كل اكله عيشوا من الشارع ومن الناس اللى هتعمل عصيان
ويرجع الراجل ده لبيته واسرته بش يبقى معه الفلوس اللى هيجيب بيها اكل اليوم ده على ااقل
ممكن اكون بش فاهمه اووى بس انا بكلم على حاجه بعيده عن السياسه والاضراب
وفى نفس الوقت عما اعتقد
ان الشعب كله
فى اضراب وعصيان
طول الوقت
_____________

اللى بيخاف على بلد كان صلح حالها من الاول
مكنش استنى عصيان
او بمعنى اصح يتمسك من ايدوا اللى بتوجعوا
مع انى معتقدتش انها بتوجعه
ووقتها هيقول
اخبطوا راسكم فى الحيط
يارب يكون كلامى مفهوم او واصل زى مانا عايزه اقول

______________

فى حاجه كمان
الناس اللى شغاله تحرم وتحلل حاجات على مزاجها
انتوا مين
عشان تقولوا ده
حرام ولا حلال
ربنا رب قلوب

_____________

فى حاجه تالته كمان معلش
شهيد ولا بش شهيد
ربنا الوحيد اللى اعلم
وربنا برضو هو اللى بيحاسب
وربنا برضو اللى عارف كل انسان كان فى قلبه ايه قبل مايموت
ويااما شهيد او بش شهيد
دى حاجه
بتاعت ربنا بس
بش احنا اللى هنقول ده شهيد وده بش شهيد
احنا مين !!!!!!!

______________

لدرجتى الكرسى والحكم ممكن تعمل الناس
وعشان الحكم اظلم وافترى على مخاليق ربنا
عشان انسان
طب الانسان ده عمل ايه
عشان نموت فى بنادمين عشانوا
انا لما بفتح التلفيزيون واشوف المجازر اللى بتحصل
وناس عامله تموت فى ناس
بستغرب اوووى
مين اللى ادى الحق للشخص ده ان يموت روح
والاغرب من كده
ان فى ناس بتبقى عارفه وبتشارك وساكته
يعنى لو ضمير واحد ميت فين بقيت الضمائر اللى شغالين معه وشايفين
لو واحد بيمسك اى حاجه يموت بيها الباقى فين
الكل بقوا شخص واحد معندهوش ضمير ولا قلب
عنيهم دى لما بتشوف ام قلبها محروق ولا حد غلبان بيقول حسبى الله ونعمه الوكيل
بينام ازاى اللى بيموت وبيقتل ده
بش خايف ميطلعش عليه نهار

______________

اخر حاجه
انا بجد مبقتش عارفه مين الصح ومين الغلط
بقيت زى الاطرش فى الزفه
مفيش نور مفيش ميه مفيش تليفون مفيش خضرى مفيش فرن مفيش مواصلات مفيش مستشفى مفيش صيدليه مفيش مدارس مفيش مفيش مفيش
طب لو حد مات ياترى هيبقى التوربجى فى عصيان هو كمان
طب لو حد عيان وهيموت خلاص هيبقى فى دكتور ولا حتى عربيه الاسعاف موجوده ولا فى عصيان
يارايت افهم
:::::::::

{ ارحموا مافى الارض يرحمكم ما فى السماء }

فتكم بالعافيه

نصين .وتلت تربع

نصين انا بقيت نصين
والتلت تربع بقى
بقى ضايع
كده ناقص تلت تربع كمان
ده بقى بقى بح
زى البرتقانه كده اللى متقطعه ااربع تربع
يبقى كده 1+2=4
ههههههههههههه
ولا فاهمه حاجه


__________

احلى حاجه لما تبقى عامل نفسك فاهم وانت بش فاهم
زى اللعبه بالضبط اللى بسهر قدامها بالساعات
بش فاهمه اى حاجه فيها
بس بلعبها وببقى مندمجه جدااااا فيها
بس انا بش فاهمه
بس بلعبها

_________

اكمل ولا ارجع
بقيت فى نص طريق مسدود من ناحيتين
وانا ونصيبى وحظى بقى
يااما اتخبط فى حيطه
يااما اكيد اتخبط فى حيطه
ههههههههههه

___________

نفسى اشغل اغانى كلها طبل وبصوت عااااااااالى
واقعد اصقف واتنطط

___________

وحشنى اوووى طريق المعهد بتاعى

_________

اكل البطاطا متعه بجد وبالذات وهيا مولعه كده
ومحروقه

_______

ههههههههههههههههههههه بقيت بش فاهمه دماغى ده ان كنت فاهمتها اصلا

_________

ليا ناس بعزهم اوووى من كتر مانا بعزهم عايزه افرضهم على اى حد جوه حياتى
عشان انا بعزهم

_________

نفسى يبقى بايدى اسعد اى حد انا بحبه

_________

الدعوه اللى بقيت بسمعها كتير وشكلها هترشق بجد
ربنا يبعتلك واحد بارد يطلع عينك
(اتنين حواجبينى طالعين لفوق ))

_________

نفسى اخرج بره نفسى حبتين

___________

كلى بقيت بش انا او يمكن دى انا وانا مكنتش اعرف
بس على اى حال

فتكم بالعافيه

تخاريف اخر الليل..:d

يالف مسا على الناس الكويسه
لاول مره هسيب خيالى يسرح واسرح معه بس ربنا يستر بقى
انا قولت انا نفسى فى حاجات كتير وكلهم كانوا اغرب من بعض
واغرب مافيهم
لما قولت انا نفسى ابقى ولد
لقيت ناس كتير مستغربه واتقالى كلام كتير
بس ده انا قولت نفسى
ااقول لنفسى بش تقولى نفسك فى ايه يعنى
وانا طول عمرى متعوده ان انا بش بخلى نفسى فى حاجه
حتى لو عن طريق الكلام بس بتتقال وبش بتتحقق
المهم اقول انا نفسى فايه
بش مهم غريبه مجنونه حاجه مهيسه
بس دى نفسى اللى نفسها
وفكل مره بقول انا نفسى فايه
بكون فعلا نفسى فى كده
وبحلم اكون كده
هو بش المكان هنا اسمه
حلم ريرى
يبقى احلم واتمنى حتى لو صعب التحقيق

ناخد خط بقى واقول المره دى نفسى فايه
_________________

نفسى أحب
اه نفسى احب
يمكن انا قبلت ناس فى حياتى
فى منهم اللى احترمته اووى
وفى منهم اللى اعجبت بحاجه فى شخصيته
بس انا نفسى
أحــــــــــــــــــــــــــــــــــــــب
ياناس يابشر
من حقى احب
بس احب مين
وهما كلهم بش دول

نفسى الاقى انسان من اول نظره
اقول بس هو ده
هيكون ظهرى وسندى فى الحياه
اللى حبنا احنا الاتنين هيبقى اد بعض
اللى هيقدر حبى وانا ااقدر حبه
اللى هيشيل عنى كل الهموم ويتحمل مسؤوليتى
وامشى وراه وانا مغمضه عينى
عشان مطمنه انه بياخد بايدى للاحسن
مطمنه انوا بش هيجرحنى بكلمه
نفسى يبقى حبنا ده قدام الناس كلها
بش عايزه انا ارتبط بحد وافضل قاعده خايفه من كل حاجه
بحلم افرح قدام الناس
واقولهم هو ده
اللى انا بحبه
هو ده هيبقى حبيبى وجوزى وسندى وابو ولادى
بحلم بانسان يبقى التفاهم فى كل شىء فى حياته
حتى لو غلط يعلمنى يتعامل معايا كانى طفلته
بحلم يكون قريب من ربنا ونشد بعض انا وهو عشان نقرب اكتر من ربنا ويبقى بنا اتفاقات بنعملها عشان خاطر ربنا بس
بحلم بانسان يحمينى من كل الناس حتى من نفسى
كل يوم يكبر فى نظرى
بش يخلينى فيوم اندم
نفسى هو بس اللى ياخد كل الحب اللى انا شايله ومخبيه لى
ايه يعنى لما اقول
انا
نفســــــــــــــى أحـــــــــــــب
مالحب ده هيبقى قدام كل الناس
بش عايزه حب الحراميين انا
ولا عايزه حب يحسسنى فى يوم ان انا كنت بعذب نفسى بش بسعدها


كفايه سرحان كده بقى ياريرى لحسن ده انتى كده فتحتى على الاخر ادى اخره السهر :D

فتكم بالعافيه



اه قبل ماامشى الصوره اللى فوق دى ليها معنى كبير اوووى

بيتهيألـــى !!⊙﹏⊙

هو ليه الكل فاكرنى زى ماهو عايز
انا ياناس ليا نفسى وليا عيوبى
وليا مميزاتى لوانى اشك فى دى
بس دى انا

ارجع تانى لاحلام ريرى
نفسى افرح
نفسى الدنيا تتدينى ساعتين مجانا زى شركه اتصالات افرح فيهم
نفسى ميبقاش متهيالى
اى حاجه تعدى عليا لو فيها فرحه
الاقى اللى يجى بعدها من قبل مالحق افرح
يقولى
انتى متهيألك
زى كده فيلم احمد حلمى اسف على الازعاج
بس ده عاش حبه فرحان
انا بقى بش عارفه حتى اعيش نص حبه فرحانه
بش بلحق

مشكلتى ان عايزه الكل يبقى دغرى معايا ولا يجبنى لمين ولا شمال
عشان بش يقولولى تانى
انتى كان بيتهألك ياريرى

طب والله العظيم انا بقى مابيتهيألى حاجه
هو فعلا كل ده حقيقى بجد
بس معرفش ليه
بيطلعونى فى الاخر ان انا بيتهيألى

انا بش هأهر نفسى بجد
ولا هقمعها كده
على ايه يعنى

ماهو كلوا بيبقى فى الاخر
بــــــــــح
مفيش
وبطلع انا فى الاخر
ال أيـــه
بيتهيألى .....
بتقولى ايه ياريرى
بيتهيألى !!!

فتكم بالعافيه
____

☜ !.....Secret

ليا مزاج اكتب اى حاجه
النضاره الشمس دى بتخفى حاجات كتير اوووى
ممكن تخفى عيون غمضانه
ممكن تخفى عيون زعلانه
ممكن تخفى عيون فرحانه
وممكن كمان تخفى عيون سرحانه
انا بحب البسها اوووى
بحس انها عامل زى العازل عن الناس
انت تشوفهم لكن هما بش عارفين عنيك شايفه ايه
اهى هيا دى برضو حياتى اللى نفسى فيها
انا مفتكرش ان عندى اسرار
معرفش يبقى عندى اسرار
لازم على ااقل ييكون فى نفريه واحده تعرف
لكن السر بتاعى انا ليا انا مفيش
ودى اكبر مشكله
عشان الكل بش زيك
والسر بدام اتقال مبقاش سر
زمااااااااااان لما كنت فى المدرسه حكيت لانتمتى حاجه بس نسيت اقولها بش تقولى
وهيا دفاعا عنى قالت
ساعتها اضيقت اوى بس بعدها فهمت ان هو المفروض ميكونش سر
عشان هو مكنش سر
من بعدها بقيت بش بعرف ايه السر وايه اللى بش سر فى حياتى


انا نفسى ابقى سر ^_^


بعيدا بقى عن الموضوع
المفروض يعملوا مكالمات الموبيلات ببلاش
انا بش بعرف ارغى براحتى
واللى يغيظك عرضهم كلها بليل
يعنى تقوم من احلها نومه عشان ترغى
ساعتها هتقعد تقول
انام ولا ارغى
وبصراحه دول خيارين مينفعش واحده زى تختار بنهم
عشان لما بكون عايزه انام ببقى الدنيا ضلمه قدامى خلاص مينفعش اقعد ثانيه
والرغى انتوا عارفين اللى فيها :D
مالها الكوبيات البلاستك السلك الحبل بتاع زمان اللى كنا بنلعب بيه واحنا صغارين
تبقى اختى فى الاوضه اللى جامبى وهيا معها كوبيه بلاستك
وانا فى الاوضه التانيه ومعايا كوبيه بلاستك
ونرغى بقى
ايييييييييييييييام
اللهى ربنا مايرجعها كنا موكوسين اوووى
ودماغنا مطرقعه
فى حد يكلم فى كوبيه بلاستك
ههههههههههههههههههه
مساء الجنان والبتنجان


فتكم بالعافيه

حبه رغى 8->

صباح او مساء الخير
كلوا ماشى
المهم
2011 عدت وجاه ورا منها 2012
ياعالم شايله ايه
وايه اللى هيحصل فيها

كنت بحاول اصحح من معاملات الناس
بس الظاهر ان فى ناس كده وبتفضل طول حياتها كده
وانا بش هحرق دمى عشان هما كده

ممكن اكون ماشيه فى مكان ضلمه
او بحاول انوروا انا
بس خايفه جدااااااااااا

معرفش انا ليه دايما
بحب اوجع نفسى
ليه بش بسبها تفرح

بشمعنا

ههحاول ابقى ذكيه لو مره واحده
وربنا يستر

محدش لى عندى حاجه

لم ابدء فى اهمال حد
بعرف ان بدءت ااقفل من الحد ده
ولما بقفل من حد
خلاص صعب ارجع تانى زى ماكنت

نفسى الفقر يشوفلوا حد غيرى شويه
يلهوووى بجد
انا لدرجاتى فقريه اوووى

بقيت نفسى كل حاجه تحصل
بسرررعه

يوم عيد ميلادى
عرفت مين اللى مهتم بريرى
ومين اللى بش مهتم
ووعد انا بش ههتهم باللى بش اهتم بيا
الاهتمام هيبقى محجوز للى بيهتموا بريرى


هاخد بالى كويس

فتكم بالعافيه

هابى بيرث داى ريرى وبسلامه يـــــ 2̶0̶1̶1̶

هنقول كل سنه وانتى طيبه لحاجات كتير اوووووى
خليكم انتوا بس معايا للاخر




دى اول حاجه
2̶0̶1̶1̶
بسلامه والقلب داعيلك
مع الف سلامه ونبى ماانتى راجعه
وهابى نيو ير
2012
ويارب تبقى سنه عدله بش عوجه زى اللى قبلها
انا عن نفسى هتفائل خير
وهتمنى امنيات كتير اوووى
اول ماتيجى الساعه 12 باذن الله
هبدء ارتب احلامى من اول وجديد وهدعى بيها للمولى عز وجل
واوعوا انتوا كمان تنسوا نصلى الساعه 12
ويارب تبقى سنه سعيده




تانى كل سنه وانتى طيبه
هتبقى لحلم ريرى
كبرت ماشاء الله وبقى عندها 4 سنين
هههههههههههه
انا بحبك اوووى

اما دى بقى
سامعنى ياابنى سلام كبيررررررر اوووووووى
وعجوز ومكحكح
لريرى
انا
كل سنه وانتى طيبه
يالى انتى معايا على طول
كل سنه وانتى صغيره برضو :p
عيد ميلادى ده انا بستناه من السنه لسنه
واول مايبدء اخر السنه يمشى بيبقى كل يوم يجى عيد ميلادى
بس الاساس
هو 31-12 و 1-1
دول اللى عليهم الاختلاف
فعشان كده الكل بيقولى كل سنه وانتى طيبه فى اليومين
والتورته اللى فوق دى بتاعتى
ياااااااااااا
زمان كان بيضحك عليا
كان ستو الله يرحمها تقولى ياريرى احنا اول السنه ولازم نعمل حاجه بلبن كده وتبقى بيضه عشان تبقى سنه حلوه
وتقوم تعملى رز بلبن
:D
وانا ياجماعه لكل اللى بيسال اصلى انا عارفه لازم يسالوا السؤال الظيظ ده
انتى بقى عندك كام سنه ياريرى ؟؟

انا هقولكم الصراحه بش بنكدب خالص

انا اهو يدوبك داخلت فى 14 :D
هههههههههههههههههههههههه صغنونه اهو خالص

سامعنى ياابنى اغنيه انا بش عارفنى


وفتكم بالعافيه

أعترافـــ :-?

ايه اللى انا وصلت لي؟
طب ايه اللى انا عملتوه فى حياتى ؟؟
طب ايه اللى انا مستنيه عشان اتقدم خطوه؟؟
انا عامله زى اللى كبرت على الفاضى
زى المبنى اللى مبنى باصول وجاه فى النص وحاجات كتير وقعت منوا وبش اهتميت وكملت المبنى
وبقى من كل حبه هوا يتهز المبنى
عشان بش متين من جواه

لدرجه ان انا وصلت ان انا اقول
فين حياتى دى

ممكن يكون الكلام تقيل بس اللى مخلنى بكلم وبقول
ان انا واثقه اللى موجودين هما ولا يعرفونى ولا اعرفهم
ودى اكتر حاجه انا محتاجها
ان انا اكلم من غير ماحد يكون عارفنى
عشان مبحبش اكون صعبانه على حد
ولا اشوف نظره اشفاق عليا
ولا اسمع كلام يوجعنى لمجرد انهم عرفنى


وكمان فى حاجات صعب تقولها
بس هيا عارفها المولى عز وجل
وده يكفينى

يارب شيل من قلبى اى حقد او غرور او كراهيه
خلينى دايما مقتنعه وراضيه
وده برضو يكفينى

نفسى ابطل احتاج لاى حاجه
حتى لو احتياج لنفسى
نفسى ابقى عايشه على هوامش الحياه
عشان الحياه نفسها زهقت منها

ياترى بكره شيلى ايه
وفى ايه
باذن الله
!!!

فتكم بعافيه

كــفاره ياابــو ســــريع :d

فورجت وخلصت
يااااااااااااااااا قضيت ايام مع اليونسكو شويه ايام
كلها عاته كده
ونجحت نجاحا عظيما يعنى فكل البرامج
لدرجه ان انا قولت اجرب الفشل
وسقط فى برنامج
بس العيب بش فيا العيب فى البرنامج
البور بينت هو اللى عليه العين
هو ده
اول مره احجز الامتحان بتاعه
حصلت مشكله واعتذارت
تانى مره سقط
تالت مره وهيا الاخيره
فضلت قاعده فى الكورس
من الساعه 12 لحد السابعه مساءا
كل ده عشان امتحن الامتحان الفقرى ده
المهم خلاص خلصت الحمد لله
مع السلامه يانيوسكو
بش نجيلك فى حاجه وحشه ابدااا

ورجعت ريما لعادتها القديمه
اللى هيا انا قاعده فى بتنا

________________

اكتشفت ان فى بنات رغايين اكتر منى
اه والله
والاعجب بقى
ان عرفت اد ايه لما يكون اللى قدامك رغاى بتبقى عايز تقولوا ارحمنى واسكت
تفتكروا الناس اللى برغى معهم بيقولوا كده فى سرهم جوه نفسيتهم

وكما قال
كما تدين تتدان

_____________________

بقيت المشكله عندى بش ان انا اعرفهم
لاء
المشكله بقت
ان انا عايزه اعرف نفسى

غريبه اوووووى انتى يانفسى

_________________

لما حاجه جوه منى بتقعد تأنب فيا
على اد مابقى زعلانه
على اد ماببقى فرحانه

عشان ده يقول عنه ان هو الضمير

_____________

انا بكسف اسال عن حاجه تخصنى ياجدعان
ده انا بكسف ااقول لسواق الميكروباص
على جنب يااسطى ((وبلغتى انا على جنب لو سمحت ))

وزى مابيقولوا وكسه عليا

________________

أنـــــــى خائفـــــه من شــىء مـــا

على رائيك يافوزيه

________________

مااجمل الشتا
فى وقفه على النيل
ولبس البلاطو
والبوط
والكوفايه
والنينى مدمع من الهوا

كـــــان زمانــ
التحرير باظ خلاص

_______________

ياسلام على ريحه البطاطا المحروقه
ياسلام على بايع عنقايد فل ابيض
ياسلام على فرجه على مركب ماشيه بتلقط رزقها
ياسلام على فرجه من مكان عالى على الانوار اللى منوره
ياسلامـــ يالا الســــلام
اللى باقى مجرد ناس بتتعارك

وعلى راىء اللى ماشى
انا والله مابقيت فاهم اى حاجه فأى حاجه

______________

ياترى الاهتمام هو الحب
ولا الحب هو الاهتمام
وشكلوا ايه الاهتمام ده
وشكلوا ايه الحب

وعلى راىء شخصيه بش فاكره اسمها
متعوووووووووووووووده متعووووده دايماا

_____________

عارفين الاعلان بتاع
يارايح ارض الاحلام خدنى معاك

خدنى معاك ونبى فى السكه
ممكن تحطنى فوق العربيه
ولا اجرى وراك بس خدنى معاك

_______________

مرجعش نونو صغنون تانى
ياااااا لو اعرف
مكنتش راضيت اخرج من بطنك ياامى

مينفعش ارجع انشالله باأجار جديد

_________________

هقول لأأأأأأأأأأ

تفتكروا اى اتنين مرتبطين
باى شكل من الاشكال بقى
مين اللى بياثر على التانى بشكل اكبر
وطباع مين اللى بتمشى وبيفضل طباع مين موجوده وبيجبرها على الشخص التانى
ليه مثلا يعنى
بش كل واحد فينا يحترم طبع اللى قدامه
حتى لو عيب فيه
اصلى مفيش حد مفهوش عيوب
وكل واحد فين رضى بالعيوب دى
ليه بقى بش بنقدر نستحملها ونبقى عايزينوا يغيرها
والجبروت ان بيبقى عايزينك تتغير على مزاجهم هما
ليه الراجل عمتا بيحب يمحى شخصيه المرأه
(((سمعك يالى بتقول مين قال كده ))
انا اللى بقول عندك اعتراض :p
عشان هيا دى الحقيقه
اقف قدام نفسك كده
واسال نفسك
مجتش فى يوم فرض عليها انها بش تشتغل ؟؟؟
مجتش فى يوم فرض عليها انها تقطع علاقتها بناس تعرفهم قبل منك ؟؟
مجتش فى يوم فرض عليها انها تغير حاجه فيها عشان مزاجك كده ؟؟
مجتش فى يوم منعتها انها تخرج ؟؟
مجتش فى يوم فرض عليها تروح مشوار مهم وترجع فى ساعه معينه؟؟
مجتش فى يوم وايام كتيرررر بقى
عارفه هتقولوا وبكل براءه ده خوف عليها
انا بخاف عليها
ده بش خوف عليها ده تحكم فيها وفى شخصيتها وفى طبعها وفى حياتها كلها
لو خوف
كنتوا قبلتوا خوفها هيا عليكم لما بتفرض عليكم الحاجات دى
ده فرض سيطره
ممكن يكون من حقك فى حاجات
لكن فى حاجات بش من حقك
عشان احنا بش اله حاسبه ندوس على ناقص نشيل حاجات من حياتنا
ندوس على زائد نزود حاجات فى حياتنا
احنا بنأأأأأأأأأأأأأأأأأأأأأأأأأأأأأأأأأأأأأأأدمين
يابشر
وقبل ماتتطلب التغير ابدء انت بالتغير
وانا عن نفسى واثقه مننا احنا
ان احنا باااقل الحاجات بنرضى وبنفرح

لكن انتوا
زى ماقال الكتاب
ميلماش عنيكم الا التراب


فتكم بالعافيه بقى

:) ––––•

وهنيالك يافاعل الخير والثواب
اليومين دول بقيت زى الخطبه بس فى الوظايف
كل يوم والتانى اعرف وظيفه فى مكان
ااقوم ماسكه الموبيل وماشاء الله يعنى
كل اللى فيه حاصلين على لقب عاطلين
وانشر الخبر
الكل يقدم
وانا ااقعد عاطله
:D

..........

دمى محروق جدااااااااااااااااااااااااااااااااااااااااا
لحاجات كتير
اهمها
الكورس اللى كنت قولت خلاص الفقر بعد بعيد
اتاريه لازم يسيب اثر لى
وهنزل كل يوم استنى حد يتنازل
عشان امتحن انا
عشان على اخر السنه هيتلغى الكورس
وانا وحظى بقى
منك لله يالى كنت السبب

......

حتى الشاحن بتاع اللاب
بقعد اجيبوا كده اجيبوا كده بش بيشتغل
ااقوم رزاعه الرزاعه التمام يقوم ينور
لازم العين الحمره
حتى مع الشاحن

.......

نفسى اكون من الناس
اللى بتحب القهوه
عشان اعملى فنجان قهوه بالطبق
واقعد اشرب بوء واسيبوا حبه
وافكر
معرفش ليه الناس بتسرح وهيا بتشرب القهوه
ولا ليه القهوه مرتبطه بالناس اللى بتقعد فى جو هادى يااما تفكر يااما تبدع
ايه علاقه القهوه بكده

.........

عامله زى اللى ماشيه على حبل السيريك

........

خلينا ورا الناس لحد مانعرف اخرتها

.......

ارتباكــــــــ

......

ان احب حد ده شىء سهل جدااااا بس محتاج شويه ذكاء من اللى قدامى
ان اكره بقى حد شىء صعب
بس ممكن قلبى يشيل من غباء اللى قدامى

.......

انا بحب الالوان الغامقه


.......

معرفه الناس عن طريقى شىء لذيذ
عشان بش مجبره عليه
اما
معرفه الناس عن طريق الناس
شىء بيسببلى انا احراج

........

انا اكتر واحده شوفتها فى حياتى
بتتحرج جدااااا
حتى لو على حساب نفسها
نفسى ابطل الموضوع ده فيا

..........

دى بش مجامله لحد
ده احراج

.........

( واصبر لحكم ربك فإنك بأعيننا ).
صدق الله العظيم

......

نفسى اعيش فى وسط خضره افتح شباك
الاقى زرع ونخل

....

بش بحب حد ياخد منى حاجه غصب عنى
بمزاجى انا ادى
عشان الحاجه دى بتاعتى

......

هوائيــــــــه !!!
ليه قولتى كده ؟؟؟

..........

انا معنديش اى مشكله ان انا اقول انا فيا كذا وكذا
واقول عيوبى
عشان ده طبعى كده
يااما اتقبل بطبعى كلوا كده
يااما بلاش منى خالص

........

بش بعرف ابقى متلكفه فى كلامى وحركاتى
بش بعرف ارتب كلامى
زى ماجوايا بيتقال
بش مشكلتى ان انا بقول اللى جوايا
مشكله اللى قدامى اللى بيبقى عايزنى ابقى كدابه وبرتب الكلام
انا هفضل انا
واللى بش عجبه صراحتى دى حاجه ترجعلوا

.........

انا ممكن االف كلام واقول زى مااى حد بيقول
بس بش هبقى انا
وانا معرفش اكون حد تانى غيرى انا

.........

يعنى ايه مقولش ان انا كنت وكنت
هو انا بش كنت فعلا !!!!
انكر الشىء جريمه يعاقب عليها الضمير
حتى لو بينى وبين نفسى

.............

واللى بش عاجبه برضو
شىء بش يخصنى
المهم اكون انا ارتحت وقولت كل اللى جوايا

.........

انا بش بعرف اخبى حاجه
ممكن تكون مشكله بس انا بش شايفها مشكله
انا بش سهونه

..........

مفيش حد بياكل حاجه هو بش بيحبها حتى لو الاكله المفضله للناس كلها
بس بناكل الاكل اللى مزاجنا حتى لو بيوجع البطن

........

لولا تعددت الازوراق لباارت السلع

..........

ولولا الدماغ اللى زى بتاعت الصعيدى دى
انا كان زمانى حالى غير حالى

............

الفقر بينادى على الفقرى

...........

ياترى بكره مخبى ايه

......

كلها كام يوم ويزيد عمرى سنه
يبقى 24
قصدى 14
14
:D
باذن الله
........

فتكم بالعافيه

أى كــلامـ

حاله من الهدوء والانتظار
متراقبه ايه اللى هيحصل
ياترى كده ولا ياترى كده كدهوه


رغم حبى الشديد للشتا
بس بقعد اخبى ايدى فى جيبى
والبس الكلوك
وبتكتك
ومهما اعمل بفضل متلجه
رغم كل ده
وبحبه


لدرجه دى الواحد بيخاف من زعل
اى شخص
حتى لو بش مهم !!!


بقول للناس على حاجات وبش بعملها انا
رغم ان انا محتاجها
معرفش ده اسمه ايه


فى الانتخابات
واقفه بره قدام المدرسه وكان بليل فى الساعات الاخيره بتاعت الانتخابات
وبتوع الجيش واقفين
جت واحده ست شكلها على اد حالها يعنى كبيره فى السن
بدور على المدرسه اللى هتنتخب فيها فى اخر دقايق يعنى خلاص كانت المدارس هتقفل
فواحد راجل اخد منها الورقه عشان يشوفلها مكتوب انى مدرسه
وهو بيفتح الورقه قالتلى ياابنى هيا مدرسه جمال عبد الناصر
قالها ياحجه فى اتنين جمال واحده بتاعت ابتدائى ودى اللى هيا كانت قدامها
والتانيه الثانويه
المهم طلعت هيا فى بتاعت الثانويه
يعنى تخرج الشارع وتمشى شويه تلاقيها
لسه الراجل بيقولها بش دى ياحجه التانيه
لاقيتها بكل مافيها بتقول
لاءءءءءءءءءءءءءءءءءءءءءءءءءءءءءءء هيا دى اللى هنتخب فيها
يقولها ياحجه بش دى التانيه
تقولوا لاء هيا بقى اللى هنتخب فيها انا عايزه انتخب
واللى شد انتباهى اكتر
انا بدءت تعيط الست وتقول لاء انا عايزه انتخب
لحد ماجاه واحد من بتاع الجيش لحد عندها وقعد يهديها ويفهمها


هو ليه الشرطه بش تبقى زى بتوع الجيش اللى واقفين قدام المدارس
بش هما هما برضو من نفس البلد
بجد انا اول مره اشوف الادب والاخلاق دى


بقت حافظه وفاهمه اوووى
بس مستنيا حد يقولها
فوووووقى


الكل فاكر حاجه
هيا بقت بش موجوده
او بقت بتهرب
وانا اللى هبررها فى الاخر
ومعرفش هقول ايه


الثقه المعدومه دى فى اللى حواليا
سببها حاجات كتير
يارايت تستحملونى
ويارايت تقدروا ان انا فى الاخر جوايا حاجه حلوه ليكوا


كتيررررررر من خيبت الامل
وكتيررررر من الندم
وكتيرررررر اكتررر من الزعل
بس


خلتونى اقول كلام انا بش مسؤوله عنه
عشان طالع بنرفزه وعصيبه


بحاول اقنع نفسى
وارتب تفكيرى
عشان اوصل
ان انا كده صح
حتى لو غلط


كل مالعمر بيزيد
كل مالعيوب بتكتر
وبش بايدينا
بايد ناس عرفنهم فى وسط مالعمر ماشى
يبقى من حقنا عليهم
انهم
يستحملونا


بقالى كتير بش بقول
فتكم بالعافيه

Ana

انا وحشه اوووى فى حق نفسى
والله ماكنت اعرف
بالله عليكى ماتزعلى منى يانفسى
اانا عارفه كسرتك كتير
وجيت عليكى بالاوى
بس والله ماكنت اعرف
انهم كلهم كده
عارفه ان انا خليتك ولا تساوى اى حاجه فى نظرى
وعارفه ان شيلتك كل اخطائى
وعارفه ان مستهلش منك حتى الطبطبه
بس انا بقولك
اسفه
اسفه والله على كل حاجه خليتك تحسى بيها وتكسرك
اسفه عشان اعتبرتك بش موجوده
اسفه عشان بقيتى ميته جوايا
واسفه
عشان انتى نفسى
حقك عليا


!

:-o

الشعب كلوا فلول ياسعت البيه
انتخب يعنى فله يعنى

بش صوتى امانه
وانا حقا للامانه دى
هروح لحد الانتخابات هتنازل واصحى بدرى واروح
بس بش محدش هياخد صوتى
معرفش ازاى دى تيجى
بس لو امكن هعمل كده هسيب الورقه فاضيه
انا حرررررررررررررررررره
واللى يكلم معايا
هصوت فعلا
بس فى وشوا
ويبقى حد يتكلم معايا
ويقولى خدى كيس سكر
ولا خمسه جنيه
ولا طبق طرشى حتى




هقولوا قول قول بسرعه انت انى حزب
هههههههههههه

لا ولا ولا ابيع صوتى يعنى عشان طبق طرشى

بجد الواحد ماعارف هيعمل ايه
انا عامله ااقرا ااقرا لحد ماحاسه ان رجعت ايام الثانويه العاميه
وعلم فى المتبلم يصبح ناسى
وان لاقيت حد بيشكر هنا
تلاقيه الناحيه التانيه يقولك
ده فللللللللللللللللللللللللول
لحد ماطلعت مصر كلها فلول
انتخب ميييييييييييييييييين انا بقى
مييييين
!!!!

~ ~

متزعليش يانفسى

فى كلام جوانا صعب نقولوا
وصعب غيرنا يفهموا
وصعب نوصل احساسوا

انا بغلط كتير
معترفه
ومقدرش انكر ان غلطى ده ساعت بيبقى كبير
بس ربنا بيكسفنى اوووى من نفسى
عشان طول عمرى اللى بيجى عليا او يسببلى اذى فى حياتى
واقول يارب
الاقى الاجابه على دعوئى
وحقى بيرجعلى
انا اسفه اوى يارب

ياراتنى ماكنت صادقه مع الناس
يمكن كنت اقدر اصدقهم

جوايا خووف
معرفش من ايه
بس انا بجد خايفه

يارب بش تكسرنى ابدااا قدام حد

صعب تلاقى حد يفهمك
وصعب طول الوقت تقنع نفسك بحاجه انت بش مصدقها

حرام عليا نفسى
حرام بجد

نفسى ميبقاش فى ريهام

حاله من التوهان
ياعالم هتوصلنى لايه !!

كلوا ضاييييييييييييييييييييع
حتى لو موجود
ضااايييع برضو


الكل بيلطش



انت اعلم بالنوايا يارب

بش عايزه حاجه

انا ارفانه
:(

فتكم بالف عافيه
وبعد ارفانه
كل سنه وانتم طيبين
ويارب تبقى سنه فيها االخير كلوا

80 مليون ريس لــ 80 مليون مصرى

ان لم اكون مصريا لوددت انا اكون .....
جيش عجيب
وشعب اعجب منوا
ومصر مزنوقه فى النص
زى لعبه عروستى
كل واحد منهم ماسكها من ايدها وبيشدها
ويقول لاء دى عروستى

ولا ده عارف يحافظ عليها وعلى جمالها
ولا ده كمان قادر يصونها ويحميها

زى التورته اللى كل واحد عايز يحطلوا فيها شمعه
عشان يقول انا اللى نورت

لحد ماهتبقى التورته بش باينه ملهاش وجود

فى المترو احداث الايام اللى فاتت
فى عربيه واحده بس من المترو
يعنى ممكن يتقدروا بتاع نقول 100 مثلا
كلهم بيرغوا فى حال البلد
كل واحد منهم بيقول رائ
وبش عاجبوا راىء التانى
وعايز يفهم الطرف التانى بالغصب
والله هو ده اللى حاصل


وطبعا لازم يبقى لكل انسان رائ
ويحترم كمان حتى لو مكنش زى مانا عايزه

بس لو بصنا لقدام وتخليت ان بكره
انتخابات الرياسه
بش هتلاقى مليون شخص على رائ واحد
ويوم ماينجح شخص بالرياسه
هنقول لاء بش ده اللى احنا اخترناه

بس ناسيين ان احنا 80 مليون
يبقى عايزين 80 مليون ريس

و80 مليون قرار
وهكذا

عشان مفيش اتنين متفقين على حاجه

والله صعبانه عليا
انا لو منك اصوت بعلو صوتى
وااقولهم كل واحد فى مكانوا بقى
ومحدش يكلم باسمى
ولا جيش ولا شعب ولا احزاب ولا حتى شباب
ربنا موجود واللى خلكى تبقى كده
ربنا ينتقم منوا دنيا واخره

انا كلامى ده بش دافع ولا عن اللى فى التحرير ولا عن الجيش
ولا عن اى حد
عشان مدخلتش جواه نواياهم ومعرفش ايه اللى فى ضميرهم

بس ده مجرد تفكير


فتكم بالعافيه

جوه منى بقى عجوز
!!!

انتى راحتى فين بش لاقيكى فى عنيا
!!!